خدشہ موجود ہے کہ بھارت پھر کوئی شرارت کر سکتا ہے: عرفان صدیقی
اشاعت کی تاریخ: 20th, May 2025 GMT
پاکستان مسلم لیگ (ن) کے سینئر رہنما عرفان صدیقی—فائل فوٹو
پاکستان مسلم لیگ (ن) کے سینئر رہنما عرفان صدیقی نے کہا ہے کہ خدشہ موجود ہے کہ بھارت پھر کوئی شرارت کر سکتا ہے، مودی نے بھارت کا چہرہ بدل دیا ہے۔
جیو نیوز کے پروگرام جیو پاکستان میں گفتگو کرتے ہوئے انہوں نے کہا کہ بھارت میں اب انسانی حقوق کی کوئی قدر و قیمت نہیں، بھارت نے جو مہم جوئی کی اس میں منہ کی کھائی ہے۔
عرفان صدیقی کا کہنا تھا کہ بھارت نے امریکا سے رابطہ کیا اور جنگ بندی کرانے کا کہا، بھات کو عسکری اور سفارتی شکست ہوئی، بھارت نے پھر کوئی مہم جوئی کی تو ماضی کی طرح کا جواب دیا جائے گا۔
عرفان صدیقی کا کہنا ہے کہ سیاسی سیز فائر کی بات کی جا رہی ہے، سیز فائر وہاں ہوتا ہے جہاں دو فریق فائرنگ کر رہے ہوں
انہوں نے کہا کہ ہم نے کسی پر منشیات اور غداری کا مقدمہ نہیں بنایا، ہم انتقامی کارروائی نہیں کر رہے، ہم انتقام در انتقام کی پالیسی پر بالکل کاربند نہیں۔
ان کا کہنا تھا کہ بانی پی ٹی آئی کے مقدمات بڑے ٹھوس ہیں، اگر ان کو ریلیف ملتا ہے تو ملے، اس تھیوری کے خلاف ہوں جب کہا جاتا ہے کہ بانی پی ٹی آئی کے جیل میں رہنے سے سیاسی بحران ہے۔
ن لیگی رہنما نے یہ بھی کہا کہ ایوان میں پی ٹی آئی کے ارکان بڑی تعداد میں موجود ہے، تحریک عدم اعتماد کوئی غیر آئینی بات نہیں، آج بھی تحریک عدم اعتماد اگر لائی جاتی ہے، تو ہم خندہ پیشانی سے اس کا مقابلہ کریں گے، ہم آئین و قانون کے مطابق آگے بڑھیں گے۔
.
ذریعہ
ذریعہ: Jang News
کلیدی لفظ: عرفان صدیقی کہ بھارت
پڑھیں:
بھارت: میسی کا 70 فٹ بلند مجسمہ حفاظتی خدشات کے باعث ہٹا دیا گیا
بھارتی شہر کولکتہ کے علاقے لیک ٹاؤن میں نصب فٹبال لیجنڈ لیونل میسی کا 70 فٹ بلند مجسمہ مقامی رہائشیوں کی شکایات کے بعد ہٹا دیا گیا ہے۔
بھارتی میڈیا رپورٹس کے مطابق شہریوں کا کہنا تھا کہ تیز ہواؤں کے دوران یہ دیوقامت ڈھانچہ ہلتا محسوس ہوتا تھا جس سے حفاظتی خطرات پیدا ہو رہے تھے۔
میسی کا یہ مجسمہ گزشتہ سال دسمبر میں نصب کیا گیا تھا اور اسے 2022 فیفا ورلڈ کپ کے فاتح کپتان کو خراجِ تحسین پیش کرنے کے لیے تیار کیا گیا تھا۔
مجسمے میں ارجنٹائن کے سپر اسٹار کو ورلڈ کپ ٹرافی تھامے ہوئے دکھایا گیا تھا جو ان کی تاریخی کامیابی کی یادگار کے طور پر بنایا گیا تھا۔
یہ یادگار میسی کے مداحوں کی جانب سے ان کے بھارت کے دورے کے موقع پر وی آئی پی روڈ کے کنارے قائم کی گئی تھی۔
View this post on Instagramتاہم حالیہ دنوں میں مقامی افراد نے انتظامیہ کو آگاہ کیا کہ تیز ہوا چلنے پر مجسمہ معمولی طور پر جھولتا نظر آتا ہے جس سے راہگیروں اور قریبی آبادی کے لیے خطرات بڑھ سکتے ہیں۔
حکام نے عوامی تحفظ کو مدنظر رکھتے ہوئے مجسمے کو عارضی طور پر ہٹانے کا فیصلہ کیا ہے جبکہ اس کے مستقبل کے بارے میں تاحال کوئی باضابطہ اعلان نہیں کیا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ