وزیرِاعظم کی دورۂ پاکستان کی دعوت مصری صدر نے قبول کر لی
اشاعت کی تاریخ: 20th, May 2025 GMT
—فائل فوٹو
وزیرِاعظم شہباز شریف نے مصری صدر کو دورۂ پاکستان کی دعوت دی، عبدالفتاح السیسی نے پاکستان کے سرکاری دورے کی دعوت قبول کر لی۔
اسلام آباد سے جاری اعلامیے کے مطابق وزیرِ اعظم شہباز شریف نے مصر کے صدر عبدالفتاح السیسی سے ٹیلیفونک گفتگو کی۔
اس دوران وزیرِ اعظم نے جنوبی ایشیاء کے حالیہ بحران میں فعال سفارت کاری پر صدر السیسی سے اظہارِ تشکر کیا۔
وزیرِ اعظم نے ملکی خودمختاری اور علاقائی سالمیت کے دفاع پر پاکستان کی بہادر مسلح افواج کو خراجِ تحسین پیش کیا اور کہا کہ پاکستان علاقائی امن کے مفاد میں بھارت سے جنگ بندی مفاہمت برقرار رکھنے کے لیے پُرعزم ہے۔
وزیرِ اعظم شہباز شریف کی ایران کے صدر مسعود پزشکیان سے ٹیلی فون پر گفتگو ہوئی ہے جس کے دوران انہوں نے آئندہ ہفتے ایران کے دورے کی دعوت قبول کر لی۔
وزیرِ اعظم شہباز شریف نے مصری صدر کی توجہ سندھ طاس معاہدے کی اہمیت کی طرف بھی مبذول کرائی۔
اعلامیے کے مطابق دونوں رہنماؤں نے مشرقِ وسطیٰ بالخصوص غزہ کی تشویش ناک صورتِ حال پر تبادلۂ خیال کیا۔
وزیرِاعظم نے کہا کہ عالمی برادری غزہ میں درکار انسانی امداد کی مسلسل اور بروقت فراہمی یقینی بنائے، امید ہے آئندہ ماہ 2 ریاستی حل پر اقوامِ متحدہ کی کانفرنس کے بامعنی نتائج ہوں گے۔
وزیرِ اعظم نے پاک مصر تجارت اور سرمایہ کاری کے فروغ کی ضرورت کو اجاگر کیا۔
اعلامیے میں کہا گیا ہے کہ مصری صدر نے پاکستان اور بھارت کے درمیان جنگ بندی مفاہمت کا خیر مقدم کیا اور جنوبی ایشیاء میں پائیدار امن اور استحکام کے لیے پاکستان کی کوششوں کو سراہا۔
اعلامیے میں یہ بھی کہا گیا ہے کہ وزیرِ اعظم شہباز شریف کی مصری صدر کو دورۂ پاکستان کی دعوت دی، جو عبدالفتاح السیسی نے قبول کر لی۔
.ذریعہ: Jang News
کلیدی لفظ: اعظم شہباز شریف نے پاکستان کی قبول کر لی کی دعوت
پڑھیں:
شہباز شریف کا بھارتی پروپیگنڈے کے توڑ کیلئے دنیا بھر میں سفارتی وفد بھیجنے کا فیصلہ
وفد میں ڈاکٹر مصدق ملک، خرم دستگیر، شیری رحمٰن، حنا ربانی کھر، فیصل سبزواری، تہمینہ جنجوعہ اور جلیل عباس جیلانی شامل ہیں۔ وفد لندن، واشنگٹن، پیرس اور برسلز جائے گا۔ وفد خطے میں بھارت کے پروپیگنڈے اور خطے کے امن کو تباہ کرنے کی کوششوں کو بے نقاب کرے گا۔ وفد پاکستان کی خطے میں امن قائم رکھنے کیلئے کوششوں کو اجاگر کرے گا۔ اسلام ٹائمز۔ وزیرِاعظم شہباز شریف نے بھارتی پروپیگنڈے کو بے نقاب کرنے کیلئے دنیا بھر میں سفارتی وفد بھیجنے کا فیصلہ کیا ہے۔ وزیرِ اعظم آفس کی جانب سے جاری کیے گئے اعلامیے میں بتایا گیا ہے کہ وزیرِاعظم شہباز شریف نے اس سلسلے میں چیئرمین پیپلز پارٹی بلاول بھٹو زرداری کو ٹیلیفون کیا ہے۔ اعلامیے کے مطابق وزیرِاعظم نے بھارتی پروپیگنڈے کو بے نقاب کرنے کیلئے وفد کی قیادت بلاول بھٹو کو سونپ دی ہے۔ وزیرِ اعظم آفس کے اعلامیے کے مطابق وفد میں ڈاکٹر مصدق ملک، خرم دستگیر، شیری رحمٰن، حنا ربانی کھر، فیصل سبزواری، تہمینہ جنجوعہ اور جلیل عباس جیلانی شامل ہیں۔ وفد لندن، واشنگٹن، پیرس اور برسلز جائے گا۔ وفد خطے میں بھارت کے پروپیگنڈے اور خطے کے امن کو تباہ کرنے کی کوششوں کو بے نقاب کرے گا۔ وفد پاکستان کی خطے میں امن قائم رکھنے کیلئے کوششوں کو اجاگر کرے گا۔
امریکی صدر کی پاکستان اور بھارت کو لڑائی روکنے کے بدلے تجارتی مراعات کی پیشکش