کراچی، فلیٹ سے خاتون کی پرانی لاش برآمد، ورشہ جعفری کے نام سے شناخت
اشاعت کی تاریخ: 22nd, May 2025 GMT
کراچی:
شہر قائد کے علاقے ابوالحسن اصفہانی روڈ پر واقع اقرا سٹی فیز ون کے ایک فلیٹ سے 22 سالہ خاتون کی لاش برآمد ہوئی ہے۔
چھیپا ریسکیو حکام کے مطابق خاتون کی شناخت ورشہ جعفری کے نام سے کی گئی ہے، جبکہ لاش عباسی شہید اسپتال منتقل کر دی گئی ہے۔
چھیپا کے ترجمان نے بتایا کہ لاش بظاہر دو سے تین دن پرانی محسوس ہوتی ہے، تاہم موت کی وجہ کا تعین پوسٹ مارٹم رپورٹ کے بعد ہی ممکن ہو گا۔
مزید پڑھیں: کراچی: زیر تعمیر عمارت سے گر کر مزدور جاں بحق
ابتدائی طور پر لاش پر کسی واضح تشدد کے نشانات کی تصدیق نہیں کی جا سکی۔
واقعے کی اطلاع ملتے ہی سچل تھانے کی پولیس جائے وقوعہ پر پہنچی اور فلیٹ کو سیل کر کے شواہد اکٹھے کرنے کا عمل شروع کر دیا گیا۔
پولیس حکام کا کہنا ہے کہ واقعے کی مختلف پہلوؤں سے تفتیش جاری ہے، اور ورشہ جعفری کی موت خودکشی، حادثہ یا قتل تھی اس بارے میں تحقیقات مکمل ہونے کے بعد ہی کوئی حتمی نتیجہ اخذ کیا جا سکے گا۔
.ذریعہ: Express News
پڑھیں:
کراچی: گلستان جوہر میں جھونپڑیوں میں آتشزدگی
—فائل فوٹوکراچی کے علاقے گلستان جوہر میں جھونپڑیوں میں آگ لگ گئی۔
فائر بریگیڈ حکام نے بتایا کہ کراچی کے علاقے گلستان جوہر بلاک 10 میں آگ لگنے سے متعدد جھونپڑیاں لپیٹ میں آگئیں۔
فائر بریگیڈ حکام نے مزید بتایا کہ 5 فائر ٹینڈرز آگ پر قابو پانے میں مصروف ہیں۔
عینی شاہد کا کہنا ہے کہ بجلی کی تاروں کے ٹکرانے پر شارٹ سرکٹ کے باعث آگ لگی۔
یومِ سیاہ کشمیر، وزرائے اعلیٰ کا کشمیری عوام سے اظہارِ یکجہتی