بلاوائیو ٹیسٹ، جنوبی افریقا کیخلاف زمبابوے ٹیم مشکل میں گھر گئی
اشاعت کی تاریخ: 30th, June 2025 GMT
جنوبی افریقا کے خلاف بلاوائیو ٹیسٹ میں زمبابوے کی ٹیم سخت مشکل میں گھر گئی ہے۔
ٹیسٹ میچ کے تیسرے دن کے اختتام پر جنوبی افریقا نے زمبابوے کو 537 رنز کا ہدف دے دیا ہے۔
جنوبی افریقی ٹیم نے گزشتہ روز کی اپنی دوسری نامکمل اننگز 49 رنز ایک کھلاڑی آؤٹ سے آگے بڑھائی اور پوری ٹیم 369 رنز پویلین لوٹ گئی۔
جنوبی افریقا کی طرف سے ویان مولڈر نے 147 رنز کی شانداری باری کھیلی اور اننگز کے دوران 17 چوکے اور 2 چھکے لگائے۔
کیشو مہاراج 51 کے علاوہ کوئی اور بیٹر نصف سنچری تک بھی نہ پہنچ سکا اور پوری ٹیم 369 پر آؤٹ ہوگئی، یوں زمبابوے کو 537 رنز کا ہدف مل گیا۔
جنوبی افریقا نے پہلی اننگز 9 وکٹ کے نقصان پر 418 رنز پر ڈکلیئر کردی تھی، جس کے جواب میں زمبابوے کی ٹیم 251 رنز ڈھیر ہوئی، یو ں اسے 167 رنز کے خسارے کا سامنا کرنا پڑا تھا۔
تیسرے دن کے کھیل کے اختتام پر زمبابوے نے 1 وکٹ پر 32 رنز بنالیے ہیں، بلاوائیو ٹیسٹ جیو سوپر پر براہ راست نشر کیا جارہا ہے۔
.
ذریعہ
ذریعہ: Jang News
کلیدی لفظ: جنوبی افریقا
پڑھیں:
بحرین میں محرم الحرام کی آمد کیساتھ ہی شیعیان علیؑ کیخلاف کریک ڈاون میں تیزی
گرفتاریاں بحرین کی وزارت داخلہ کی طرف سے چلائی جانے والی ایک بڑھتی ہوئی مہم کے تناظر میں کی جا رہی ہیں، جو خطے میں جاری واقعات، بشمول شیعوں کو براہ راست نشانہ بنانے، کے بعد سامنے آئی ہے۔ اسلام ٹائمز۔ شیعہ نشین عرب ملک بحرین پر قابض ال خلیفہ حکام اپنے جرائم کا سلسلہ جاری رکھے ہوئے ہیں اور متعدد شہریوں کی گرفتاریوں کا ایک سلسلہ شروع کیا ہے۔ محرم الحرام کی آمد کیساتھ ہی بحرین میں شیعہ شہریوں کے خلاف سیکیورٹی اداروں کی طرف سے شروع کیے گئے کریک ڈاؤن کے تحت، انہیں تفتیش کے لیے طلب کرنے کے بعد متعدد شہریوں کو گرفتار کیا جا چکا ہے۔ گرفتار کیے گئے افراد کے نام حسب ذیل ہیں: - ناصر الکشری (اهل بیت علیہم السلام کے ذاکر) - حاج عبدالجبّار میرزا - حاج حسین درویش - إیهاب الحمدی - احمد حسن - السید عبدالله ماجد - حسین الخیاط - محمود مسلم - حاج مهدی صالح - دو بھائی علی و حسن الغانم - رضا ابراهیم محمد حمادة - السید حسین جعفر - محمد سرحان
غاصب بحرینی حکام یہیں نہیں رکے بلکہ انہوں نے دو بچوں مصطفی یوسف اور زین محمد ابراهیم کو بھی گرفتار کر لیا ہے۔ شیعہ آبادی والے دیہاتوں میں سیکیورٹی الرٹ کی حالت ہے، جہاں حکام نے زیادہ تر دیہاتوں کے اطراف اپنی افواج تعینات کر رکھی ہیں، تاکہ وہ متعدد شہریوں کو طلب کر کے گرفتار کریں۔ یہ گرفتاریاں بحرین کی وزارت داخلہ کی طرف سے چلائی جانے والی ایک بڑھتی ہوئی مہم کے تناظر میں کی جا رہی ہیں، جو خطے میں جاری واقعات، بشمول شیعوں کو براہ راست نشانہ بنانے، کے بعد سامنے آئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ