حکومت وکلاء کے مسائل کے حل کیلئے پرعزم ہے: اعظم نذیر تارڑ
اشاعت کی تاریخ: 23rd, May 2025 GMT
وزیرِ قانون اعظم نذیر تارڑ—فائل فوٹو
وزیرِ قانون اعظم نذیر تارڑ کا کہنا ہے کہ وکلاء کے مسائل کے حل کےلیے حکومت پُرعزم ہے۔
وفاقی دارالحکومت اسلام آباد میں وزیرِ قانون اعظم نذیر تارڑ سے مختلف بار ایسوسی ایشنز کے وفود نے ملاقات کی ہے۔
ملاقات میں اسلام آباد ہائی کورٹ بار اور راولپنڈی ہائی کورٹ بار کے وفود شریک ہوئے۔
وفاقی وزیرِ قانون اعظم نذیر تارڑ کا کہنا ہے کہ حکومت کا وکلاء کے ساتھ جو معاہدہ ہے اس میں کبھی دھوکا نہیں ہو گا۔
چکوال، جھنگ، حافظ آباد، ڈسکہ، وزیر آباد، سمندری، حسن ابدال، کلور کوٹ، اٹک بارز کے نمائندے بھی ملاقات میں موجود تھے۔
اس موقع پر پنجاب کی متعدد بار ایسوسی ایشنز کو گرانٹ اِن ایڈ چیکس جاری کیے گئے۔
وزیرِ قانون اعظم نذیر تارڑ نے بار ایسوسی ایشنز سے خطاب میں کہا کہ بارز کی فلاح حکومت کی ترجیحات میں شامل ہے، وزیرِ اعلیٰ پنجاب کی قیادت میں بار ایسوسی ایشنز کے لیے مؤثر اقدامات کیے گئے ہیں۔
وزیرِ قانون اعظم نذیر تارڑ نے اس موقع پر بارز کے مسائل کے حل کے لیے ہر ممکن مدد کے عزم کا اظہار بھی کیا۔
.ذریعہ: Jang News
کلیدی لفظ: قانون اعظم نذیر تارڑ بار ایسوسی ایشنز
پڑھیں:
کھیلوں کی ترقی میں میڈیا کا کردار ناقابلِ فراموش ہے، عطا اللہ تارڑ
وفاقی وزیر اطلاعات عطا اللہ تارڑ نے راولپنڈی اسلام آباد اسپورٹس جرنلسٹس ایسوسی ایشن کی تقریبِ حلف برداری سے خطاب کرتے ہوئے کہا ہے کہ پاکستان میں کھیلوں کے فروغ میں اسپورٹس جرنلزم نے کلیدی کردار ادا کیا ہے۔ ان کا کہنا تھا کہ کھیلوں کے صحافیوں نے اپنی تحریروں، تجزیوں اور کیمرے کی آنکھ کے ذریعے ان گنت کامیابیاں دنیا بھر تک پہنچائیں، اور ان کی محنت نے کھیلوں میں عوامی دلچسپی کو برقرار رکھا۔
وزیر اطلاعات نے کہا کہ آج کھیلوں کے صحافیوں کے عالمی دن کے موقع پر اس تقریب میں شرکت ان کے لیے باعثِ اعزاز ہے۔ انہوں نے اعتراف کیا کہ اگر اسپورٹس جرنلسٹس نہ ہوتے تو نہ صرف کھیلوں کے مقابلے بےرنگ ہوتے بلکہ کئی باصلاحیت کھلاڑی منظرعام پر نہ آ پاتے۔
انہوں نے کہا کہ اسپورٹس صحافی کئی کھلاڑیوں کے لیے امید کی کرن بنے۔ ان کی بدولت کئی نوجوان کھلاڑی قومی اور بین الاقوامی سطح پر پہنچے۔ وزیر اطلاعات نے تسلیم کیا کہ کھیلوں کے صحافی نہ صرف کھلاڑیوں کی محنت و مشقت سے بخوبی واقف ہوتے ہیں بلکہ ان کی کامیابیوں کو اجاگر کرنے کے لیے ہر ممکن کوشش کرتے ہیں۔
مزید پڑھیں: برائن لارا کا ریکارڈ 21 سال بعد ٹوٹ سکتا تھا، مگر ’چوکرز‘کے غلط فیصلے نے موقع گنوا دیا؟
خطاب میں وزیراطلاعات نے کہا کہ اسپورٹس جرنلسٹس نوجوان کھلاڑیوں میں حوصلہ اور جذبہ پیدا کرتے ہیں۔ انہوں نے اس امر پر زور دیا کہ گراس روٹ لیول سے قومی سطح تک کھیلوں کو اجاگر کرنے میں صحافیوں کا کردار انتہائی قابل ستائش ہے۔
ان کا کہنا تھا کہ کئی کامیاب اسپورٹس مقابلے اسپورٹس جرنلزم کی بدولت عوام میں مقبول ہوئے اور کھیلوں کے میدانوں کو رونق ملی۔ انہوں نے کہا کہ پاکستان میں اسپورٹس جرنلزم نے ایک مثبت روایت قائم کی ہے، جسے آگے بڑھانے کی ضرورت ہے۔
وزیر اطلاعات نے یقین دلایا کہ حکومت نہ صرف کھیلوں کے فروغ بلکہ کھیلوں کے صحافیوں کی مکمل معاونت کرے گی۔ ان کا کہنا تھا کہ جہاں بھی ضرورت پیش آئی، حکومت اسپورٹس جرنلسٹس کے ساتھ کھڑی ہو گی اور ان کے مسائل حل کرنے کے لیے ہر ممکن اقدام اٹھایا جائے گا۔
وزیر اطلاعات نے آخر میں کہا کہ کھیلوں کی ترقی میں صحافیوں کی خدمات کو سراہنا قومی فریضہ ہے۔ ان کے بقول، میڈیا کی مثبت کوریج ہی وہ طاقت ہے جو میدان کے ہیروز کو عوام کے دلوں تک پہنچاتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپورٹس جرنلسٹس راولپنڈی اسلام آباد اسپورٹس جرنلسٹس ایسوسی ایشن وفاقی وزیر اطلاعات عطا اللہ تارڑ
شبیر شاہ کی رہائی کے لیے ڈی ایف پی کی پاکستانی سیاسی قیادت سے مدد کی اپیل