’’بھارت پاکستان کو خوفزدہ نہ کرسکا‘‘؛ امریکی پروفیسر نے بھارتی میڈیا اور حکومت کو آئینہ دکھا دیا
اشاعت کی تاریخ: 24th, May 2025 GMT
امریکا کی معروف پروفیسر اور سیکیورٹی ماہر کرسٹین فیئر نے بھارتی حکومت اور میڈیا کے جنگی جنون پر تیشہ چلاتے ہوئے انھیں آئینہ دکھا دیا ہے۔
ایک بھارتی ٹی وی پروگرام کے دوران اپنے تبصرے میں امریکی پروفیسر نے کہا کہ ’’بھارت اپنی ہر ممکن کوشش کے باوجود پاکستان کو خوفزدہ نہیں کر سکا‘‘۔
پروفیسر فیئر نے اپنے مدلل انداز میں کہا کہ ’’ڈیٹرنس کا اندازہ اس ملک کے رویے سے لگایا جاتا ہے جسے روکنے کی کوشش کی جا رہی ہو۔ موجودہ حالات میں ایسا کوئی ثبوت نہیں کہ پاکستان نے اپنی پوزیشن ترک کی ہو یا موقف سے پیچھے ہٹا ہو‘‘۔
انہوں نے بھارت کی پالیسیوں پر سخت تنقید کرتے ہوئے کہا کہ ’’بھارت نے بے بنیاد دعوے کرکے خود کو ایک خطرناک صورتحال میں ڈال دیا ہے۔ بھارت کے اندر میڈیا، خاص طور پر جنہیں میں ’فسادی میڈیا‘ کہتی ہوں، نے عوام کو غلط معلومات فراہم کی ہیں‘‘۔
پروفیسر فیئر نے واضح کیا کہ ’’حقیقت یہ ہے کہ بھارت نہ تو پاکستان کو کسی ناکامی سے دوچار کرسکا اور نہ ہی اسے خوفزدہ کرسکا ہے۔ پاکستان پیچھے نہیں ہٹا اور نہ ہی وہ بھاگا ہے‘‘۔
انہوں نے اس بات پر افسوس کا اظہار کیا کہ ’’یہ تنازعہ بھارت کی توقع سے کہیں زیادہ تیزی سے شدت اختیار کرگیا۔ بدقسمتی سے بھارتی بے لگام میڈیا عوام میں ایسی توقعات پیدا کرتا ہے جو بعد میں عسکری تقاضوں کو جنم دیتی ہیں‘‘۔
پروفیسر فیئر کا یہ تبصرہ اس وقت سامنے آیا ہے جب بھارت کو حالیہ عسکری محاذ آرائی میں مسلسل ہزیمت کا سامنا کرنا پڑا ہے۔ غیر ملکی دانشوروں کی ایک بڑی تعداد اب پاکستان کی کامیابیوں کا اعتراف کر رہی ہے۔
ماہرین کے مطابق پروفیسر فیئر کے یہ بیانات نہ صرف بھارت کی خارجہ پالیسی پر ایک بڑا سوالیہ نشان ہیں، بلکہ یہ پاکستان کی مضبوط دفاعی پوزیشن کو بھی اجاگر کرتے ہیں۔ یہ تبصرے اس بات کی غمازی کرتے ہیں کہ بین الاقوامی سطح پر بھارت کے دعوؤں کو زیادہ سنجیدگی سے نہیں لیا جا رہا۔
.ذریعہ: Express News
کلیدی لفظ: پروفیسر فیئر
پڑھیں:
پاکستان پر حملہ کیوں؟ بھارتی نوجوان مودی سرکار پر برس پڑے
نئی دہلی میں پاکستان کے خلاف مودی حکومت کی جارحانہ پالیسی پر بھارتی نوجوان نسل نے شدید ردعمل ظاہر کیا ہے۔ ایک بھارتی نوجوان لڑکی کا ویڈیو بیان سوشل میڈیا پر وائرل ہو رہا ہے، جس میں اس نے پاکستان پر حملے کو غیر ضروری اور بے بنیاد قرار دیتے ہوئے مودی حکومت پر شدید تنقید کی ہے۔
نوجوان لڑکی نے اپنے بیان میں کہا کہ ’’کیا ہم نے آپ سے کہا تھا کہ پاکستان پر حملہ کر دو؟ کیا پاکستان پر حملہ کرنے سے آپ نے کوئی ترقی کر لی ہے؟‘‘ اس نے واضح کیا کہ بھارت کے نوجوانوں کو جنگ نہیں بلکہ اچھی تعلیم، معیاری یونیورسٹیاں، اسپتال اور روزگار کی سہولتیں درکار ہیں۔ اس نے کہا کہ حکومت کو مندر بنانے کے بجائے تعلیم پر سرمایہ کاری کرنی چاہئے تاکہ نوجوان نسل ملک کی ترقی میں مثبت کردار ادا کر سکے۔
لڑکی نے حکومت پر کسانوں کے مسائل نظر انداز کرنے اور ان کے ساتھ معاشی استحصال کا الزام بھی لگایا۔ اس کا کہنا تھا کہ منڈیاں کسانوں کے گھروں کے قریب ہونی چاہئیں تاکہ وہ دربدر نہ ہوں۔ آپ کسانوں سے سستا مال لیتے ہیں اور مالز میں مہنگا بیچتے ہیں، ہمارا سارا پیسہ آپ کی جیب میں جاتا ہے، اور مندر بھی آپ نے اپنے فائدے کے لیے بنائے ہیں، عوام کے لیے نہیں۔
مزید پڑھیں: مودی حکومت کے بھارتی شہریوں پر جاسوسی کے بے بنیاد الزامات اور گرفتاریاں
اس نوجوان نے مودی حکومت پر الزام عائد کیا کہ مندر میں دیے جانے والے چڑھاوے کا پیسہ بھی عوامی فلاح کے بجائے انتخابی مہمات پر خرچ کیا جا رہا ہے۔ اس نے دوٹوک انداز میں کہا کہ عوام کو مندر نہیں، تعلیم چاہئے تاکہ نوجوان پڑھے اور ملک ترقی کرے۔
نوجوان لڑکی نے مزید کہا کہ ہم ایسے لوگ نہیں جو گوبر یا گاؤ موتر کھاتے ہوں، ہم وہی کھاتے ہیں جو ہمارے کسان اگاتے ہیں۔ ہم ان جیسے نہیں جو جس تھالی میں کھاتے ہیں، اسی میں چھید کرتے ہیں۔
سیاسی مبصرین کا کہنا ہے کہ بھارتی نوجوان نسل مودی سرکار کے ہندوتوا نظریے اور پاکستان دشمنی پر مبنی پالیسیوں سے بیزاری کا اظہار کر رہی ہے۔ تجزیہ کاروں کے مطابق نوجوان لڑکی کا یہ ویڈیو اس بات کا ثبوت ہے کہ بھارتی عوام کا بڑا طبقہ اب جنگ نہیں، تعلیم، روزگار اور فلاحی ترقی چاہتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی نوجوان پاک بھارت جنگ بندی پاکستان مودی حکومت
علیمہ خان کی بیرون ملک جانے کی درخواست پر عدالت نے محفوظ فیصلہ سنادیا