کراچی میں آج سے گرمی کی شدت میں اضافہ متوقع
اشاعت کی تاریخ: 25th, May 2025 GMT
---فائل فوٹو
کراچی میں آج سے گرمی کی شدت میں اضافہ متوقع ہے، تیز دھوپ کے ساتھ سمندری ہوائیں بند رہنےکا امکان ہے۔
شہرِ قائد میں آئندہ 24 گھنٹوں میں موسم گرم اور مرطوب رہنے کا امکان ہے۔
محکمہ موسمیات کے مطابق شہر قائد میں آج زیادہ سے زیادہ درجہ حرارت 40 ڈگری سینٹی گریڈ تک جاسکتا ہے، سمندر کے قریبی علاقوں میں درجہ حرارت 45 ڈگری تک محسوس ہوسکتا ہے۔
موسم کا حال بتانے والوں کا کہنا ہے کہ 24 گھنٹوں کے دوران موسم انتہائی گرم اور مرطوب رہ سکتا ہے۔
محکمہ موسمیات نے بتایا کہ مغربی سمت سے 17 کلو میٹر فی گھنٹا رفتار سے ہوا چل رہی ہے، اس وقت ہوا میں نمی کا تناسب 74 فیصد ہے۔
.ذریعہ: Jang News
پڑھیں:
ترسیلات زر 38، سافٹ ویئر برآمدات1 ارب ڈالر سے زیادہ، وزیراعظم کا اظہار تشکر
کراچی (کامرس رپورٹر) ترسیلات زر اور سافٹ ویئر سروسز کی برآمدات بلند ترین سطح پرپہنچ گئی۔ مالی سال 2025ء کے دوران ترسیلات زر 26.6فیصد اضافہ سے 38.2ارب ڈالر تک پہنچ چکی ہے جبکہ مالی سال 24ء کے دوران 30.3 ارب ڈالر ترسیلات موصول ہوئی تھی۔ سٹیٹ بینک کے مطابق جون 2025ء کے دوران کارکنوں کی ترسیلات زر میں 3.4 ارب ڈالر کی آمد ہوئی اور نمو کے لحاظ سے ترسیلات زر میں سال بسال بنیاد پر 7.9 فیصد اضافہ ہوا۔ دوسری طرف پاکستان کی سافٹ ویئر سروسز کی برآمدات میں گزشتہ چند برسوں سے مسلسل اضافہ دیکھنے میں آ رہا ہے، اور ملک نے پہلی مرتبہ کسی 11 ماہ کی مدت میں ایک ارب ڈالر سے زائد کا زرمبادلہ حاصل کیا ہے۔ سٹیٹ بینک آف پاکستان کی جانب سے جاری کردہ اعداد و شمار کے مطابق، جولائی سے مئی کے دوران جاری مالی سال میں پاکستان نے سافٹ ویئر سروسز کی برآمدات کے ذریعے 1.01 ارب ڈالر کا زرمبادلہ حاصل کیا، جو گزشتہ مالی سال کے اسی عرصے میں حاصل کردہ 793 ملین ڈالر کے مقابلے میں 27.4 فیصد زیادہ ہے۔ علاوہ ازیں وزیراعظم نے ترسیلات زر میں 26.6 فیصد کا اضافہ انتہائی خوش آئند قرار دیا ہے۔ شہباز شریف نے گزشتہ مالی سال تاریخ کی بلند ترین ترسیلات زر پر اظہار تشکر کیا۔ شہباز شریف نے کہا ترسیلات زر میں چھبیس اعشاریہ چھ فیصد کا اضافہ انتہائی خوش آئند ہے۔ ترسیلات زر میں ریکارڈ اضافہ بیرون ملک پاکستانیوں کی قابل قدر خدمات اور ان کے پاکستانی معیشت میں اعتماد کا مظہر ہے۔
ہیروشیما کے میئرنے ٹرمپ کو دورے کی دعوت دے دی