قتلِ ناحق اللہ کے نزدیک ناقابل معافی جرم ہے، ڈاکٹر طاہرالقادری
اشاعت کی تاریخ: 27th, May 2025 GMT
تحریک منہاج القرآن کے بانی و سرپرست کا کہنا ہے کہ مسلمان معاشروں میں قتل و غارت گری میں اضافہ دیکھ کر دل خون کے آنسو روتا ہے، قاتل در حقیقت بقائے انسانی کے ربانی نظام میں خلل ڈالنے کی ناپاک حرکت کرتا ہے، اپنے غصے قابو میں لائیں اپنی دنیا اور آخرت کو برباد نہ کریں۔ اسلام ٹائمز۔ تحریک منہاج القرآن کے بانی و سرپرست ڈاکٹر محمد طاہرالقادری نے مانچسٹر میں علماء، سکالر اور برطانیہ میں خدمت دین کے مشن پر کاربند مبلغین پر مشتمل ایک فکری نشست سے خطاب کرتے ہوئے کہا کہ واعظین امت میں یہ شعور اجاگر کریں کہ قتل ناحق جیسے سنگین جرم کے ارتکاب سے بچیں، یہ جرم اللہ اور اس کے رسولؐ کے ہاں ناقابل معافی ہے۔ آپؐ نے فرمایا قاتل جنت کی خوشبو کو بھی نہ سونگھ سکے گا، قاتل درحقیقت بقائے انسانی کے ربانی نظام میں خلل ڈالنے کی ناپاک حرکت کرتا ہے۔ قتل ناحق مسلمان شہری کا ہو یا غیر مسلم شہری کا دونوں اللہ اور اس کے رسولؐ کے ہاں ناقابل قبول اور ناقابل تلافی معافی ہیں۔ انہوں نے مسلم معاشروں میں بالخصوص پاکستان میں قتل و غارت گری کے واقعات میں روز افزوں اضافہ پر کہا کہ یہ سب دیکھ کر دل خون کے آنسو روتا ہے، قتل جیسے سنگین اور قبیح جرم کے مرتکبین اپنی دنیا اور آخرت برباد کر دیتے ہیں۔
انہوں نے کہا کہ قتل کے مجرم مقتول ہی نہیں اپنے خاندان کے لئے عرصہ حیات تنگ کر دینے کا سبب بنتے ہیں لہٰذا اپنے غصے پر قابو پائیں اور بربادی سے بچیں۔ انہوں نے کہا کہ اللہ اور اس کے رسولؐ کو انسانی جان کی حرمت کرہ ارض کی ہر مقدس چیز سے زیادہ عزیز ہے۔ یہاں تک کہ جب انسانی جان کے ضائع ہونے کا احتمال ہو تو اسلام اپنے حلال و حرام کے پیمانوں کو بھی عارضی طور پر معطل کر دینے کی اجازت دے دیتا ہے، مردار، خون، سور کا گوشت حرام ہے مگر جب انسانی جان بھوک اور فاقوں کے باعث خاتمہ کے قریب ہو تو اسے اجازت ہے کہ وہ اپنی جان بچائے، اسی لئے خودکشی کو بھی حرام قرار دیا گیا ہے کسی انسان کو یہ حق حاصل نہیں ہے کہ وہ اللہ کی عطا کردہ زندگی کی نعمت کو ختم کرے۔
انہوں نے کہا کہ قتل کے مجرمین کے خاندانوں پر کیا بیتتی ہے، کس طرح وسائل مقدمہ بازی اور قانونی رعایتیں حاصل کرنے کیلئے پانی کی طرح بہتے ہیں ان کی اولادوں کی تعلیم و تربیت درہم برہم ہو جاتا ہے اور اس خاندان کی مائیں، بہنیں کس طرح مجبور ہو کر عدالتوں، کچہریوں کے چکر کاٹتی ہیں، اس پر الیکٹرانک میڈیا اور سوشل میڈیا پر سٹوریز چلنی چاہئیں تاکہ لوگ عبرت حاصل کریں اور اس سنگین جرم کی روک تھام میں مدد ملے۔ انہوں نے کہا کہ قتل کے مجرمین کو سزا میں کوئی رعایت نہیں ملنی چاہیے، جب قاتل سزا سے بچتا ہے تو انسانی معاشرہ لاتعداد نقائص سے دو چار ہوتا ہے۔ انہوں نے والدین پر زور دیا کہ وہ اپنے بچوں کی کم سنی میں ہی دینی خطوط پر تعلیم و تربیت کا اہتمام کریں تاکہ وہ ایک ذمہ دار اور قانون پسند شہری کی حیثیت سے معاشرے کا حصہ بنیں۔
ذریعہ: Islam Times
کلیدی لفظ: انہوں نے کہا کہ کہ قتل اور اس
پڑھیں:
’’شکریہ فیلڈ مارشل سید عاصم منیر ‘‘۔۔۔اے ایف آئی سی میں عبداللہ اور منساء کی کامیاب سرجری ہو گئی ( ویڈیو دیکھیں )
لاہور( طیبہ بخاری سے )اے ایف آئی سی میں عبداللہ اور منساء کی کامیاب سرجری ہو گئی ، والد شاید احمد نےفیلڈ مارشل سید عاصم منیر کا شکریہ ادا کیا ۔
تفصیلات کے مطابق عبداللہ اور منسا ءکا علاج بھارت میں جاری تھا مگر کشیدگی کے باعث بھارتی حکومت نے دونوں بچوں کو واپس بھیج دیا تھا ۔اس حوالے سے عبداللہ اور منساء کے والد شاہد احمد نے کہا ہے کہ’’عبداللہ اور منسا ءکے کیس کا فیلڈ مارشل عاصم منیر نے فوری نوٹس لیا اور اے ایف آئی سی نے سرجری کی۔دونوں بچوں کی سرجری 9 سال سے نہیں ہو رہی تھی۔اے ایف آئی سی کے ڈاکٹروں نے محنت کرکے اس سرجری کو کامیابی سے سرانجام دیا، آرمی چیف فیلڈ مارشل سید عاصم منیر کا شکر گزار ہوں جنہوں نے میرے بچوں کی ذمہ داری لی۔الحمد اللہ اب میرے بچے کافی بہتر ہیں، میں خود بھی مریض ہوں شاید صدمہ برداشت نہ کرپاتا، ڈاکٹروں نے بہت محنت کی جو قابل تعریف ہے۔اے ایف آئی سی بہت بہترین ادارہ ہے۔‘‘
فرعونوں کے مقبرے ملنا عام بات لیکن اب مصر سے ہزاروں سال پرانے ایسے مقابر دریافت کہ دنیا حیران رہ گئی
علاوہ ازیں کمانڈنٹ/ایگزیکٹو ڈائریکٹر میجر جنرل(ر) ڈاکٹر نصیر احمد سومرو نے کہا ہے کہ ’’’’اے ایف آئی سی پاکستان کا ایک پریمیئر کارڈیالوجی کا انسٹیٹیویٹ ہے۔اے ایف آئی سی میں کارڈیالوجی کے علاج کیلئے بہترین سروسز دی جاتی ہیں۔عبداللہ اور منسا ءدونوں بہن بھائی علاج کیلئے بھارت گئے تھے۔ پاک ،بھارت کشیدگی کے باعث بھارت نے بچوں کا اعلاج کرنے سے انکار کردیا اور بچے پاکستان واپس آگئے۔چیف آف آرمی سٹاف فیلڈ مارشل سید عاصم منیر کی خصوصی ہدایات پر ان بچوں کو یہاں بلایا گیا، یہاں پر ان بچوں کی اسسمنٹ کے بعد ایک ٹیم تشکیل دی گئی، اس ٹیم نے ان دونوں بچوں کا علاج پلان کیا اور الحمد اللہ، اللہ نے ہمیں کامیابی دی‘‘۔
کراچی: سفاک شخص کا اپنی 2 کم عمر سوتیلی بیٹیوں پر بدترین تشدد
ڈپٹی کمانڈنٹ اے ایف آئی سی بریگیڈئر ڈاکٹر خرم اختر نے کہا ہےکہ’’عبداللہ کے حوالے سے ہم نے ایک میڈیکل پلان مرتب کیا جو الحمدللہ ٹھیک رہا۔ہمارے پاس الحمد اللہ قابل ٹیم ہے اور غیر ممالک سے تربیت یافتہ ہے، عبداللہ اور منساء کو دل کی نہایت پیچیدہ بیماری تھی جس کے باعث ان کی سرجری ایک مرحلے میں مکمل نہیں ہوسکتی تھی۔عبداللہ کی یہ سرجری پانچ سے چھ گھنٹے پر محیط تھی جو الحمد اللہ کامیاب رہی۔‘‘
جو بھی بنا اجازت حج پر گیا تو اسے ۔۔۔ امارات نے سخت ترین حکم جاری کر دیا
کرنل ڈاکٹر داؤد کمال کے مطابق ’’ہم نے ان کو وہ پلان دیا جو بھارت کے ڈاکٹرز کی جانب سے دیئے گئے پلان سے بہت بہتر تھا،الحمد اللہ دونوں بچے بہت بہتر ہیں اور گھر جانے کی پوزیشن میں ہیں‘‘۔
کرنل ڈاکٹر محمد عبداللہ کہتے ہیں کہ ’’یہ بچے جب بھارت سے واپس آئے تو ان کے کیسز anesthesiaکے نقطہ نظر سے مشکل تھے ‘‘۔
کرنل ڈاکٹر محمد عدنان اکرم کے مطابق ’’بھارت سے واپس آنے والے عبداللہ کا کیس ہماری ٹیم کیلئے چیلنج تھا‘‘۔
لیسکو کے فنکشنل ہیڈز کا اہم اجلاس، بجلی چوری اور کرپشن کیخلاف پالیسی پر سختی سے عملدرآمد کا فیصلہ
مزید :
قائم مقام امریکی سفیر کی بلوچستان میں اسکول بس پر حملے کی مذمت