حج بیت اللہ الحرام کے دوران "سعودی قوانین" کی خلاف ورزی کرنیوالوں کیلئے ریاض کیجانب سے سزاؤں کا اعلان
اشاعت کی تاریخ: 27th, May 2025 GMT
اپنے ایک بیان میں سعودی شاہی رژیم نے "خصوصی ویزا" کے بغیر حرمین شریفین میں داخل ہونیوالوں کیلئے انواع و اقسام کی مالی و غیر مالی سزاؤں کا اعلان کیا ہے اسلام ٹائمز۔ حجاز شریف میں موجود سعودی شاہی رژیم نے آج اپنے ایک بیان میں "حج کے قوانین" پر مکمل عمل پیرا ہونے کی ضرورت پر زور دیتے ہوئے "متعدد تعزیری سزاؤں" کا اعلان کیا ہے کہ جن کا قبل ازیں بھی اعلان کیا گیا تھا، اور تاکید کی ہے کہ حج بیت اللہ الحرام کی انجام دہی کے دوران "سعودی قوانین" کی خلاف ورزی کرنے والوں کے خلاف مکمل قانونی تقاضوں پر سختی کے ساتھ عملدرآمد کیا جائے گا۔ اپنے بیان میں سعودی وزارت داخلہ نے اعلان کیا کہ آج سے 14 ذیقعد تک؛ اگر کوئی شخص ایسے لوگوں کو مکہ و مدینہ لے جانے کی کوشش کرتا ہے کہ جن کے پاس "حج ویزا" موجود نہیں تو اس پر 1 لاکھ سعودی ریال (تقریباً 26 ہزار 600 ڈالر کے مساوی) کا جرمانہ عائد کیا جائے گا۔ رپورٹ کے مطابق اس جرمانے کے علاوہ ایسے لوگوں کو مکہ و مدینہ لے جانے کے لئے استعمال ہونے والی گاڑی بھی ضبط کر لی جائے گی۔
سعودی شاہی رژیم کی جانب سے اعلان کردہ دیگر سزاؤں میں 20 ہزار سعودی ریال (تقریباً 5 ہزار 332 ڈالر کے برابر) کا جرمانہ بھی شامل ہے کہ جو "سعودی شاہی رژیم کے اجازت نامے" کے بغیر "مناسک حج" کی ادائیگی کرنے یا ایسا کرنے کی کوشش کرنے والے "زائرین" پر لاگو کیا جائے گا۔ سعودی وزارت داخلہ نے یہ اعلان بھی کیا کہ ان سزاؤں کا نشانہ بننے والے "غیر قانونی حجاج" کو، چاہے وہ حجاز شریف میں "مقیم" ہوں یا "خفیہ طور پر آئے ہوں" کو نہ صرف فی الفور ان کے ملک واپس بھیج دیا جائے گا بلکہ ان کے آئندہ 10 سالوں تک حجاز شریف میں دوبارہ داخلے پر بھی پابندی عائد کر دی جائے گی!
ذریعہ
ذریعہ: Islam Times
پڑھیں:
نیتن یاہو کا لبنان میں فوجی کارروائیاں مزید تیز کرنے کا اعلان
تل ابیب: اسرائیلی وزیر اعظم نیتن یاہو نے لبنان میں فوجی کارروائیوں کو مزید وسعت دینے کا اعلان کرتے ہوئے اسرائیلی فوج کو اپنی موجودگی اور آپریشنز بڑھانے کی ہدایت جاری کر دی۔
غیر ملکی خبر رساں ایجنسی کے مطابق اسرائیلی وزیر اعظم نیتن یاہو نے کہا ہے کہ بیوفورٹ قلعے پر قبضہ ایک “ڈرامائی قدم” اور اسرائیلی پالیسی میں بڑی تبدیلی کی علامت ہے۔
انہوں نے کہا کہ اسرائیل غزہ، مصر اور لبنان سمیت مختلف محاذوں پر سرگرم ہے۔ اور سرحدوں سے باہر سیکیورٹی زونز قائم کیے جا رہے ہیں تاکہ اسرائیلی آبادی کو تحفظ فراہم کیا جا سکے۔
نیتن یاہو نے کہا کہ اسرائیلی فوج کو ہدایت دی گئی ہے کہ لبنان میں اپنی موجودگی کو مزید مضبوط اور وسیع کیا جائے۔ خصوصاً ان علاقوں میں جہاں ماضی میں حزب اللہ کا اثر و رسوخ رہا ہے۔
اسرائیلی وزیر اعظم نے دعویٰ کیا ہے کہ اکتوبر 2023 سے اب تک حزب اللہ کے 8 ہزار جنگجو مارے جا چکے ہیں۔
دوسری جانب رپورٹس کے مطابق جنگ بندی کے بعد سے اب تک متعدد اسرائیلی ہلاکتیں بھی سامنے آئی ہیں، جن میں حالیہ ڈرون حملے میں مارا گیا ایک فوجی بھی شامل ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ