رواں سال پاکستان کو 6 ارب ڈالر کی امداد موصول
اشاعت کی تاریخ: 27th, May 2025 GMT
اسلام آباد:
رواں مالی سال 25-2024 کے پہلے 10 ماہ (جولائی تا اپریل) کے دوران پاکستان کو بیرونی ذرائع سے مجموعی طور پر 6.086 ارب ڈالر کی معاونت موصول ہوئی۔
وفاقی وزارت اقتصادی امور کی جانب سے جاری اعدادوشمارکے مطابق رواں مالی سال کے پہلے 10 ماہ میں کثیرالجہتی شراکت داروں کی جانب سے پاکستان کو مجموعی طور پر 2.
اعداوشمار کے مطابق ایشیائی ترقیاتی بینک کی جانب سے 1.253ارب ڈالر، ایشین انفرا اسٹرکچرانویسٹمنٹ بینک 87.58 ملین ڈالر، ای آئی بی 10.53 ملین ڈالر، آئی بی آرڈی 281.70 ملین ڈالر، آئی ڈی اے 790.82ملین ڈالر، ایفاد36.93ملین ڈالر، اسلامی ترقیاتی بینک 149.07ملین ڈالر، اسلامی ترقیاتی بینک (قلیل مدتی) 375.72 ملین ڈالراوراورپیک فنڈ کی جانب سے 4.05 ملین ڈالر کی معاونت شامل ہے۔
اسی طرح مالی سال کے پہلے 10ماہ میں دوطرفہ شراکت داروں کی جانب سے پاکستان کومجموعی طورپر371.59ملین ڈالرکی غیرملکی معاونت موصول ہوئی، جس میں چین کی جانب سے 99.17 ملین ڈالر، فرانس 110.61ملین ڈالر، جرمنی 33.23 ملین ڈالر، جاپان 30.33 ملین ڈالر، جنوبی کوریا12.05 ملین ڈالر، کویت 24.40 ملین ڈالر، عمان 2.95 ملین ڈالر، سعودی عرب 17.63 ملین ڈالر اور امریکا کی جانب سے 41.23ملین ڈالر کی معاونت شامل ہے۔
اعداد وشمار کے مطابق اس مدت میں غیرملکی کمرشل قرضوں کے ذریعے 760.14 ملین ڈالر اور نیا پاکستان سرٹیفیکیٹس کے ذریعے 1.610 ارب ڈالرکی معاونت حاصل کی گئی۔
وزارت اقتصادی امور نے بتایا کہ مالی سال کے پہلے 10ماہ میں پراجیکٹ ایڈ کے تحت پاکستان کو2.637ارب ڈالراورنان پراجیکٹ ایڈ کی مدمیں 3.448 ارب ڈالرکی معاونت موصول ہوئی ہے۔
ذریعہ: Express News
کلیدی لفظ: کی معاونت موصول ہوئی کی جانب سے ملین ڈالر مالی سال ارب ڈالر ڈالر کی کے پہلے
پڑھیں:
ہ شیخ صالح بن حمید رواں برس حج کا خطبہ دیں گے، ولی عہد محمد بن سلمان نے منظوری دیدی
جدہ (اوصاف نیوز)سعودی وزارت مذہبی امور نے اعلان کیا ہے کہ شیخ صالح بن حمید رواں برس حج کا خطبہ دیں گے۔
عرب نیوز کی رپورٹ کے مطابق سعودی وزارت مذہبی امور نے اعلان کیا ہے کہ رواں برس یوم عرفہ پر خطبہ شیخ صالح بن حمید دیں گے۔
یوم عرفہ (9 ذو الحج) کو حج کا نکتہ عروج سمجھا جاتا ہے اور یہ دن فریضہ حج ادا کرنے والوں کے لیے سب سے اہم دن ہوتا ہے اور دنیا بھر میں موجود مسلمان جو حج کے لیے مقدس سرزمین نہیں جاسکتے وہ اس دن روزہ رکھتے ہیں اور اللہ کے حضور عبادات کرتے ہیں۔
یوم عرفہ کا خطبہ جبل عرفات پر واقع مسجد نمرہ میں دیا جاتا ہے جو نماز ظہر اور عصر سے پہلے ہوتا ہے اور حاجی دونوں نمازوں کو اکٹھا پڑھتے ہیں۔
رپورٹ کے مطابق سربراہ امور حرمین شریفین شیخ عبدالرحمان السدیس نے اس تقرری پر شاہ سلمان اور ولی عہد شہزادہ محمد بن سلمان کا شکریہ ادا کیا۔
بیان میں کہا گیا کہ یہ تقرری مملکت سعودی عرب کی دینی حوالے سے عالمی سطح پر قیادت اور مذہبی اداروں کی مسلسل حمایت کی عکاس ہے اور اس بات کا بھی مظہر ہے کہ قیادت کی جانب سے حرمین شریفین پر خصوصی توجہ دی جاتی ہے۔
یورپی ملک مالٹا کا فلسطینی ریاست کو تسلیم کرنے کا اعلان
مہنگائی سے پریشان عوام پر ایک بم گرانے کی تیاری، بجلی کی قیمت مزئد بڑھنے کا امکان