نیپرا کی بجلی کمپنی کو فوری طور پر لوڈشیڈنگ ختم کرنے کی ہدایت
اشاعت کی تاریخ: 29th, May 2025 GMT
نیپرا نے کے الیکٹرک کو فوری طور پر لوڈشیڈنگ ختم کرنے کی ہدایت کردی۔کراچی کے مختلف علاقوں میں طویل لوڈشیڈنگ پر نیپرا نے کے الیکٹرک کو خط لکھ دیا جس میں کہا گیا ہے کہ کے الیکٹرک فوری طور پر آپریشنل پرفارمنس بہتر کرے۔
نیپرا نے ہدایت کی ہے کہ کے الیکٹرک نقصانات میں کمی اور ریکوری میں بہتری لائے، کے الیکٹرک سمیت تمام کمپنیوں پر بلاجواز لوڈشیڈنگ پر جرمانے عائد کیے، کراچی میں طویل لوڈشیڈنگ کی بہت شکایات موصول ہوئی ہیں۔
کے الیکٹرک کے زیر انتظام علاقوں میں 12 گھنٹے تک کی لوڈشیڈنگ کی جارہی ہے، طویل لوڈشیڈنگ سے کاروباری سرگرمیاں بھی متاثر ہورہی ہیں۔نیپرا کا کہنا ہے کہ کے الیکٹرک اپنے ذرائع سے مہنگی بجلی پیدا کررہی ہے، ان کا این ٹی ڈی سی کے سسٹم پر انحصار بڑھ گیا ہے۔
کے الیکٹرک عوام کو سستی بجلی کا فائدہ پہنچانے میں ناکام رہی ہے، بجلی کی بلا تعطل فراہمی میں ناکامی کے الیکٹرک کی بری کارکردگی کی عکاس ہے، کے الیکٹرک این ٹی ڈی سی سے بجلی لینے کے بجائے لوڈشیڈنگ کررہی ہے۔
.ذریعہ: Daily Ausaf
کلیدی لفظ: کے الیکٹرک
پڑھیں:
صدر آصف زرداری کی بارش و سیلاب متاثرہ علاقوں میں امدادی کارروائیاں تیز کرنے کی ہدایت
ویب ڈیسک :صدرِ مملکت آصف علی زرداری نے متعلقہ اداروں کو بارشوں اور سیلاب سے متاثرہ علاقوں میں امدادی کارروائیاں تیز کرنے کی ہدایت جاری کر دی۔
انہوں نے ملک میں بارشوں اور سیلاب سے قیمتی جانوں کے ضیاع پر رنج و غم کا اظہار کیا ہے۔
صدر مملکت نے جاں بحق افراد کے درجات کی بلندی کے لیے دعا کی اور متاثرہ خاندانوں سے دلی ہمدردی کا اظہار کیا۔
انہوں نے ہدایت دیتے ہوئے کہا کہ متعلقہ ادارے متاثرہ علاقوں میں امدادی کارروائیاں تیز کریں اور متاثرین کو ہر ممکن امداد اور بحالی کی سہولتیں فراہم کی جائیں۔
پنجاب یونیورسٹی کے غیر تدریسی عملے کابطور اسسٹنٹ پروفیسر تعیناتی منسوخی کیخلاف احتجاج کا اعلان
برہان وانی صرف ایک مجاہد نہیں ایک نظریہ ہے، پیر مظہر