فیکٹ چیک: 210 عازمین حج کی شہادت، کیا موریطانیہ کی حج پرواز حادثے کا شکار ہوئی؟
اشاعت کی تاریخ: 30th, May 2025 GMT
سوشل میڈیا پر چند دنوں سے ایک خبر گردش کررہی ہے کہ شمال مغربی افریقہ کے اسلامی ملک موریطانیہ کا ایک طیارہ بحیرہ احمر کے قریب گر کر تباہ ہوگیا ہے، جس میں 220 عازمین حج شہید ہوگئے ہیں۔
سوشل میڈیا صارفین اس خبر کو بغیر تصدیق شیئر کررہے ہیں اور اس پر افسوس کا اظہار کیا جا رہا ہے۔ ساتھ ہی چند تصویریں بھی شیئر کی جا رہی ہیں جن میں ایک جہاز کو سمندر میں گرتے اور دوسرے کو زمین پر تباہ شدہ حالت میں دکھایا گیا ہے۔
اِنّا لِلّٰهِ وَاِنّا اِلَيْهِ رَاجِعُوْن????
اطلاعات ہیں کہ موریطانیہ کے طیارے کو بحیرہ احمر کے قریب حادثہ عملے کے علاؤہ 220 حجاج کرام شہید
— Haroon Anjum (@_Haroon79) May 27, 2025
ایک صارف نے لکھا کہ اس خبر کی سعودی عرب سے تردید آئی ہے کہ موریطانیہ کے 220 عازمین حج کو لے کر جانے والی پرواز بحیرہ عرب میں گر کر تباہ ہو گئی ہے۔ انہوں نے لکھا کہ پتہ نہیں کیا سچ ہے۔
خبر تو گردش کررہی کہ موریطانیہ کے 220 عازمین حج کو لیکر جانے والی پرواز بحیرہ عرب میں گر کر تباہ ہو گئی مگر اب سعودی عرب سے تردید آئی ہے کہ سارے عازمین حج بخیریت سعودی عرب پہنچ گئے ہیں
پتا نہیں سچ کیا ہے؟ pic.
— شبانہ شوکت (@Shabanashaukat4) May 29, 2025
فیکٹ چیک: کیا موریطانیہ کی حج پرواز حادثے کا شکار ہوئی؟سوشل میڈیا پر حادثے کی خبر اتنی تیزی سے پھیلی کے اس کے بعد موریطانیہ حکومت کو اس پر وضاحت جاری کرنا پڑی۔ وزارتِ مذہبی امور کے حج امور کے ڈائریکٹر الولی طحٰہ، نے کہا کہ تمام عازمین بخیروعافیت سعودی عرب پہنچ چکے ہیں اور کسی بھی پرواز کو کسی قسم کا حادثہ پیش نہیں آیا۔
موریطانیہ ایئرلائنز نے بھی تصدیق کی کہ تمام عازمین حج کو بحفاظت سعودی عرب پہنچا دیا گیا، طے شدہ پروازوں میں سے کسی کے بھی حادثے کا شکار ہونے کی کوئی اطلاع نہیں ملی۔
جہاز کو آگ لگنے والی وائرل تصویر کے بارے میں بعد میں تصدیق کی گئی کہ یہ تصاویر حالیہ نہیں بلکہ 2018 میں انٹرنیٹ پر اپ لوڈ کی گئی تھی اور سمندر میں گرتے جہاز کی تصویر تقریباً چار سال پرانی ہے۔
A false claim circulating on social media which says, a plane carrying 200 Hajj pilgrims crashed into the Red Sea.
Fact check : Mauritania Airlines confirmed that all Hajj flights arrived safely with no crash occurring. #Haj2025 https://t.co/ZN2SBHFqBg pic.twitter.com/QFDekDaSPN
— Mohammed Zubair (@zoo_bear) May 28, 2025
ان تفصیلات کے بعد یہ بات سامنے آتی ہے کہ موریطانیہ کی حج پرواز کو کوئی حادثہ پیش نہیں آیا اور سوشل میڈیا پر شیئر کی جانے والی خبریں مکمل طور پر بے بنیاد اور جھوٹی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ذریعہ: WE News
کلیدی لفظ: کہ موریطانیہ سوشل میڈیا
پڑھیں:
ایمان اور توکل کی پرواز
بچپن کی وہ راتیں آج بھی یاد آتی ہیں جب دادی اماں ہمیں لالٹین کی مدھم روشنی میں کہانیاں سنایا کرتی تھیں۔ یہ کہانیاں صرف تفریح کے لیے نہ تھیں بلکہ ان میں اخلاقی تربیت، سچائی، اور بھلائی کی تعلیم چھپی ہوتی تھی۔ ایک کہانی اکثر سنی جاتی تھی۔ تین دوست ایک غار میں پھنس جاتے ہیں، اس کا منہ ایک بڑی چٹان سے بند ہو جاتا ہے۔ وہ تینوں اپنی اپنی نیکیوں کو وسیلہ بنا کر ربِ ذوالجلال سے دعا کرتے ہیں، اور ان کی سچائی اور خلوص کے باعث چٹان ہٹتی ہے اور وہ نجات پاتے ہیں۔ ایسی کہانیاں ہمارے دل و دماغ میں یوں پیوست ہوگئیں کہ ہم یہ یقین رکھتے ہیں کہ خالص نیت اور ایمان پہاڑوں کو بھی ہلا سکتا ہے۔ لیکن حال ہی میں لیبیا میں ایک ایسا واقعہ پیش آیا جس نے گویا ان بچپن کی کہانیوں کو حقیقت میں بدل دیا۔ یہ کوئی قصہ نہیں، کوئی افسانہ نہیں، بلکہ ایک سچائی ہے، ایک معجزہ ہے، جو ہزاروں لوگوں کی نظروں کے سامنے پیش آیا۔
یہ ہے عامر مہدی منصور قذافی نامی ایک نوجوان لیبیا کے حاجی کی حیرت انگیز داستان، جو اب پورے اسلامی دنیا میں ایک معروف نام بن چکا ہے۔ اس کا قصہ محض حج کا نہیں، نہ ہی کسی ایئر لائن کی خرابی کا، بلکہ یہ اللہ سے تعلق، یقینِ کامل اور ایمان کے ایک ناقابلِ یقین سفر کا احوال ہے۔
’’تمہارا اللہ سے تعلق کیسا ہے؟‘‘ یہی سوال ہے جو یہ واقعہ ہم سب سے کرتا ہے۔
عامر مہدی حج کی نیت سے سبہا ایئرپورٹ (جنوبی لیبیا) پہنچا تو اسے پاسپورٹ کے مسئلے کی بنیاد پر پرواز میں سوار ہونے سے روک دیا گیا۔ پرواز اپنے مقررہ وقت پر روانہ ہو گئی، سینکڑوں خوش نصیب مسافروں کو لیے ہوئے، لیکن عامر وہیں رہ گیا۔ کوئی اور ہوتا تو شاید مایوس ہو کر لوٹ جاتا، احتجاج کرتا یا رو کر بیٹھ جاتا۔ لیکن عامر مہدی وہیں کھڑا رہا۔ وہ بار بار دہراتا رہا۔
’’میں نے ارادہ کر لیا ہے، میں حج پر جاؤں گا، اور ضرور جاؤں گا!‘‘
لوگوں نے سمجھایا: ’’بھائی، پرواز چلی گئی ہے، اب اگلے سال سہی، ان شاء اللہ‘‘
لیکن عامر نہ مانا۔ وہ کہتا رہا: ’’یہ جہاز میرے بغیر نہیں جائے گا، یہ واپس آئے گا‘‘
پھر پہلا معجزہ رونما ہوا۔ جہاز جو فضا میں بلند ہو چکا تھا، اچانک تکنیکی خرابی کا شکار ہو کر واپس ایئرپورٹ آ گیا۔ یہ گویا ایک کرشمہ تھا۔ لیکن جب اس موقع پر عامر کے لیے سوار ہونے کی اجازت مانگی گئی، تو عملے نے انکار کر دیا۔ خرابی دور کی گئی اور جہاز ایک بار پھر اُڑان بھر گیا—عامر کے بغیر۔
مگر وہ نہ تھکا، نہ مایوس ہوا، وہیں ڈٹا رہا۔ اُس نے پُرایمان لہجے میں کہا
’’اطاعت میرے بغیر نہیں جائے گی، یہ پھر لوٹے گی‘‘
اور وہی ہوا۔ جہاز نے دوبارہ فضا میں جا کر ایک اور خرابی کے باعث واپس لینڈنگ کی۔ اس بار پائلٹ نے اعلان کیا’’جب تک عامر مہدی سوار نہیں ہوگا، میں جہاز نہیں اُڑاؤں گا!‘‘
یوں وہ شخص، جو نظر انداز کیا گیا تھا، اب پرواز کی کنجی بن چکا تھا۔ جیسے ہی عامر نے احرام میں ملبوس ہو کر جہاز میں قدم رکھا، یہ لمحہ ویڈیو کی صورت میں سوشل میڈیا پر چھا گیا۔ اُس کا چہرہ ایمان کی روشنی سے دمک رہا تھا۔
قرآن فرماتا ہے:
’’اور جو اللہ پر بھروسا کرے، اللہ اس کے لیے کافی ہے۔‘‘(سورۃ الطلاق: 65:3)
ایک اور جگہ فرمایا۔
”کیا اللہ اپنے بندے کے لیے کافی نہیں؟”
(سورۃ الزمر: 39:36)
یہ نوجوان وہی تھا جس نے اپنا پورا بھروسہ اللہ کی رضا پر چھوڑ دیا، اور اللہ نے اسے وہ عطا کیا جو دنیا میں کم ہی کسی کو یوں نظر آتا ہے۔
سوشل میڈیا پر یہ واقعہ چھا گیا۔ کسی نے کہا ’’جب جہاز دو بار تمہارے لیے لوٹے، تو یہ معمولی بات نہیں۔ تمہارا اللہ سے تعلق خاص ہے‘‘
ایک اور صارف نے لکھا ”’’جب نیت خالص ہو، بھروسا سچا ہو، تو معجزے ظاہر ہوتے ہیں۔ اللہ ہر چیز پر قادر ہے۔‘‘
نبی کریم ﷺ کی ایک حدیث اس واقعے کی بہترین تفسیر ہے۔
’’جان لو کہ اگر ساری قوم تمہیں فائدہ پہنچانے کے لیے جمع ہو جائے، وہ تمہیں صرف وہی دے سکتی ہے جو اللہ نے تمہارے لیے لکھ دیا ہو۔ اور اگر وہ تمہیں نقصان پہنچانے کے لیے جمع ہو جائے، تو وہ تمہیں صرف وہی نقصان دے سکتی ہے جو اللہ نے تمہارے خلاف لکھ دیا ہو۔ قلم اٹھا لیے گئے اور صحیفے خشک ہو چکے ہیں۔‘‘ (ترمذی)
واقعی، جو اللہ نے عامر مہدی کے لیے لکھ دیا تھا، اُسے کوئی امیگریشن آفیسر، پرواز کی فہرست یا ضابطہ نہیں روک سکا۔
جب وہ بیت اللہ پہنچا تو ایک ویڈیو میں وہ احرام پہنے، عاجزی سے کہتا ہے۔
’’الحمد للہ! میں اللہ کے گھر پہنچ گیا ہوں۔‘‘
ایک دل شکر سے لبریز، ایک روح ایمان سے سرشار۔
آج عامر مہدی اسلامی دنیا کا سب سے مشہور شخص بن چکا ہے،نہ اس لیے کہ وہ شہرت کا طلبگار تھا، بلکہ اس لیے کہ وہ اللہ کا طلبگار تھا۔ اور قرآن کہتا ہے
’’تو جسے چاہے عزت دیتا ہے اور جسے چاہے ذلت دیتا ہے، سب بھلائی تیرے ہی ہاتھ میں ہے۔ بے شک تو ہر چیز پر قادر ہے۔‘‘
(سورۃ آلِ عمران: 3:26)
یہ وہی کہانی ہے جو ہماری دادی اماں سنایا کرتی تھیں، مگر آج یہ سچائی بن چکی ہے۔ نہ یہ غار میں پھنسے تین دوستوں کی کہانی ہے، نہ کسی بس کے معجزاتی حادثے کی۔ بلکہ یہ اس حاجی کی داستان ہے جس نے یقین رکھا کہ اس کا رب اسے تنہا نہیں چھوڑے گا۔ اور وہ صحیح تھا۔ جہاز اس کے بغیر نہیں گیا، کیونکہ آسمانوں کا مالک کچھ اور ہی لکھ چکا تھا۔
جب دل خالص پکارے، اور روح سچے بھروسے سے لبریز ہو، تو آسمان بھی رک جاتے ہیں۔ کیونکہ جو اڑتے جہاز کو روک سکتا ہے، وہی دلوں کے حال جاننے والا ہے۔
صوبائی وزیرتوانائی کی ترقیاتی اسکیموں میں حائل رکاوٹوں کو دور کرنے کی ہدایت