امتحانات میں کامیابی چاہتے ہیں؟آسان راز سامنے آگیا
اشاعت کی تاریخ: 30th, May 2025 GMT
امتحانات میں کامیابی کے خواہشمند ہیں تو اس کا راز آپ کی نیند میں چھپا ہے۔یہ بات برطانیہ میں ہونے والی ایک تحقیق میں سامنے آئی۔
کیمبرج یونیورسٹی کی تحقیق میں بتایا گیا کہ جو نوجوان جلد سونے کے لیے لیٹ جاتے ہیں اور زیادہ وقت تک سوتے ہیں، ان کے دماغی افعال دیگر ساتھیوں کے مقابلے میں بہتر ہوتے ہیں اور ذہنی ٹیسٹوں میں زیادہ بہتر کارکردگی کا مظاہرہ کرتے ہیں۔اس تحقیق میں 3 ہزار سے زائد نوجوانوں کو شامل کیا گیا تھا اور ان نیند کی عادات کا جائزہ لیا گیا۔
تحقیق میں دریافت کیا گیا کہ جلد اور زیادہ وقت تک سونے والے نوجوان مطالعے، الفاظ یاد رکھنے، مسائل حل کرنے اور دیگر ذہنی ٹیسٹوں میں دیگر کو آسان سے پیچھے چھوڑ دیتے ہیں۔محققین کو توقع تھی کہ نیند کی صحت مند عادات سے نوجوانوں کی دماغی صلاحیتوں پر مثبت اثرات مرتب ہوتے ہوں گے مگر وہ یہ دیکھ حیران رہ گئے کہ نیند کے دورانیے میں معمولی فرق سے بھی نمایاں اثرات مرتب ہوتے ہیں۔
انہوں نے کہا کہ ہمارا خیال تھا کہ نیند دماغی افعال کو بہتر بنانے میں کردار ادا کرتی ہے، جیسے یادداشت بہتر ہوتی ہے۔رات کی اچھی نیند کو عرصے سے بہتر دماغی کارکردگی سے منسلک کیا جاتا ہے مگر محققین یہ جاننا چاہتے تھے کہ جب نوجوانوں کی دماغی نشوونما ہو رہی ہوتی ہے تو سونے کے وقت اور نیند کی کمی سے کیا اثرات مرتب ہوتے ہیں۔
اس مقصد کے لیے انہوں نے 3222 نوجوانوں کے ڈیٹا کی جانچ پڑتال کی، جس کے دوران ان کے دماغی اسکین کیے گئے، ذہنی ٹیسٹوں کو مکمل کرایا گیا جبکہ نیند کی مانیٹرنگ ٹریکرز سے کی گئی۔ان نوجوانوں کو 3 گروپس میں تقسیم کیا گیا۔
پہلا گروپ 39 فیصد ایسے نوجوانوں پر مشتمل تھا جو ہر رات اوسطاً 7 گھنٹے 10 منٹ تک سونے کے عادی تھے، دوسرے گروپ میں 24 فیصد نوجوان شامل تھے اور وہ اوسطاً 7 گھنٹے 21 منٹ سوتے تھے۔تیسرا گروپ 37 فیصد نوجوانوں پر مشتمل تھا جو بستر پر جلد سونے کے لیے لیٹتے تھے اور ان کی نیند کا دورانیہ 7 گھنٹے 25 منٹ کا تھا۔
تعلیمی کامیابیوں کے حوالے سے تو تینوں گروپس میں کوئی خاص نمایاں فرق دیکھنے میں نہیں آیا مگر ذہنی ٹیسٹوں میں تیسرے گروپ میں شامل نوجوانوں کو واضح برتری حاصل تھی۔دماغی اسکینز سے بھی واضح ہوا کہ اس گروپ میں شامل نوجوانوں کے دماغوں کا حجم بھی دیگر کے مقابلے میں زیادہ تھا اور ان کے دماغی افعال بھی بہترین تھے۔
محققین کے مطابق نتائج اس لیے حیران کن تھے کیونکہ محض چند منٹ زیادہ نیند سے بھی دماغی افعال کو زیادہ بہتر بنایا جاسکتا ہے۔ان کا کہنا تھا کہ اگر آپ نیند کو بہتر بنانا چاہتے ہیں تو ورزش کو معمول بنالیں جبکہ شام میں سونے سے کچھ دیر قبل موبائل فون یا کمپیوٹر کو استعمال کرنے سے گریز کریں۔
.ذریعہ: Daily Ausaf
کلیدی لفظ: ذہنی ٹیسٹوں دماغی افعال سونے کے نیند کی کہ نیند
پڑھیں:
بھارتی ریاست کیرالہ میں 2 نوجوانوں پر بہیمانہ تشدد، ملزم محبوبہ نکلی
بھارتی ریاست کیرالہ کے ضلع پتھانمتھیٹا میں ایک دل دہلا دینے والا واقعہ سامنے آیا ہے جہاں ایک جوڑے نے اپنے گھر بلا کر دو نوجوانوں کو مبینہ طور پر اذیت ناک تشدد کا نشانہ بنایا۔
پولیس نے شوہر ملیئل ویٹیل جیش اور اس کی بیوی ریشمی کو گرفتار کر لیا۔ پولیس کے مطابق دونوں متاثرین، جن کی عمریں 19 اور 29 سال ہیں، بنگلورو میں جیش کے ساتھ کام کر چکے تھے اور اسی وجہ سے ان کے قریبی دوست تھے۔
یہ بھی پڑھیے: لڑکی کی محبت میں جنس تک تبدیل کرانے والے کے ہاتھوں معشوقہ کا بہیمانہ قتل
تفتیش میں معلوم ہوا کہ جیش کو اپنی بیوی ریشمی کے دونوں متاثرین سے تعلقات کے بارے میں علم ہو گیا تھا جس کے بعد اس نے انتقامی کارروائی کا منصوبہ بنایا۔ ریشمی نے بھی اپنے شوہر سے صلح کے طور پر اس عمل میں ساتھ دیا۔
پولیس بیان کے مطابق 29 سالہ متاثرہ نوجوان کو 5 ستمبر کو اونم کی تقریبات کے بہانے گھر بلایا گیا۔ وہاں پہنچتے ہی اس پر مرچوں کا اسپرے کیا گیا، ہاتھ باندھ کر لکڑی کے ڈنڈے پر لٹکا دیا گیا اور لوہے کی سلاخوں سمیت مختلف اشیا سے وحشیانہ تشدد کیا گیا۔
متاثرہ کا کہنا ہے کہ ریشمی نے تشدد کیا جبکہ جیش موبائل فون پر ویڈیو بناتا رہا۔ اس نے الزام لگایا کہ اس کے جسم کے نازک حصوں پر اسٹپلر سے اذیت دی گئی۔ بعدازاں اسے دھمکا کر غلط بیان دینے پر مجبور کیا گیا اور چھوڑ دیا گیا۔
یہ بھی پڑھیے: محبت کی انتہا: محبوبہ سے ناراضی پر نوجوان نے پورے گاؤں کی بجلی کاٹ دی، ویڈیو وائرل
اسی طرح ایک اور 19 سالہ نوجوان کو بھی یکم ستمبر کو گھر بلا کر تشدد کا نشانہ بنایا گیا۔ اسے کپڑے اتار کر لکڑی کے شہتیر پر لٹکایا گیا، چمٹے اور پلاس سے اذیت دی گئی اور شدید مارپیٹ کی گئی۔ اس دوران اس سے 20 ہزار روپے بھی چھینے گئے۔
پولیس کے مطابق جیش ماضی میں بھی جیل جا چکا ہے۔ بعد میں اس نے ریشمی سے شادی کی اور دونوں کے 2 بچے ہیں۔ مقامی افراد نے بتایا کہ جوڑے کے خلاف پہلے بھی شکایات سامنے آتی رہی ہیں۔ یہ افسوسناک واقعہ علاقے میں خوف و ہراس کا باعث بنا ہوا ہے اور پولیس نے مزید تحقیقات شروع کر دی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
میجر عدنان اسلم شہید کی نماز جنازہ چکلالہ راولپنڈی میں ادا کر دی گئی،وزیراعظم ، فیلڈ مارشل کی شرکت