چین کی ویزا فری پالیسی کو لاطینی امریکہ اور کیریبین کے ممالک تک بڑھا دیا گیا، چینی میڈیا

اشاعت کی تاریخ: 3rd, June 2025 GMT

بیجنگ :یکم جون 2025 سے چین کی جانب سے برازیل، ارجنٹینا، چلی، پیرو اور یوراگوئے سمیت پانچ ممالک کے عام پاسپورٹ رکھنے والوں کے لئے ویزا فری پالیسی کا آزمائشی اطلاق شروع ہوا۔ مذکورہ پانچ ممالک کے عام پاسپورٹ رکھنے والے وہ افراد جو چین میں کاروبار کرنے ، سیر کرنے ، رشتہ داروں سے ملنے اور افرادی تبادلے کے تحت آئیں گے، ویزا فری پالیسی کے تحت چین کی سرزمین پر 30 روز تک قیام کر سکتے ہیں۔منگل کے روز چینی میڈیا کی رپورٹ میں کہا گیا ہے کہ یہ پہلا موقع ہے کہ چین کی ویزا فری پالیسی کو لاطینی امریکہ اور کیریبین کے ممالک تک بڑھایا گیا ہے اور یہ عالمی تبادلوں اور تعاون کو فروغ دینے میں چین کا ایک اور بڑا قدم ہے۔دسمبر 2023 میں جب چین نے فرانس اور سوئٹزرلینڈ سمیت دیگر ممالک کے لیے یکطرفہ ویزا فری پالیسی متعارف کرائی تھی، تب سے اب تک چین میں داخلے کے لئے یکطرفہ ویزا فری پالیسی کو 43 ممالک تک توسیع دی گئی ہے۔رواں ماہ 9 تاریخ سے سعودی عرب، عمان، کویت اور بحرین کے عام پاسپورٹ رکھنے والوں کے لئے ویزا فری پالیسی نافذ العمل ہو جائے گی ۔ ویزا کے بغیر چین آنے والے دوستوں کا بڑھتا ہوا حلقہ گلوبلائزیشن کو فروغ دینے کے لئے چین کے بڑھتے ہوئے کھلے پن اور پختہ عزم کو ظاہر کرتا ہے۔برازیل اور لاطینی امریکہ کے دیگر علاقوں میں چین کی جانب سے ویزا فری پالیسی میں توسیع ایک دور اندیش اور تزویراتی فیصلہ ہے۔ لاطینی امریکہ میں سرفہرست پانچ معیشتوں کی حیثیت سے ، یہ ممالک جو عالمی معاشی منظر نامے میں اہم مقام رکھتے ہیں ، نہ صرف لاطینی امریکہ میں چین کے اہم تجارتی شراکت دار ہیں بلکہ بیلٹ اینڈ روڈ انیشی ایٹو میں بھی اہم شراکت دار ہیں۔چین۔ لاطینی امریکہ ہم نصیب معاشرے کا تصور پیش کیے جانے کے بعد گزشتہ ایک دہائی کے دوران،فریقین کے درمیان تعاون گہرا ہو رہا ہے اور وافر ثمرات برآمد ہو رہے ہیں۔ اعداد و شمار کے مطابق 2024 میں چین اور لاطینی امریکہ کے درمیان تجارتی حجم پہلی بار 500 ارب امریکی ڈالر سے تجاوز کرتے ہوئے 518.

47 ارب ڈالر تک جا پہنچا ،جو سال بہ سال 6.0 فیصد کا اضافہ ہے۔جنوبی امریکہ میں چین کے سب سے بڑے تجارتی شراکت دار کی حیثیت سے ، برازیل کی چین کے ساتھ تجارت گزشتہ سال 1،338.7 بلین یوآن تک جا پہنچی۔ ان میں سے چین نے برازیل سے 825.8 ارب یوآن کی مصنوعات درآمد کیں جو برازیل کی سالانہ برآمدات کا ایک تہائی حصہ ہے۔ برازیل کے وافر زرعی اور کان کنی کے وسائل چین کے ساتھ رسد اور طلب سے قریبی طور پر جڑے ہوئے ہیں۔جبکہ ارجنٹائن کی مویشی پروری کی مصنوعات کو بھی چینی مارکیٹ میں وسیع مقبولیت حاصل ہے۔ ویزا فری پالیسی کاروباری افراد کے لئے سرحد پار نقل و حرکت کی لاگت کو نمایاں طور پر کم کرے گی ، جس سے ان کے لئے چین کی مارکیٹ کا دورہ کرنا اور چین میں تعاون پر تبادلہ خیال کرنا مزید آسان ہوجائے گا۔ اس سے بلاشبہ تجارت اور سرمایہ کاری کے شعبوں میں دونوں فریقوں کے درمیان تعاون اور صنعتی اور سپلائی چینز کے گہرے انضمام کو فروغ ملے گا۔فریقین کی سیاحتی صنعتی ترقی کو بھی نئے مواقع ملنے کی توقع ہے۔ نئی پالیسی کے نفاذ کے بعد عام پاسپورٹ رکھنے والے لاطینی امریکی سیاح کسی بھی وقت چین کا سفر شروع کر سکتے ہیں۔ پیشہ ورانہ تنظیموں کی پیش گوئی کے مطابق رواں سال کی دوسری ششماہی میں لاطینی امریکہ سے سیاحوں کی تعداد سال بہ سال دوگنی ہوجائے گی۔ چلی ٹورازم ایسوسی ایشن کے صدر روڈریگز نے کہا کہ “چینی مارکیٹ کا کھلا پن ایک نیا دریچہ کھولنے کے مانند ہے ، اور ہم چینی ٹور گائیڈز کی تربیت میں مصروف عمل ہیں اور چائے کی ثقافت کے تجربے اور بلٹ ٹرین کی سیاحت جیسی خصوصی مصنوعات تیار کر رہے ہیں. “سیاحوں کی بڑی تعداد میں آمد سے نہ صرف براہ راست سیاحتی آمدنی میں اضافہ ہوگا ، بلکہ ہوٹلوں ، ریستورانوں اور نقل و حمل سمیت دیگر متعلقہ صنعتوں کو بھی فروغ ملے گا ، اور روزگار کے مزید مواقع پیدا ہوں گے۔ویزا فری پالیسی افرادی تعلقات کے لئے ایک نیا پل تعمیر کرے گی۔ قدیم اور رنگین چینی ثقافت نے لاطینی امریکی عوام کو بھرپور تجسس میں مبتلا کیا ہے ۔اس وقت لاطینی امریکہ میں 50 کنفیوشس انسٹی ٹیوٹس اور 12 چینی ثقافتی مراکز موجود ہیں، اورہر سال تقریباً 10،000 لاطینی امریکی طلباء چینی حکومت کے اسکالرشپ حاصل کرتے ہیں. ویزا فری پالیسی کی سہولت لاطینی امریکہ کے مزید فنکاروں، اسکالرز اور ثقافتی افراد کو چینی ثقافت، تاریخ اور لوک رسم ورواج کا تجربہ کرنے کے لئے چین کی جانب راغب کرے گی اوراس سے فریقین کے درمیان ثقافتی پہچان اور تفہیم کو بڑھانے میں مدد ملےگی ۔ ارجنٹائن کے ماہر امور چین پروفیسر گومیز کا ماننا ہے کہ ‘جب زیادہ سے زیادہ لاطینی امریکی حقیقی اور سہ جہتی انداز سے چین کا ذاتی طور پر تجربہ کر سکیں گے تو چین کے بارے میں مغربی میڈیا کی جانب سے پیدا کیے گئے دقیانوسی تصورات خودبخودختم ہو جائیں گے۔’ ویزا استثنیٰ کے بڑھتے ہوئے دائرہ کار کے پیچھے نہ صرف چین کی دوستانہ مہمان نوازی ہے بلکہ چین کا دوسرے ممالک کے ساتھ باہمی فائدہ مند تبادلے کا طریقہ کار بھی ہے۔ جب زیادہ سے زیادہ غیر ملکی دوست چین آکر خود اپنی آنکھوں سے چین دیکھیں گے اور چین کو سمجھیں گے تو اس دو طرفہ تبادلے میں چینی عوام اور دنیا کے عوام ایک دوسرے کو جان سکیں گے اورمل کر انسانیت کے ہم نصیب معاشرے کی تعمیر میں ایک نیا باب رقم کریں گے۔

Post Views: 4

ذریعہ

ذریعہ: Daily Mumtaz

کلیدی لفظ: عام پاسپورٹ رکھنے ویزا فری پالیسی لاطینی امریکہ امریکہ میں کے درمیان ممالک کے کی جانب میں چین چین کی سے چین کے لئے چین کے چین کا

پڑھیں:

وزیراعظم کی زیر صدارت اجلاس، معیشت کی مجموعی ترقی اور پالیسی اقدامات پر جائزہ

اسلام آباد (ڈیلی پاکستان آن لائن) وزیراعظم محمد شہباز شریف کی زیر صدارت سرمایہ کاری میں اضافہ اور معیشت کی مجموعی ترقی کے لئے شعبہ جاتی اصلاحات اور پالیسی اقدامات پر جائزہ اجلاس ہوا۔

نجی ٹی وی چینل دنیا نیوز کے مطابق وزیراعظم شہباز شریف نے اجلاس کی صدارت کرتے ہوئے کہا کہ ملکی معیشت کی پائیدار ترقی کے لئے صنعت وحرفت کا فروغ اور بیرونی سرمایہ کاری میں اضافہ ناگزیر ہے۔

انہوں نے کہا کہ صنعتی مصنوعات کی ملکی پیداور اضافے کے ساتھ ساتھ برآمدات بڑھانے کے لیے موٴثر پالیسی اقدامات حکومتی ترجیحات کا حصہ ہیں، صنعت و تجارت اور معیشت کے مختلف شعبہ جات میں اصلاحات کا مقصد طویل المدتی معاشی افادیت اور عوامی فلاح ہونا چاہئے۔

ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار

وزیراعظم نے کہا کہ مستقبل کی توانائی کی ضروریات کو متبادل توانائی کے ذرائع سے پورا کرنے کے لیے جامع حکمت عملی پر بھرپور انداز میں کام ہو رہا ہے، توانائی کی بچت اور سستی ٹرانسپورٹ کی ملکی ضروریات پوری کرنے کے لئے جامع اور موثر الیکٹرک وہیکلز پالیسی وقت کی اہم ضرورت ہے۔

انہوں نے کہا کہ جدید ٹیکنالوجی کی مختلف شعبوں میں شمولیت کے لئے تمام وزارتیں اور ماہرین کی بامعنی مشاورت کو یقینی بنائیں، موثر ترقیاتی پالیسیز کی تشکیل و نفاذ کے لیۓ تمام وزراتیں باہمی تعاون اور ہم آہنگی سے کام کریں، تمام اصلاحات اور اقدامات میں انتظامی شفافیت اور بہترین کارکردگی حکومت کی اولین ترجیح ہے۔

پنجاب میں آندھی اور طوفان سے تباہی ، ایک شہری جاں بحق، 46 گھر متاثر

اجلاس میں متعلقہ وزارتوں کی جانب سی مختلف زیر غور پالیسی تجاویز پر بریفنگ دی گئی۔

اجلاس میں نائب وزیراعظم محمد اسحاق ڈار، وفاقی وزیر خزانہ محمد اورنگزیب، وفاقی وزیر اقتصادی امور احد خان چیمہ، وفاقی وزیر اطلاعات عطاء اللہ تارڑ، وفاقی وزیر موسمیاتی تبدیلی مصدق ملک، وفاقی وزیر پاور ڈیویژن سردار اویس لغاری، وفاقی وزیر پٹرولیم علی پرویز ملک، کے معاون خصوصی ہارون اختر اور ڈائریکٹر جنرل ایس آئی ایف سی میجر جنرل اسد الرحمن چیمہ اور متعلقہ اداروں کے عہدے داران نے شرکت کی۔

مزید :

چین کی ویزا فری پالیسی کو لاطینی امریکہ اور کیریبین کے ممالک تک بڑھا دیا گیا، چینی میڈیا

وزیراعظم کی زیر صدارت اجلاس، معیشت کی مجموعی ترقی اور پالیسی اقدامات پر جائزہ

متعلقہ مضامین

روزانہ کی خبریں

سب سے زیادہ دورہ کیا

کلیدی لفظ

آخری خبر