(سندھ بلڈنگ) گلشن اقبال میں غیرقانونی تعمیرات کوانسپکٹر عابد کی سرپرستی
اشاعت کی تاریخ: 5th, June 2025 GMT
13 D پلاٹ نمبر A93اور A121 کی رہائشی اراضی پر کمرشل تعمیرات کی چھوٹ دے دی
پورشن یونٹ اور دکانوں کی تعمیر کی چھوٹ ،گیس، بجلی، پانی ،اور پارکنگ کے مسائل میں اضافہ ہوگیا
ملوث افسران کے خلاف کوئی کاروائی عمل میں نہیں لائی گئی ، ترقی سے نوازے جانے کا سلسلہ شروع
سندھ بلڈنگ کھوڑو سسٹم گلشن اقبال میںرہائشی پلاٹوں پر کمرشل تعمیرات کی چھوٹ بلڈنگ انسپکٹر عابد شاہ نے خطیر رقوم بٹورنے کے بعد 13 D پلاٹ نمبر A93 اور A121 پر کمرشل تعمیرات کی سرپرستی شروع کر دی جرآت سروے ٹیم کی جانب سے موقف لینے کی کوشش ناکام ۔ سندھ بلڈنگ کنٹرول اتھارٹی میں رائج کھوڑو سسٹم میں گلشن اقبال اسکیم 24 کے رہائشی پلاٹوں پر کمرشل تعمیرات کا سلسلہ جاری ہے خطیر رقوم بٹورنے کے بعد رہائشی پلاٹوں پر کمرشل پورشن یونٹ اور دکانوں کی تعمیر کی چھوٹ دی جا رہی ہیجسکے باعث گیس بجلی پانی سیوریج اور پارکنگ جیسے بنیادی مسائل میں اضافہ دیکھنے میں آ رہا ہے شہر بھر میں جاری غیر قانونی تعمیرات سے ڈائریکٹر جنرل اسحاق کھوڑو کی کارکردگی پر کئی سوالات اٹھ رہے ہیں اور دلچسپ امر یہ ہے کہ غیر قانونی تعمیرات میں ملوث افسران کے خلاف کوئی کاروائی عمل میں نہیں لائی جا رہی بلکہ بدعنوان افسران کو ترقی سے نوازا جارہا ہے یہی وجہ ہے کہ افسران احتساب کے خوف سے لاپروا ہو کر ذاتی مفادات حاصل کرکے ملکی محصولات کو بھاری نقصان پہنچانے میں مگن ہیں ضلع شرقی کے علاقے گلشن اقبال کے بلاک 13D میں رہائشی پلاٹ A121 کمرشل پورشن یونٹ کی تیسری منزل تعمیر کی جارہی ہے جبکہ 13D1 کے رہائشی پلاٹ نمبر A93 پر دکانیں اور کمرشل پورشن یونٹ کی تعمیرات بلڈنگ انسپکٹر عابد شاہ کی سرپرستی میں جاری ہیں جاری خلاف ضابطہ تعمیرات پر ڈی جی اسحاق کھوڑو سے موقف لینے کے لئے رابطے کی کوشش کی گئی مگر رابطہ نہ ہو سکا۔
.ذریعہ: Juraat
کلیدی لفظ: پر کمرشل تعمیرات رہائشی پلاٹ گلشن اقبال پورشن یونٹ کی چھوٹ
پڑھیں:
ماڈل و اداکارہ حمیرا اصغر کی پراسرار موت، پولیس اور میڈیکو لیگل ٹیم کا رہائشی فلیٹ کا ایک اور دورہ
کراچی:
شہر قائد کے علاقے ڈیفنس فیز 6 کی رہائشی عمارت سے ماڈل و اداکارہ حمیرا اصغر کی 9 ماہ پرانی لاش ملنے کے معاملے کی تحقیقات کا سلسلہ جاری ہے۔
پولیس اور میڈیکولیگل ٹیم پیر کو ایک بار پھر متوفیہ کے فلیٹ پر پہنچ گئی، جہاں بیڈ روم سمیت گھر کے دیگر حصوں کی تلاشی لی گئی۔
تفتیشی حکام کے مطابق حمیرا اصغر کے کمروں اور کچن میں مختلف کپ اور پیالوں میں نمک رکھا ہوا پایا گیا۔ نمک کمروں کے کونوں سمیت بیڈ اور کچن کیبنیٹس کے نیچے رکھا ہوا ملا۔
ابتدائی تحقیقات کے مطابق یہ نمک ممکنہ طور پر کیڑے مکوڑوں سے بچاؤ کے لیے استعمال کیا گیا تھا۔ میڈیکل ٹیم نے پیالوں اور کپ سے نمونے حاصل کرلیے ہیں تاکہ مزید تجزیہ کیا جا سکے۔
ادھر سی ٹی ڈی نے بھی ڈسٹرکٹ ساؤتھ پولیس کی جانب ڈیٹا ریکوری کیلئے بھیجے گئے موبائل فونز کی ٹیکنیکل جانچ شروع کردی۔
سی ٹی ڈی ذرائع کا کہنا ہے کہ حمیرا اصغر کے موبائل فونز اور ایک ٹیبلٹ کی ٹیکنیکل جانچ کا عمل بھی جاری ہے۔ تفتیش کے مطابق اداکارہ کے موبائل فونز 28 اکتوبر کے بعد سے اتحاد کمرشل میں واقع رہائشی فلیٹ کی ایک ہی لوکیشن پر فعال رہے۔
ذرائع کے مطابق حمیرا نے اکتوبر میں ہی نیا موبائل فون خریدا اور پرانے فونز سے ڈیٹا نئے موبائل فون میں منتقل کرنے کے بعد اسے پرانے موبائل فون سے ڈیلیٹ کر دیا تھا۔
ذرائع انسدادِ دہشتگردی سیل کے مطابق تین موبائل فونز اور ایک ٹیبلٹ سے ڈیلیٹ شدہ ڈیٹا کی ریکوری کا عمل جاری ہے، جس کے بعد مزید حقائق سامنے آنے کی توقع ہے۔ اداکارہ کی موت کی وجوہات جاننے کے لیے پولیس تمام پہلوؤں سے تحقیقات کر رہی ہے۔
ماڈل و اداکارہ حمیرا اصغر کی 9 ماہ پرانی لاش ڈیفنس فیز 6 میں واقعے اتحاد کمرشل کی رہائشی عمارت پر چوتھی منزل کے فلیٹ سے 8 جولائی کو ملی تھی۔ واقعے کی تفتیش خصوصی ٹیم کررہی ہے۔
TagsShowbiz News Urdu
اساتذہ کو بجٹ میں مزدور کی کم سے کم مقرر کردہ تنخواہ ادا کی جائے ، امین خان میانی