فریضہ حج یکجہتی اور اتحاد کی عظیم مثال ہے، اسپیکر قومی اسمبلی
اشاعت کی تاریخ: 5th, June 2025 GMT
اسلام آباد (اُردو پوائنٹ اخبارتازہ ترین - این این آئی۔ 05 جون2025ء)اسپیکر قومی اسمبلی سردار ایاز صادق نے یوم عرفہ پر حجاج کرام کو مبارکباد دیتے ہوئے کہا ہے کہ فریضہ حج یکجہتی اور اتحاد کی عظیم مثال ہے۔ اپنے بیان میں اسپیکر قومی اسمبلی نے بتایاکہ فریضہ حج اللہ تعالیٰ کا خاص انعام ہے، فریضہ حج پوری دنیا سے مسلمانوں کو ایک جگہ جمع ہونے کا موقع فراہم کرتا ہے۔
انہوںنے کہاکہ فریضہ حج یکجہتی اور اتحاد کی عظیم مثال ہے، جح کا موقع ہمیں اپنی صفوں میں اتحاد اور یکجہتی پیدا کرنے کا پیغام دیتا ہے۔ سر دار ایاز صاد ق نے کہاکہ حج اسلام کے پانچ بنیادی ارکان میں سے ایک ہے، مناسکِ حج، قربانی، صبر اور اطاعتِ الٰہی کی یاد دلاتے ہیں۔ انہوںنے کہاکہ حج روحانی سفر ہے جو بندے کو اللہ کے قریب کرتا ہے، حج اتحاد، مساوات، صبر اور ایثار کا درس دیتا ہے۔(جاری ہے)
انہوںنے کہاکہ حجاج اپنی خواہشات کو اللہ کی رضا کے لیے قربان کرتے ہیں، حضرت ابراہیمؐ کی قربانی کی سنت امت مسلمہ کے لیے مشعلِ راہ ہے، سنت ابراہیمی ہمیں اپنا سب کچھ اللہ تعالیٰ کی راہ میں قربان کرنے کا درس دیتی ہے۔اسپیکر قومی اسمبلی نے حج 2025 کے شاندار انتظامات پر سعودی حکومت کو مبارکباد دی اور کہاکہ لاکھوں حجاج کے لیے سہولیات فراہم کرنا قابلِ تحسین ہے۔ انہوںنے کہاکہ اللہ تعالیٰ تمام حجاج کی عبادات اور قربانیوں کو قبول فرمائے، حج کے عظیم موقع پر مسلم امہ کو فلسطین اور کشمیر کے مظلوم مسلمانوں کی حالت زار کو نہیں بھولنا چاہیے۔ اسپیکر قومی اسمبلی نے کہاکہ مسلم امہ سے کشمیر اور فلسطین کے مظلوم مسلمانوں کی آزادی کیلئے دعا کی اپیل کرتا ہوں، حج کے موقع پر امت مسلمہ کی یکجہتی کے لیے دعا گو ہوں۔.ذریعہ: UrduPoint
کلیدی لفظ: تلاش کیجئے اسپیکر قومی اسمبلی انہوںنے کہاکہ نے کہاکہ کے لیے
پڑھیں:
حماد اظہر کے والد، رکن قومی اسمبلی اور سابق گورنر پنجاب میاں محمد اظہر انتقال کرگئے
پاکستان تحریک انصاف کے رہنما حماد اظہر کے والد اور سابق گورنر پنجاب و رکن قومی اسمبلی میاں محمد اظہر انتقال کرگئے۔
فیملی ذرائع کے مطابق میاں محمد اظہر طویل عرصے سے بیمار اور زیر علاج تھے اور لاہور میں اُن کا انتقال ہوا ہے۔
میاں محمد اظہر 2024 کے الیکشن میں قومی اسمبلی کے حلقہ این اے 129 سے پی ٹی آئی کے حمایتی یافتہ امیدوار تھے اور آزاد حیثیت میں رکن منتخب ہوکر سنی اتحاد کونسل میں شامل ہوگئے تھے۔
اس سے قبل انہوں نے سابق گورنر پنجاب کی ذمہ داری بھی انجام دی تھی۔
اُن کا شمار پاکستان کے سینئر سیاستدانوں میں ہوتا تھا۔ گزشتہ کئی عرصے سے وہ پاکستان تحریک انصاف کے حامی تھے اور آخری بار ہونے والے عام انتخابات میں این اے 129 سے رکن قومی اسمبلی منتخب بھی ہوئے تھے۔
حماد اظہر نے جون 2023 میں دعویٰ کیا تھا کہ اُن کے 88 سالہ والد کو پولیس نے حراست میں لے کر نامعلوم مقام پر منتقل کردیا ہے تاہم دو روز کے بعد انہوں نے میاں محمد اظہر کی گھر واپسی کی تصدیق بھی کردی تھی۔
وزیراعلی پنجاب مریم نواز شریف نے سابق گورنر میاں اظہر کے انتقال پر افسوس، سوگوار خاندان کے ساتھ تعزیت اور ہمدردی کا اظہار کیا ہے۔
جسٹس محسن کا اسلام آباد ہائی کورٹ کے ججز کی سنیارٹی کو چیلنج کرنے کا فیصلہ