حجاج کرام آج رات مزدلفہ میں کھلے آسمان تلے گزاریں گے
اشاعت کی تاریخ: 5th, June 2025 GMT
حج کے رکن اعظم وقوف عرفہ کی ادائیگی کے بعد ایک لاکھ 15 ہزار پاکستانیوں سمیت حجاج کرام کی کثیر تعداد آج مزدلفہ کی جانب روانہ ہو گی، جہاں وہ مغرب اور عشا کی نماز ادا کریں گے اور رات وہیں کھلے آسمان تلے گزاریں گے۔ یہ عمل نبی کریم ﷺ کی سنت کی پیروی میں کیا جاتا ہے۔ آپ ﷺ نے مزدلفہ میں رات گزاری اور فجر کی نماز ادا کی تھی۔
واضح رہے کہ عازمین حج نے گزشتہ شب منیٰ میں گزاری تھی جس کے بعد انہوں نے صبح سویرے میدان عرفات کا رخ کیا، مسجد نمرہ میں خطبہ حج سنا، اللہ تعالیٰ کے حضور مغفرت، رحمت اور دنیا بھر کے مظلوم مسلمانوں کے لیے دعائیں کیں۔
سورج غروب ہونے کے بعد حجاج کرام نماز مغرب ادا کیے بغیر مزدلفہ کی طرف روانہ ہوں گے جہاں وہ مغرب اور عشا کی نمازیں ایک ساتھ ادا کریں گے۔
رات کھلے آسمان تلے گزارنے کے بعد حجاج نماز فجر ادا کریں گے اور طلوع آفتاب کے ساتھ ہی ساتھ وہ واپس منیٰ میں اپنے خیموں میں لوٹ آئیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
حجاج کرام مزدلفہ.ذریعہ: WE News
پڑھیں:
سعودی عرب، یو اے ای اور خلیجی ممالک میں آج عیدالاضحیٰ مذہبی جوش و جذبے سے منائی جا رہی ہے
مکہ مکرمہ:سعودی عرب، متحدہ عرب امارات اور دیگر خلیجی ممالک میں آج عیدالاضحیٰ مذہبی عقیدت و احترام کے ساتھ منائی جا رہی ہے۔
مکہ مکرمہ کی مسجد الحرام اور مدینہ منورہ کی مسجد نبوی میں نمازِ عید کے روح پرور اجتماعات منعقد ہوئے جن میں لاکھوں فرزندانِ توحید نے شرکت کی۔
عید کی نماز کے بڑے اجتماعات میں امت مسلمہ کے اتحاد، عالم اسلام کی ترقی، اور فلسطین و دیگر مظلوم مسلمانوں کے لیے خصوصی دعائیں کی گئیں۔
مسجد الحرام میں نمازِ عید کی امامت حرمین شریفین کے امام نے کی جبکہ مسجد نبوی میں بھی نمازیوں کی بڑی تعداد موجود تھی۔
ادھر حجاج کرام مزدلفہ سے منیٰ پہنچ چکے ہیں جہاں وہ حج کے اہم رکن رمی جمرات کی ادائیگی کے ساتھ بڑے شیطان کو کنکریاں مار رہے ہیں، جس کے بعد قربانی، حلق یا قصر اور احرام کی حالت ختم کرنے کے مناسک ادا کیے جا رہے ہیں۔ اس کے بعد حجاج طواف زیارت اور سعی مکمل کریں گے۔
سعودی حکام کے مطابق حجاج کی سہولت اور سلامتی کے لیے تمام ضروری انتظامات مکمل کر لیے گئے ہیں۔ وزارت حج و عمرہ، وزارت داخلہ، اور دیگر متعلقہ اداروں نے مشاعر مقدسہ میں مربوط اور منظم آپریشن ترتیب دیے ہیں۔
رائل سعودی فورسز کے ہیلی کاپٹرز مشاعر مقدسہ کی فضائی نگرانی پر مامور ہیں تاکہ کسی بھی ہنگامی صورت حال پر فوری ردعمل دیا جا سکے۔ ٹریفک کنٹرول، صحت و طبی امداد، صفائی، رہنمائی اور سیکیورٹی کے لیے ہزاروں اہلکار دن رات اپنی خدمات انجام دے رہے ہیں۔
وفاقی وزیر رانا تنویر حسین سے ڈائریکٹر جنرل ایس آئی ایف سی کی ملاقات، کسانوں کو ریلیف فراہم کرنے اور پیداواری صلاحیت میں بہتری پر تبادلہ خیال