ہیرو کا کردار ادا کرنے پر تنقید کا نشانہ بنایا جاتا ہے، ہمایوں سعید
اشاعت کی تاریخ: 10th, June 2025 GMT
سینئر اداکار ہمایوں سعید نے کہا ہے کہ انہیں اس وجہ سے بھی تنقید کا نشانہ بنایا جاتا ہے کیونکہ وہ گزشتہ کئی سالوں سے ہیرو کے کردار ادا کر رہے ہیں اور اب تک یہ سلسلہ جاری ہے۔
ہمایوں سعید نے حال ہی میں ماہرہ خان کے ہمراہ پروگرام ’گپ شپ ود واسع چوہدری‘ میں شرکت کی، جہاں انہوں نے مختلف سوالات کے جوابات دیے۔
ایک سوال کے جواب میں ہمایوں سعید نے کہا کہ انڈسٹری میں سب سے مزاحیہ اداکار احمد علی بٹ ہیں، وہ ان کے ساتھ اس لیے کام کرتے ہیں کیونکہ وہ بہت مزاحیہ ہیں اور ان کا مزاح انہیں بہت ہنساتا ہے۔
انہوں نے مزید کہا کہ اکثر لوگ ہماری فلموں کو بالی وُڈ کی نقل قرار دیتے ہیں، لیکن ایسا ہرگز نہیں ہے اور اُن کا یہ تاثر فلم دیکھنے کے بعد ختم ہوجاتا ہے۔
ایک اور سوال کے جواب میں ہمایوں سعید کا کہنا تھا کہ وہ اپنی فلموں میں دیگر اداکاروں کو بھی کاسٹ کرتے ہیں، اس کے باوجود انہیں تنقید کا سامنا کرنا پڑتا ہے۔
انہوں نے کہا کہ میں نے ہمیشہ اپنی فلموں میں بہترین اداکاروں کو کاسٹ کیا ہے، جیسے فہد مصطفیٰ اور حمزہ علی عباسی۔
ان کا مزید کہنا تھا کہ شاید لوگ اس لیے بھی تنقید کرتے ہیں کیونکہ وہ کئی سالوں سے ہیرو کا کردار ادا کر رہے ہیں اور اب بھی کر رہے ہیں، اسی وجہ سے انہیں تنقید کا نشانہ بنایا جاتا ہے۔
سینئر اداکار نے یہ بھی کہا کہ اگر انہیں کسی مزاحیہ پروجیکٹ میں کام کرنا ہوا تو وہ واسع چوہدری کے ساتھ کام کریں گے اور اگر کوئی سنجیدہ پروجیکٹ ہوا تو ان کی پہلی ترجیح خلیل الرحمٰن قمر ہوں گے۔
عیدالاضحیٰ سے ایک روز قبل ہمایوں سعید کی فلم ’لو گرو‘ ریلیز ہوئی ہے جو ایک رومانٹک کامیڈی فلم ہے، فلم میں ہمایوں سعید کے ساتھ ماہرہ خان نے مرکزی کردار ادا کیا ہے اور اس میں ہمایوں سعید نے ایک دل پھینک عاشق کا کردار نبھایا ہے۔
فلمی شائقین ’لو گرو‘ کو اس کی رومانٹک اور مزاحیہ مصالحہ کہانی کے باعث خوب سراہ رہے ہیں اور وہ ہمایوں سعید اور ماہرہ خان کی کیمسٹری سے بھی خوش نظر آرہے ہیں۔
’لو گرو‘ کی ہدایت ندیم بیگ نے دی ہے اور یہ فلم 25 کروڑ روپے کی لاگت سے تیار کی گئی ہے، فلم میں متعدد اداکارائیں مہمان کرداروں میں بھی جلوہ گر ہوئی ہیں۔
Post Views: 4.
ذریعہ
ذریعہ: Daily Mumtaz
کلیدی لفظ: میں ہمایوں سعید ہمایوں سعید نے تنقید کا رہے ہیں ہیں اور کہا کہ
پڑھیں:
پاسدارانِ انقلاب کی دھمکی پر برطانیہ کا بھی سخت ردعمل آگیا
پاسدارانِ انقلاب کے امریکا کی مدد کرنے پر برطانوی اڈوں کو نشانہ بنانے کی دھمکی کے کے بعد برطانیہ کا بھی ردعمل سامنے آگیا ہے جس میں اُس نے کہا ہے کہ وہ اپنے عوام کے دفاع کے لیے پرعزم ہے۔
ایران کے پاسداران انقلاب کی جانب سے امریکی بمبار طیاروں کو برطانیہ کے اڈوں سے پرواز کرنے کی اجازت دینے کے حوالے سے وارننگ جاری کی گئی تھی جس کے بعد برطانیہ نے جمعرات کو کہا کہ اس کی مسلح افواج ملک کو کسی بھی حملے سے بچانے کے لیے تیار ہیں۔
حکومتی ترجمان نے کہا کہ ہماری مسلح افواج برطانیہ کو کسی بھی قسم کے حملوں سے محفوظ رکھنے کے لیے تیار ہیں، چاہے وہ ہماری سرزمین پر ہو یا بیرون ملک سے۔ برطانیہ اپنے دفاع کے لیے 24 گھنٹے تیار ہے۔
انہوں نے مزید کہا کہ اس میں رائل نیوی، برٹش آرمی اور رائل ایئر فورس کے اثاثوں کی طرف سے فراہم کردہ فضائی اور میزائل دفاع کے لیے ایک تہہ دار نقطہ نظر کو چلانا شامل ہے، جو ہمارے نیٹو اتحادیوں کے ساتھ مل کر کام کر رہے ہیں۔
ایران کی جانب سے یہ انتباہ اس وقت سامنے آیا جب برطانیہ کے نئے وزیر اعظم اینڈی برنہم کو گزشتہ ہفتے برطانیہ کے ایک موجودہ معاہدے کو دوبارہ فعال کرنے پر مطلع کیا گیا تھا جس میں امریکا کو برطانوی اڈے استعمال کرنے کی اجازت دی گئی تھی۔
پاکستان نے ورلڈ کپ 2028 کیلیے براہ راست کوالیفائی کر لیا