ایرانی ہائپرسانک میزائلوں نے اسرائیلی دفاعی نظام کی قلعی کھول دی
اشاعت کی تاریخ: 16th, June 2025 GMT
data-id="863a0a8" data-element_type="widget" data-widget_type="theme-post-content.default">
تہران:ایران کے “آپریشن وعدۂ حق سوم” کے تحت داغے گئے ہائپرسانک میزائلوں نے اسرائیل کے جدید ترین دفاعی نظام کو شدید آزمائش میں ڈال دیا، جس سے دنیا بھر کے عسکری ماہرین حیران رہ گئے ہیں۔
عالمی دفاعی تجزیہ کاروں کے مطابق اسرائیلی دفاعی نظام میں ہائپرسانک میزائلوں کو روکنے کی صلاحیت ہی موجود نہیں، کیونکہ اس کا ڈیزائن آواز سے کم رفتار والے میزائلوں اور راکٹوں کے لیے بنایا گیا تھا۔
ایرانی میزائل حملوں کے دوران آئرن ڈوم، ڈیوڈ سلنگ اور ایرو ڈیفنس سسٹمز مسلسل دباؤ میں رہے اور کئی میزائلوں کو روکنے میں ناکام ثابت ہوئے۔ ہائپرسانک میزائل اپنی بے پناہ رفتار اور غیر متوقع پرواز کے باعث دفاعی سسٹمز کے ریڈار پر مکمل طور پر گرفت میں نہیں آتے، جس سے ان کا روکنا انتہائی مشکل ہو جاتا ہے۔
دفاعی ماہرین کے مطابق آئرن ڈوم صرف قلیل فاصلے کے نان گائیڈڈ راکٹ یا چھوٹے ڈرونز کو نشانہ بنانے کی صلاحیت رکھتا ہے،ڈیوڈ سلنگ درمیانی فاصلے کے میزائلوں کے خلاف کام کرتا ہے، مگر ہائپرسانک میزائل اس کے دائرۂ اثر سے باہر ہیں۔
ایرو ڈیفنس سسٹمز (ایرو-1، ایرو-2، ایرو-3) اگرچہ طویل فاصلے کے بیلسٹک میزائلوں کو روکنے کے لیے بنائے گئے ہیں، مگر بیک وقت درجنوں میزائل حملوں کے خلاف ان کی صلاحیت محدود ہو جاتی ہے۔
ایرانی حملے کے دوران اسرائیلی شہروں میں درجنوں میزائلوں کی بارش نے اسرائیلی عوام میں خوف و ہراس پھیلا دیا۔ متعدد مقامات پر دھماکوں کے بعد آگ بھڑک اٹھی اور درجنوں عمارتیں تباہ ہو گئیں۔ اسرائیلی حکام کے مطابق ایران کے میزائل حملوں میں 24 افراد ہلاک اور 592 زخمی ہوئے، جن میں سے 10 کی حالت تشویشناک ہے۔
خیال رہےکہ اسرائیل کی جوابی کارروائیوں میں ایران نے بھی بھاری جانی و مالی نقصان اٹھایا۔ ایرانی ذرائع کے مطابق اسرائیل کے فضائی حملوں میں اب تک 224 افراد شہید اور 1,000 سے زائد زخمی ہو چکے ہیں۔ اس کے علاوہ نطنز، اصفہان، تہران اور خنداب سمیت متعدد مقامات پر جوہری اور عسکری تنصیبات کو بھی نشانہ بنایا گیا، جن میں اصفہان میں چار عمارتیں تباہ ہوئیں، جن میں یورینیم کنورژن پلانٹ، کیمیکل لیبارٹری، فیول مینوفیکچرنگ یونٹ اور میٹل پروسیسنگ فیکٹری شامل ہیں۔
خطے میں اس تازہ ترین کشیدگی نے عالمی سطح پر بھی شدید تشویش پیدا کر دی ہے، اور عالمی اداروں کی جانب سے فوری جنگ بندی کی اپیلیں سامنے آ رہی ہیں۔
.ذریعہ: Jasarat News
کلیدی لفظ: ہائپرسانک میزائل کے مطابق
پڑھیں:
پی آئی اے کے پائلٹ نے دوران پرواز اسرائیل پر فائر کئے گئے ایرانی میزائلوں کی ویڈیوبنالی
data-id="863a0a8" data-element_type="widget" data-widget_type="theme-post-content.default">
کراچی: پاکستان انٹرنیشنل ائیرلائنز (پی آئی اے) کے پائلٹ نے دوران پرواز اسرائیل کی جانب فائر کیے گئے ایرانی میزائیلوں کی فلم بندی کی ہے۔
ائیرلائن ذرائع کے مطابق گزشتہ شب جدہ سے پاکستان آنے والی قومی ائیرلائن کا طیارہ جس وقت سعودی فضائی حدود میں دمام سٹی سے گزر رہا تھا تو عین اس وقت ایران سے فائر کئے گئے بیلسٹک میزائل سعودی فضائی حدود سے گزرتے ہوئے اسرائیل کی جانب جارہے تھے۔
https://jasarat.com/wp-content/uploads/2025/06/pia.mp4اس دوران پائلٹ نے اپنے طیارے کے کاک پٹ سے ان میزائیلوں کی ویڈیو بنا لی۔ اس مقام پر ایرانی سرحد بہت قریب ہے۔
ذرائع کے مطابق ان بیلسٹک میزائیلوں سے پرواز کرتے طیاروں کو کوئی خطرہ نہیں ہوتا کیونکہ یہ میزائل بہت بلندی پر اپنا راستہ بناتے ہیں۔
بھارتی آبی جارحیت، بجٹ میں جنگی بنیاد پر آبی ذخائر میں اضافے کا اعلان