بی جے پی نے بھارتی عوام کو صرف بے روزگاری دی ہے، کانگریس
اشاعت کی تاریخ: 19th, June 2025 GMT
کانگریس کمیٹی کے جنرل سکریٹری نے کہا کہ بی جے پی نے ہر سال 2 کروڑ روزگار دینے کا وعدہ کیا تھا لیکن زمینی سطح پر ایسا کچھ بھی نہیں ہے۔ اسلام ٹائمز۔ آج کانگریس رکن پارلیمنٹ راہل گاندھی کا یومِ پیدائش ہے۔ اس موقع پر انڈین یوتھ کانگریس نے دہلی کے تالکٹورا اسٹیڈیم میں "میگا روزگار میلہ 2025ء" کا انعقاد کیا۔ روزگار میلہ میں ٹاٹا الائنس، فلپ کارٹ، جپٹو، وولٹاس، ٹیک مہندرا، پے ٹی ایم، آدتیہ برلا، ہتاچی، اربن کَلیپ جیسی 161 پرائیویٹ کمپنیاں شامل ہوئیں۔ اس دوران روزگار میلہ میں تقریباً 8500 نوجوانوں نے اپنا رجسٹریشن کروایا، تقریباً 7500 نوجوانوں کے انٹرویو ہوئے اور 3500 نوجوانوں کو ہاتھوں ہاتھ جاب لیٹر ملا۔ ساتھ ہی کئی نوجوانوں کو کمپنیوں کے ایچ آر کے ذریعہ دوسرے راؤنڈ کے لئے بھی مدعو کیا گیا ہے۔ "میگہ روزگار میلہ" میں کانگریس کے کئی سینیئر لیڈران شامل ہوئے، جن میں اے آئی سی سی تنظیم کے جنرل سکریٹری کے سی وینو گوپال، اے آئی سی سی کے جنرل سکریٹری سچن پائلٹ، اے آئی سی سی کے انچارج قاضی نظام الدین، دہلی پردیش کانگریس کمیٹی کے صدر دیویندر یادو، کسان کانگریس کے ایزیگٹو چیئرمین بجرنگ پونیا، اے آئی سی سی سکریٹری نوین شرما اور نیرج کندن تھے۔
اس موقع پر آل انڈیا کانگریس کمیٹی کے جنرل سکریٹری کے سی وینو گوپال نے کہا کہ آج نوجوانوں کے لئے سب سے بڑا مسئلہ بے روزگاری کا ہے۔ بی جے پی نے ہر سال 2 کروڑ روزگار دینے کا وعدہ کیا تھا لیکن زمینی سطح پر ایسا کچھ بھی نہیں ہے۔ انہوں نے کہا کہ ملک کے نوجوانوں کو آج روزگار چاہیئے اور راہل گاندھی ہی واحد ایسے لیڈر ہیں جو مسلسل اس کے لئے پارلیمنٹ سے لیکر سڑکوں تک لڑ رہے ہیں۔ انڈین یوتھ کانگریس کے قومی صدر ادے بھانو چِب نے کہا کہ بی جے پی نے ہمیں بے روزگاری دی، ہم نے اس کے جواب میں روزگار کا میلہ کھڑا کر دیا۔ یوتھ کانگریس کا روزگار میلہ صرف ایک تقریب نہیں ہے بلکہ یہ راہل گاندھی کے وِژن پر یقین رکھنے والوں کی مہم ہے۔ کانگریس لیڈر بھانو چِب نے مزید کہا کہ اپوزیشن لیڈر راہل گاندھی جو مسلسل بے روزگاری کا مسئلہ اٹھاتے آئے ہیں۔
انڈین یوتھ کانگریس کے صدر کے مطابق روزگار میلہ میں شامل ہوئے نوجوانوں کا کہنا ہے کہ آج جو کام حکومت کو کرنا چاہیئے وہ راہل گاندھی کر رہے ہیں۔ ساتھ ہی انہوں نے کہا کہ آج ہزاروں نوجوان کہہ رہے ہیں کہ انہیں یقین ہے کہ راہل گاندھی ان کے لئے کام کریں گے۔ دہلی پردیش کانگریس کمیٹی کے صدر دیویندر یادو نے کہا کہ یہ روزگار میلہ آج انڈین یوتھ کانگریس اور دہلی پردیش کانگریس کمیٹی نے مل کر منعقد کیا ہے۔ انہوں نے کہا کہ یہ کوئی عام تقریب نہیں ہے بلکہ یہ نوجوانوں کو نوکری دلانے کی ایک اہم کوشش ہے۔ حکومت نے تو ہر سال 2 کروڑ نوکریوں کا وعدہ کر کے خاموشی اختیار کر لی ہے، نہ تو اب اس مسئلہ پر بات ہوتی ہے اور نہ ہی جواب ملتا ہے۔ انہوں نے کہا کہ اس لئے اب اپوزیشن نے ذمہ داری لی ہے کہ اگر حکومت پیچھے ہٹے گی تو ہم آگے بڑھ کر نوجوانوں کو ان کا حق دلائیں گے۔
ذریعہ
ذریعہ: Islam Times
کلیدی لفظ: کانگریس کمیٹی کے کے جنرل سکریٹری انہوں نے کہا کہ نوجوانوں کو روزگار میلہ اے آئی سی سی راہل گاندھی بے روزگاری کانگریس کے بی جے پی نے نہیں ہے کے لئے
پڑھیں:
بجلی، گیس، پانی، پیٹرول سمیت ہر شعبے میں ٹیکس وصول کیے جا رہے ہیں، شاداب نقشبندی
سربراہ پاکستان سنی تحریک نے کہا کہ وقت کا تقاضا ہے کہ عوام کو مہنگائی، بے روزگاری اور بنیادی سہولیات کے بحران سے نجات دلانے کے لیے فوری، سنجیدہ اور مؤثر اقدامات کیے جائیں تاکہ عوام کا اعتماد بحال ہو اور ملک معاشی استحکام کی جانب گامزن ہو سکے۔ اسلام ٹائمز۔ پاکستان سنی تحریک کے سربراہ محمد شاداب رضا نقشبندی نے کہا ہے کہ گیس، بجلی اور پانی کی مسلسل قلت، بڑھتی ہوئی مہنگائی اور حکومتی معاشی پالیسیاں عوام کے لیے شدید پریشانی کا باعث بن چکی ہیں، حکمران طبقہ تاجروں، کسانوں، مزدوروں اور عام شہریوں کو معاشی ریلیف اور سہولیات فرام کرنے میں بے بس ہے۔ ان کیالات کا اظہار انہوں نے مرکز اہلسنت سے جاری ایک بیان میں کیا۔ محمد شاداب رضا نقشبندی نے کہا کہ پیٹرولیم مصنوعات کی قیمتوں میں بار بار ہونے والے اضافے نے نہ صرف شہریوں کی مشکلات میں اضافہ کیا ہے بلکہ معیشت کو بھی عدم استحکام سے دوچار کر دیا ہے، بازاروں میں سناٹے تاجر بھی پریشان حال ہیں، حکمرانوں کے پاس تاحال ایسی عوام دوست معاشی پالیسی دکھائی نہیں دے رہی جو مہنگائی پر قابو پا سکے اور عام آدمی کو حقیقی سہولت فراہم کرے۔
ان کا کہنا تھا کہ حکومت کو چاہیئے کہ دعووں اور اعلانات کے بجائے عملی اقدامات کرے، عوام کی بنیادی ضروریات کی فراہمی کو یقینی بنائے اور معاشی استحکام کے لیے بڑے، مؤثر اور دیرپا فیصلے کرے۔ انہوں نے کہا کہ جمہوریت اور آئین کا بنیادی مقصد عوام کو باعزت، محفوظ اور خوشحال زندگی فراہم کرنا ہے، حکومت کی ذمہ داری ہے کہ وہ شہریوں کو معیاری تعلیم، بہترین طبی سہولیات، روزگار کے مواقع، معاشی استحکام اور بنیادی ضروریات کی فراہمی یقینی بنائے، عوام کو مہنگائی، بے روزگاری اور غربت سے نجات دلانے کے لیے مؤثر اور عوام دوست پالیسیاں اختیار کی جائیں، حقیقی جمہوریت اسی وقت مضبوط ہوتی ہے جب آئین کی بالادستی، قانون کی مساوی حکمرانی اور عوامی فلاح و بہبود کو اولین ترجیح دی جائے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا