محرم الحرام میں بجلی کی بلاتعطل فراہمی کے لیے فوری اقدامات کی ہدایت
اشاعت کی تاریخ: 22nd, June 2025 GMT
اسلام آباد (ویب ڈیسک) وفاقی وزیر برائے پاور اویس لغاری نے محرم الحرام کے دوران بجلی کی بلاتعطل فراہمی کو یقینی بنانے کے لیے تمام ڈسکوز (ڈسٹری بیوشن کمپنیز) کے چیئرمینز اور سی ای اوز کو خصوصی ہدایات جاری کی ہیں۔ وزیر پاور نے کہا کہ محرم الحرام کا مقدس مہینہ قریب آ رہا ہے، اور اس دوران لاکھوں عزاداران مجالس اور جلوسوں میں شرکت کریں گے۔ رواں سال محرم میں گرمی کی لہریں آنے کے امکانات ہیں جس سے بجلی کی فراہمی میں خلل آ سکتا ہے۔ اس لیے بلا تعطل بجلی کی فراہمی انتہائی ضروری ہے تاکہ مذہبی تقریبات کے دوران عوام کو کسی بھی قسم کی تکلیف سے بچایا جا سکے۔
وفاقی وزیر نے کہا کہ تمام ڈسکوز کو ہدایت دی گئی ہے کہ وہ مجالس اور جلوسوں کے مقامات پر پیشگی مرمت اور جانچ کا عمل مکمل کریں تاکہ کسی بھی ٹیکنیکل خرابی کا سامنا نہ ہو۔ اس کے علاوہ ڈسکوز کو ایمرجنسی رسپانس ٹیمیں تشکیل دینے کی بھی ہدایت کی گئی ہے تاکہ کسی بھی غیر متوقع مسئلے کو فوری طور پر حل کیا جا سکے۔ اویس لغاری نے کہا کہ محرم الحرام کے دوران تکنیکی اور آپریشنل عملے کی 24/7 دستیابی کو یقینی بنایا جائے تاکہ بجلی کی فراہمی میں کسی قسم کا تعطل نہ ہو۔
انہوں نے امام بارگاہوں اور مساجد کو کسی بھی شیڈولڈ مرمت یا لوڈ مینجمنٹ کے بارے میں پیشگی آگاہ کرنے کی بھی ہدایت دی ہے تاکہ کسی قسم کی پریشانی سے بچا جا سکے۔ اس کے ساتھ ہی حساس مقامات پر اسٹینڈ بائی جنریٹرز اور یو پی ایس سسٹمز کی دستیابی کو یقینی بنانے کے لیے اقدامات اٹھائے جائیں گے تاکہ بجلی کی فراہمی میں کوئی رکاوٹ نہ ہو۔
وفاقی وزیر نے اس بات پر زور دیا کہ محرم الحرام کے دوران تمام متعلقہ اداروں کو ضلعی انتظامیہ، قانون نافذ کرنے والے اداروں اور مذہبی تنظیموں کے ساتھ مکمل تعاون کرنا چاہیے تاکہ امن و امان کی صورتحال برقرار رکھی جا سکے۔ وزیر پاور نے اس معاملے میں کسی بھی قسم کی غفلت یا کوتاہی کی گنجائش نہ ہونے کا واضح پیغام دیا اور کہا کہ محرم کے دوران کیے گئے تمام اقدامات کی رپورٹ پاور ڈویژن کو ارسال کی جائے۔
Post Views: 7.ذریعہ: Daily Mumtaz
کلیدی لفظ: بجلی کی فراہمی محرم الحرام کے دوران کہ محرم کسی بھی کہا کہ جا سکے
پڑھیں:
چمن میں دھماکا: 5 افراد جاں بحق، وزیراعظم اور وزیراعلیٰ بلوچستان کی مذمت
پاک افغان سرحدی شہر چمن کے ٹیکسی اسٹینڈ کے قریب ایک دھماکے میں 5 افراد جان کی بازی ہار گئے جبکہ ایک شخص زخمی ہوگیا ہے۔
یہ بھی پڑھیں: بلوچستان: لیویز اور پولیس تھانوں پر دہشتگردوں کا حملہ، ایک اہلکار شہید، 2 زخمی
پولیس کے مطابق دھماکا ایک گاڑی کے قریب ہوا جس کے بعد فوری طور پر پولیس اور امدادی ٹیمیں موقع پر پہنچ گئیں۔
سیکیورٹی فورسز نے علاقے کو گھیرے میں لے کر تفتیش کا آغاز کردیا ہے اور لیویز سمیت دیگر ادارے شواہد جمع کر رہے ہیں۔
واقعہ بلوچستان کے امن پر حملہ ہے، وزیراعظم شہباز شریفوزیر اعظم محمد شہباز شریف نے چمن میں پاک افغان سرحد کے قریب کار پارکنگ میں ہونے والے بم دھماکے کی شدید الفاظ میں مذمت کرتے ہوئے دھماکے کے نتیجے میں قیمتی انسانی جانوں کے ضیاع پر گہرے دکھ اور رنج کا اظہار کیا۔
وزیر اعظم نے جاں بحق افراد کی مغفرت اور بلندیٔ درجات کے لیے دعا کرتے ہوئے متاثرہ خاندانوں سے دلی ہمدردی کا اظہار کیا۔
انہوں نے زخمیوں کی جلد صحتیابی کے لیے بھی دعا کی اور انہیں فوری اور بہترین طبی سہولیات فراہم کرنے کی ہدایت کی۔
اپنے بیان میں وزیرِ اعظم نے متعلقہ اداروں کو ہدایت کی کہ واقعے کے ذمہ داران کا جلد تعین کیا جائے اور انہیں قانون کے مطابق قرار واقعی سزا دلوائی جائے۔
مزید پڑھیے: سوشل میڈیا جن قابو سے باہر ہو رہا ہے، بے لگام مواد برداشت نہیں کیا جائے گا، وزیراعلیٰ بلوچستان
انہوں نے کہا کہ بلوچستان میں شرپسندی پھیلانے والے عناصر صوبے کی ترقی و خوشحالی کے دشمن ہیں۔
وزیر اعظم شہباز شریف نے اس عزم کا اظہار کیا کہ ریاست ایسے عناصر کے ناپاک عزائم کو ہرگز کامیاب نہیں ہونے دے گی اور بلوچستان میں امن و استحکام کو ہر قیمت پر یقینی بنایا جائے گا۔
سرفراز بگٹی کی مذمت، زخمیوں کو بہترین طبی کی فراہمی کی ہدایتوزیر اعلیٰ بلوچستان میر سرفراز بگٹی نے اس واقعے کی سخت مذمت کی ہے۔ انہوں نے جاں بحق افراد کے لواحقین سے دلی ہمدردی اور تعزیت کا اظہار کرتے ہوئے زخمیوں کو بہترین طبی امداد فراہم کرنے کی ہدایت کی ہے۔
وزیر اعلیٰ نے کہا کہ صوبائی حکومت متاثرہ خاندانوں کو ہر ممکن امداد دے گی اور امن دشمن عناصر کو کسی رعایت کی اجازت نہیں دی جائے گی۔
مزید پڑھیں: بلوچستان کے عدالتی نظام میں اہم تبدیلی، اب جدید ٹیکنالوجی کی مدد سے ٹرائلز ہوں گے
انہوں نے دہشتگردوں کو ان کے منطقی انجام تک پہنچانے کا عزم بھی دہرایا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلوچستان چمن چمن دھماکا وزیراعظم شہباز شریف وزیراعلیٰ بلوچستان میر سرفراز بگٹی
’’اداس رہنے کی عادت ہی ڈال دی اس نے‘‘ سوشل میڈیا کلچر