امریکی صدر ٹرمپ ایران میں 'حکومت کی تبدیلی‘ کے خواہش مند
اشاعت کی تاریخ: 23rd, June 2025 GMT
اسلام آباد (اُردو پوائنٹ ۔ DW اردو۔ 23 جون 2025ء) امریکی صدر ڈونلڈ ٹرمپ نے اتوار کو علی الصبح ایران کی تین جوہری تنصیبات پر اچانک حملوں کے بعد اپنے ایک تازہ بیان میں ایران میں حکومت کی تبدیلی کا اشارہ دیتے ہوئے کہا ہے کہ اگر موجودہ ایرانی قیادت ایران کودوبارہ عظیم نہیں بنا سکتی تو 'رجیم چینج‘ کیوں نہیں کی ہو سکتی؟
ایران-اسرائیل تنازعہ: مذاکرات بحال ہونا چاہییں، یورپی یونین
صدر ٹرمپ نے اپنے سوشل میڈیا پلیٹ فارم ٹروتھ سوشل پر لکھا، ''اگرچہ 'حکومت کی تبدیلی‘ کی اصطلاح استعمال کرنا سیاسی طور پر درست نہیں، تاہم اگر ایران کی موجودہ حکومت ایران کو دوبارہ عظیم نہیں بنا سکتی تو حکومت کیوں تبدیل نہیں کی جا سکتی؟ ایران کو دوبارہ عظیم بناؤ۔
(جاری ہے)
‘‘امریکی خبر رساں ادارے ایسوسی ایٹڈ پریس (اے پی) کے مطابق یہ بیان ٹرمپ انتظامیہ کی جانب سے مذاکرات بحال کرنے اور جنگ میں شدت سے گریز کی گزشتہ اپیلوں کے برعکس دکھائی دیتا ہے۔
اسرائیل اور ایران کے مابین تنازعے میں امریکہ کہاں کھڑا ہے؟
امریکی صدر نے ایک اور پوسٹ میں دعویٰ کیا کہ امریکی حملوں سے ایران کو شدید نقصان پہنچا ہے، ''ایران کی جوہری تنصیبات کو پہنچنے والا نقصان 'انتہائی شدید‘ قرار دیا جا رہا ہے، حملے نہایت درست اور زور دار تھے۔
ہماری فوج نے زبردست مہارت کا مظاہرہ کیا۔‘‘ڈونلڈ ٹرمپ کا یہ بیان ایک ایسے وقت پر سامنے آیا ہے جب امریکہ نے ایران سے مطالبہ کر رکھا ہے کہ وہ اپنے جوہری پروگرام پر بمباری کا جواب نہ دے، جس کی تعمیر میں ایران نے کئی دہائیاں لگائیں۔
ٹرمپ کی پوسٹ حملوں کے بارے میں ان کی انتظامیہ کے دیگر عہدیداروں کے بیانات کے برعکس تھی۔
وزیر دفاع پیٹ ہیگستھ نے اتوار کی صبح میڈیا سے بات کرتے ہوئے کہا تھا، ''یہ مشن حکومت کی تبدیلی کے بارے میں نہیں تھا اور نہ ہی ہے۔‘‘ایران، اسرائیل تنازعے میں مزید شدت، ہلاکتوں میں اضافہ
امریکی انتظامیہ واضح طور پر یہ کہہ چکی ہے کہ وہ ایران کی جانب سے کسی بھی قسم کی جوہری ہتھیار سازی کو روکنا چاہتی ہے۔
ایران کا ردعملاقوام متحدہ میں ایران کے سفیر امیر سعید ایروانی نے اقوام متحدہ کی سلامتی کونسل کے ایک ہنگامی اجلاس سے خطاب کرتے ہوئے کہا کہ امریکہ نے ایرانی جوہری تنصیبات پر حملے کر کے سفارت کاری کو ''تباہ‘‘ کرنے کا فیصلہ کیا۔
ان کا کہنا تھا کہ ایران سے متعلق امریکہ کے تمام الزامات جھوٹے، غلط اور سیاسی محرکات سے بھرپور ہیں اور ان کی کوئی قانونی حیثیت نہیں۔
ایرانی مندوب نے مزید کہا کہ امریکی اقدامات سے عالمی امن خطرے میں پڑ چکا ہے اور ایران پر حملوں کے ذریعے نیتن یاہو کو بچانے کی کوشش کی گئی۔
اسرائیل اور ایران کے ایک دوسرے پر مزید میزائل حملے
ان کا کہنا تھا کہ امریکہ کو متعدد بار متنبہ کیا گیا تھا کہ ایران کے خلاف جارحیت کے خطرناک نتائج ہوں برآمد گے لیکن اس نے خود اپنی سکیورٹی کو خطرے میں ڈال دیا ہے۔
ایرانی مندوب کا کہنا تھا کہ ایران کو اپنی خود مختاری کے دفاع کا مکمل حق حاصل ہے اور ان حملوں کا بھرپور جواب دیا جائے گا۔ انہوں نے کہا کہ حملوں کے جواب کا فیصلہ، نوعیت اور وقت کا تعین ایرانی مسلح افواج کریں گے۔
ایرانی وزیر خارجہ عباس عراقچی نے ایرانی جوہری تنصیبات پر امریکی حملے کے بعد کہا، ''ایرانی قوم حملے کا جواب دینے کے لیے تمام آپشنز محفوظ رکھتی ہے۔
‘‘ جرمن وزیر دفاع کا بیانجرمن وزیر دفاع بورس پسٹوریئس نے کہا ہے کہ وہ ایرانی جوہری تنصیبات پر امریکی فضائی حملوں کو مثبت انداز میں دیکھتے ہیں۔
پسٹوریئس نے جرمن پبلک براڈکاسٹر اے آر ڈی کے ساتھ ایک انٹرویو میں کہا، ''میرے خیال میں سب سے اہم بات یہ ہے کہ ایک بڑا خطرہ ٹل گیا ہے۔‘‘
انہوں نے مزید کہا کہ اس خطرے کا خاتمہ ''نہ صرف مشرق وسطیٰ اور مشرق قریب بلکہ یورپ کے لیے بھی اچھی خبر ہے۔
‘‘جرمن حکومت نے قبل ازیں ایران سے مطالبہ کیا تھا کہ وہ اسرائیل اور امریکہ کے ساتھ 'فوری طور پر مذاکرات شروع کرے‘ اور تنازعے کے کسی سفارتی حل تک پہنچے۔
دریں اثنا چین نے فوری جنگ بندی کا مطالبہ کیا ہے اور مذاکرات کرنے پر زور دیتے ہوئے کہا ہے کہ عالمی برادری کو موجودہ صورت حال میں انصاف کرنا چاہیے۔
ادارت: مقبول ملک
.
ذریعہ
ذریعہ: UrduPoint
کلیدی لفظ: تلاش کیجئے جوہری تنصیبات پر حکومت کی تبدیلی ایران کی ہوئے کہا ایران کو ایران کے حملوں کے تھا کہ کہا کہ
پڑھیں:
صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ
صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ WhatsAppFacebookX 0 23 July, 2026 سب نیوز
نیویارک (آئی پی اس )امریکی وزیرخارجہ مارکوروبیو نے متنبہ کیا کہ صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کے ساتھ بھاری قیمت چکانا ہوگی۔امریکی وزیر خارجہ مارکو روبیو نے منیلا میں صحافیوں سے بات چیت کرتے ہوئے کہا کہ امریکا نے ایران کے ساتھ ڈیل کی پاسداری کی، ایران اس وقت امریکا کے ساتھ ڈیل کے لیے تیار نہیں، ممکن ہے کہ اگلے چند دنوں میں اپنا مقف تبدیل کر لے، انہوں نے ساتھ ہی خبردار کیا کہ صورتحال برقرار رہی تو ایران کو اس کی بھاری قیمت چکانا ہوگی۔
مارکو روبیو کا کہنا تھا جب بھی ایران امریکا ڈیل ہوتی ہے اسے ایران کو چلانے والے لوگ خراب کردیتے ہیں، انہوں نے دعوی کیا کہ ایران اب بھی ڈیل کے لیے براہِ راست اور بالواسطہ درخواستیں کر رہا ہے، ایران چاہے تو مشرق وسطی کا امیر ترین ملک بن سکتا ہے لیکن اسے چلانے والے انتہا پسند مذہبی رہنماں کو معاشی معاملات کا علم ہی نہیں، انہیں دلچسپی حزب اللہ، حماس، حوثیوں اور دیگر ملیشیاں کو رقومات دینے میں ہے جن کی سرپرستی میں دہشت گردی ہوتی ہے ۔
مارکو روبیو کا حوثیوں کے حوالے سیکہنا تھا کہ ایران نے حوثیوں کو اس تنازع میں شامل کردیا ہے، اب دیکھتے ہیں آگے کیا ہوتا ہے، امید ہیحوثی حملے روک دیں گے۔مارکو روبیو نے سعودی عرب کو امریکا کا اہم اسٹریٹجک شراکت دار قرار دیتے ہوئے کہا کہ سعودی عرب کے ساتھ جوہری معاہدہ کرنا قابل فہم ہے، مارکوروبیو کا کہنا تھا کہ سعودی عرب پر امن سول جوہری پروگرام چاہتا ہے، سعودی عرب یا دیگر ممالک کے ساتھ کسی بھی سول جوہری معاہدے میں حفاظتی اقدامات شامل ہوں گے، سول جوہری معاہدے کانگریس کی منظوری سے ہوں گے۔
مارکوروبیو کا صحافیوں سے گفتگو کرتے ہوئے کہنا تھا کہ عالمی فوجداری عدالت میں پاگل اورجنونی لوگ ہیں، امریکا اس کا حصہ نہیں بنے گا، اگر اگر لوگ اس احمق تنظیم کا حصہ بننا چاہتے ہیں تو وہ ایسا کر سکتے ہیں لیکن ہم اس کا حصہ نہیں بنیں گے اور وہ امریکی شہریوں پر اپنے دائرہ اختیار کا اطلاق نہیں کر سکیں گے۔ یوکرین روس جنگ سے متعلق امریکی وزیرخارجہ نے کہا کہ روس یوکرین جنگ میں بہت خونریزی ہوئی، یوکرین نے اس کی بہت بھاری قیمت اداکی ہے، امریکا یوکرین جنگ کے خاتمیکے لیے تعمیری کردارادا کرنیکے لیے تیار ہے۔ چین کے ساتھ تعلقات پر بات کرتے ہوئے مارکوروبیو کا کہنا تھا کہ چین کیساتھ اچھے تعلقات چاہتے ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا اگلی خبرپاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید عاصم منیر پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم