کراچی؛ گھات لگائے نامعلوم افراد کی فائرنگ سے ایک شخص جاں بحق، خاتون زخمی
اشاعت کی تاریخ: 24th, June 2025 GMT
کراچی:
سہراب گوٹھ کے علاقے غریب آباد میں گھات لگائے نامعلوم مسلح ملزمان کی فائرنگ سے ایک شخص جاں بحق ہوگیا جبکہ خاتون زخمی ہوگئی۔
تفصیلات کے مطابق سہراب گوٹھ تھانے کے علاقے غریب آباد علی معاویہ مسجد کے قریب نامعلوم مسلح ملزمان کی فائرنگ سے ایک شخص موقع پر جاں بحق اور گھر میں بیٹھی خاتون زخمی ہوگئیں جنہیں فوری طور پر قریبی اسپتال منتقل کیا گیا۔
جاں بحق شخص کی شناخت 40 سالہ ثناءاللہ ولد سمش اللہ کے نام سے کی گئی جبکہ زخمی خاتون کی شناخت 35 سالہ غزالہ جاوید زوجہ محمد جاوید کے نام سے کی گئی، فائرنگ کے واقعے کی اطلاع پر پولیس موقع پر پہنچ گئی۔
قائم مقام ایس ایچ او سہراب گوٹھ انسپکٹر رؤف نے بتایا کہ مقتول ثناء اللہ ٹھیکیداری کا کام کرتا تھا اور اس کا آبائی تعلق دیر سے تھا، مقتول آج ہی اپنے آبائی گاؤں دیر سے کراچی آیا تھا، مقتول نماز کی ادائیگی کے لیے مسجد جا رہا تھا کہ پہلے سے گھات لگائے نامعلوم مسلح ملزمان نے اندھا دھند فائرنگ کر دی اور فرار ہوگئے، نامعلوم مسلح ملزمان کی فائرنگ سے ثناء اللہ موقع پر جاں بحق ہوگیا جبکہ مسلح ملزمان کی فائرنگ سے گھر میں موجود خاتون بھی زخمی ہوگئی۔
انہوں نے بتایا کہ مسلح ملزمان کی تعداد 2 تھی جنہوں نے مقتول پر 6 گولیاں چلائی اور تمام گولیاں مقتول کو لگی جبکہ ایک گولی مقتول کو کراس کرکے کے گھر کا دروازہ کھلا ہونے کی وجہ سے گھر میں بیٹھی خاتون کو ہونٹ کے قریب لگی جس کے باعث خاتون بھی زخمی ہوئی۔
قائم مقام ایس ایچ او نے بتایا کہ فائرنگ کا واقعہ ذاتی دشمنی کا شاخسانہ معلوم ہوتا ہے۔ پولیس نے جائے وقوع سے 30 بور پستول کے 6 خول اور دیگر شواہد اکٹھا کرکے واقعے کی مزید تفتیش شروع کر دی ہے۔
.ذریعہ: Express News
کلیدی لفظ: مسلح ملزمان کی فائرنگ سے نامعلوم مسلح ملزمان
پڑھیں:
ناظم آباد: پولیس مقابلے میں 2 ڈاکو ہلاک، خاتون سمیت 2 شہری زخمی
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) ناظم آباد کے علاقے میں پولیس اور ڈاکوؤں کے درمیان فائرنگ کے تبادلے کے نتیجے میں 2 ڈاکو ہلاک ہوگئے جبکہ فائرنگ کی زد میں آکر ایک خاتون سمیت 2 شہری زخمی بھی ہوئے۔ ایس ایس پی سینٹرل ذیشان شفیق کے مطابق سپر مارکیٹ تھانے کی شاہین فورس نے ناظم آباد پیٹرول پمپ کے قریب ڈاکوؤں کو روکنے کی کوشش کی تو فائرنگ کا تبادلہ ہوا۔ مقابلے کے دوران ایک ڈاکو موقع پر ہی ہلاک ہوگیا جبکہ دوسرا زخمی حالت میں فرار ہوا تاہم بعد ازاں دم توڑ گیا۔ فائرنگ کی زد میں آکر رکشے میں سوار 55 سالہ رشیدہ اور 35 سالہ سلمان زخمی ہوگئے جنہیں فوری طور پر طبی امداد کے لیے اسپتال منتقل کیا گیا۔ پولیس حکام کے مطابق ہلاک ہونے والے ڈاکوؤں کے قبضے سے دو پستول، ایک موٹر سائیکل، دو موبائل فون، نقدی اور چھینا ہوا سامان برآمد ہوا۔ دونوں ڈاکوؤں کی فوری طور پر شناخت نہیں ہوسکی، تاہم ان کے کرمنل ریکارڈ کی جانچ پڑتال کی جارہی ہے۔ پولیس کا کہنا ہے کہ ہلاک ملزمان کی شناخت کے لیے ’’تلاش ایپ‘‘ کی مدد لی جارہی ہے ۔
ایشیا کپ: پاک یو اے ای میچ کے دوران امپائر زخمی ہو کر میدان سے باہر چلے گئے