کچرے کے ڈھیر سے نکلا خزانہ، جانیں اس حیران کن کہانی کی تفصیل
اشاعت کی تاریخ: 26th, June 2025 GMT
قسمت کی دیوی نے ایک لمحے میں زندگی بدل دی جب پامیلا ہاورڈ-تھارٹن نامی خاتون نے کوڑے دان سے نکالے گئے ایک لاٹری ٹکٹ سے 80,000 ڈالر جیت لیے۔
پامیلا ہاورڈ-تھارٹن نے کینٹکی لاٹری حکام کو بتایا کہ انہیں فلیمنگو بِنگو نامی اسکرَیچ آف ٹکٹ ایک عرصے سے پسند تھی، لیکن انہوں نے کبھی خریدا نہیں تھا۔ لبنان جنکشن کے ایک اسپیڈ وے اسٹور پر ان کے دل میں اچانک خیال آیا کہ یہ ٹکٹ ضرور خریدنا چاہیے۔
انہوں نے ایک اور ٹکٹ سے جیتے گئے 200 ڈالر سے چار فلیمنگو بِنگوٹکٹ خریدے۔
پامیلا نے کہا کہ میں نے وہ ٹکٹ دن بھر کاؤنٹر پر رکھے رکھے بھلا دیے۔ رات 11:30 بجے یاد آیا اور میں نے کھیلنا شروع کیا۔
پہلے تین ٹکٹ خالی نکلے تو میں نے مایوس ہو کر انہیں کچرے میں پھینک دیا، اور یہ بھی ذہن میں نہیں آیا کہ چوتھا ٹکٹ بھی انہی کے ساتھ کچرے میں پھینک دیا ہے۔
کچھ دیر کے بعد پامیلا کو یاد آیا کہ لاٹری کا ایک ٹکٹ تو ابھی دیکھنا باقی ہے، انہوں نے لاٹری کا چوتھا ٹکٹ دیکھا مگر وہ نہیں ملا۔
انہوں نے ازراہ تسلی کوڑے دان کی طرف دیکھا تو انہیں تینوں خالی ٹکٹ کے ساتھ چوتھا ٹکٹ بھی نظر آیا۔
پامیلا کے مطابق میں نے جیسے ہی اس ٹکٹ کو اسکین کیا تو پتہ چلا کہ میں 80 ہزار ڈالر جیت چکی ہوں، میں نے رونا شروع کر دیا اور خوشی کے مارے چیخنا چلانا شروع کر دیا۔
پامیلا نے فوراً اپنی بیٹی اور ماں کو فون کیا۔ کیوں کہ ان ماں ہمیشہ کہتی تھیں کہ وہ مرنے سے پہلے چاہتی ہیں مجھے ایک بڑا انعام جیتتے دیکھیں۔
یہ واقعہ اس بات کی حیرت انگیز مثال ہے کہ قسمت کب اور کہاں کروٹ لے لے، کچھ کہا نہیں جا سکتا، کوڑے دان میں ایک پھینکی ہوئی ٹکٹ نے پوری زندگی بدل دی۔
.
ذریعہ
ذریعہ: Express News
کلیدی لفظ: انہوں نے
پڑھیں:
99 ووٹ لے کر بنگلہ دیش نے دنیا کو حیران کردیا، اقوام متحدہ جنرل اسمبلی کی صدارت جیت لی
بنگلا دیش کے وزیر خارجہ خالد الرحمان اقوام متحدہ کی جنرل اسمبلی کے 81 ویں اجلاس (2026-2027) کے لیے صدر منتخب ہوگئے ہیں۔ انہوں نے ایک سخت اور قریبی مقابلے میں قبرص کے امیدوار آندریاس ایس کاکورس کو شکست دی۔
193 رکنی اقوام متحدہ کی جنرل اسمبلی میں ہونے والی رائے شماری میں خالد الرحمان نے 99 ووٹ حاصل کیے جبکہ ان کے حریف آندریاس کاکورس کو 91 ووٹ ملے۔ انتخاب میں کوئی رکن ملک غیر حاضر یا غیر جانبدار نہیں رہا۔ کامیابی کے لیے 96 ووٹ درکار تھے۔
اقوام متحدہ کے قواعد کے مطابق جنرل اسمبلی کے صدر کا انتخاب ہر سال تمام رکن ممالک کی خفیہ رائے شماری کے ذریعے کیا جاتا ہے اور ہر ملک کو ایک ووٹ کا حق حاصل ہوتا ہے۔
اگرچہ یہ انتخاب باضابطہ طور پر مسابقتی ہوتا ہے، تاہم عمومی طور پر مختلف علاقائی گروپوں کے درمیان باری باری صدارت کا اصول اپنایا جاتا ہے۔
81 ویں اجلاس کے لیے ایشیا پیسیفک گروپ کو امیدوار نامزد کرنے کا حق حاصل تھا، جس کے نتیجے میں بنگلہ دیش اور قبرص کے حمایت یافتہ امیدواروں کے درمیان مقابلہ ہوا۔
خالد الرحمان ستمبر 2026 میں جنرل اسمبلی کے 81 ویں اجلاس کے آغاز پر اپنے عہدے کا باضابطہ چارج سنبھالیں گے اور ایک سال تک اس منصب پر فائز رہیں گے۔ اس دوران وہ جنرل اسمبلی کے اجلاسوں کی صدارت، عالمی مسائل پر مباحثے کی نگرانی اور رکن ممالک کے درمیان مذاکرات کو آگے بڑھانے کی ذمہ داری ادا کریں گے۔
تجزیہ کاروں کے مطابق یہ کامیابی عالمی سفارت کاری میں بنگلا دیش کے بڑھتے ہوئے کردار کی عکاسی کرتی ہے۔ اقوام متحدہ کی جنرل اسمبلی کی صدارت کو ایک اہم سفارتی منصب سمجھا جاتا ہے جو عالمی امن، ترقی، ماحولیاتی تبدیلی اور اقوام متحدہ کی اصلاحات جیسے اہم معاملات پر اثر انداز ہونے کا موقع فراہم کرتا ہے۔
دوسری جانب پاکستان کے نائب وزیراعظم اور وزیر خارجہ اسحاق ڈار نے خالد الرحمان کو کامیابی پر مبارکباد دی۔ انہوں نے سوشل میڈیا پر اپنے پیغام میں کہا کہ خالد الرحمان کا وسیع سفارتی تجربہ اور کثیرالجہتی تعاون کے لیے ان کی وابستگی جنرل اسمبلی کی مؤثر قیادت میں اہم کردار ادا کرے گی۔
Heartiest felicitations to my dear brother, H.E. Dr. Khalilur Rahman, Foreign Minister of Bangladesh on his election as President of the 81st Session of the UN General Assembly.
Having had closely engaged with him, I am confident that his vast diplomatic experience and steadfast…
اسحاق ڈار نے امید ظاہر کی کہ اقوام متحدہ میں دونوں ممالک کے درمیان تعاون مزید مضبوط ہوگا اور عالمی امن، پائیدار ترقی اور بین الاقوامی مکالمے کے فروغ کے لیے مشترکہ کوششیں جاری رہیں گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ