غزہ، ایران پر اسرائیلی جنگ سے امت مسلمہ میں وحدت امت کا جذبہ بیدار ہوا، صاحبزادہ عمران نقشبندی
اشاعت کی تاریخ: 26th, June 2025 GMT
علماء مشائخ فیڈریشن آف پاکستان کے چیئرمین نے کہا کہ مغربی قوتوں کی کوشش ہے کہ اسلام کو دہشت گردی سے جوڑا جائے لیکن ہم یہ واضح کرنا چاہتے ہیں کہ اسلام پرامن مذہب ہے، وحدت امت کا جذبہ بیدار ہونے کے نتیجے میں فرقہ واریت اور تعصبات پر مبنی شیعہ سنی کے بت پاش پاش ہورہے ہیں۔ اسلام ٹائمز۔ محرم الحرام کا آغاز ہمیں اخوت، صبر اور بھائی چارے کا درس دیتا ہے، ملک سے فرقہ واریت اور مسلکی اختلافات کے خاتمے کیلئے گراس روٹ لیول پر مذہبی ہم آہنگی پیدا کرنے کیلئے علماء مشائخ فیڈریشن آف پاکستان کے دائرہ کار کو مزید پھیلایا جائیگا، پاکستان میں رہنے والی تمام مذاہب کے پیروکاروں کا انفرادی و اجتماعی فرض ہے کہ وہ ایک دوسرے کے عقائد اور حقوق کا احترام کریں۔ انہوں نے کہا کہ مذہبی آزادی ہر شہری کا بنیادی حق ہے اور ہر فرد کو اپنے عقیدے کے مطابق تہوار منانے کی آزادی حاصل ہے، غزہ، ایران پر اسرائیلی جنگ سیامت مسلمہ میں وحدت امت کا جذبہ بیدار ہوا۔ ان خیالات کا اظہار ملک بھر کے علماء مشائخ کی نمائندہ تنظیم علماء مشائخ فیڈریشن آف پاکستان کے چیئرمین پیر صاحبزادہ احمد عمران نقشبندی مرشدی سجادہ نشیں آستانہ عالیہ بھیج پیر جٹا نے اپنی عیادت کیلئے آنے والے مختلف شعبہ زندگی سے تعلق رکھنے والی شخصیات سے گفتگو کرتے ہوئے کیا۔
صاحبزادہ احمد عمران نقشبندی نے کہا کہ عقیدہ ختم نبوت مسلمانوں کی وحدت کا مرکز ہے، قیام پاکستان کے بعد قادیانیوں نے ملک کے اقتدار پر شب خون مارنے کی تیاریاں شروع کردیں تھیں لیکن علماء مشائخ نے آئینی و قانونی جدوجہد کرکے قادیانیوں کی یہ سازش ناکام بنادی۔ انہوں نے کہا کہ مغربی قوتوں کی کوشش ہے کہ اسلام کو دہشت گردی سے جوڑا جائے لیکن ہم یہ واضح کرنا چاہتے ہیں کہ اسلام پرامن مذہب ہے۔ انہوں نے کہا کہ غزہ اور ایران پر اسرائیلی بمباری کے نتیجے میں امت مسلمہ میں وحدت امت کا جذبہ بیدار ہوا اور اب اس اتحاد کے نتیجے میں فرقہ واریت اور تعصبات پر مبنی شیعہ سنی کے بت پاش پاش ہورہے ہیں۔ اس موقع پر رہنماؤں اور علماء مشائخ نے فلسطین اور کشمیر کے مظلوم مسلمانوں اسرائیل اور بھارت کی جانب سے دن بدن بڑھتے مظالم کی شدید مذمت کرتے ہوئے مظلوم مسلمانوں کی کامیابی اور فتح کی بھی دعا کی۔
ذریعہ: Islam Times
کلیدی لفظ: وحدت امت کا جذبہ بیدار علماء مشائخ پاکستان کے نے کہا کہ کہ اسلام
پڑھیں:
پشاور، شیعہ علماء کونسل کے وفد کی ایرانی قونصل جنرل سے ملاقات
علامہ رمضان توقیر کا کہنا تھا کہ ایران انقلاب اسلامی کے بعد کسی استعماری قوت کے سامنے نہیں جھکا، ڈٹ کر مقابلہ کیا اور فتح نصیب ہوئی۔ ایران نے شیطان بزرگ کے منہ پر ایسا جوتا مارا کہ آج تک کسی نے اتنی جرات نہیں کی۔ اسلام ٹائمز۔ پشاور شیعہ علماء کونسل کے ایک وفد نے ایران قونصلیٹ پشاور میں جنرل قونصلر علی بنفشہ خواہ سے ملاقات کی۔ وفد میں مرکزی نائب صدر علامہ محمد رمضان توقیر، صوبائی صدر وسیم اظہر ترابی، صوبائی جنرل سیکرٹری مولانا کاظم حسین، مولانا کرامت علی حیدری اور مولانا باقر حسین شامل تھے۔ اس موقع پر ایران اسرائیل اور امریکہ جنگ پر تفصیل سے گفتگو ہوئی۔ وفد نے ایران اسرائیل اور امریکہ جنگ میں میں ایران کی کامیابی پر مبارکباد دی۔ اور اسرائیل کی جارحیت کی مذمت کی۔ حالیہ ایران اسرائیل اور امریکہ جنگ میں رہبر معظم کی دانشمندانہ جنگی پالیسی، شہدائے مقاومت و استقامت اور ایران کی غیور عوام کی استقامت کو سراہا۔
علامہ رمضان توقیر کا کہنا تھا کہ ایران انقلاب اسلامی کے بعد کسی استعماری قوت کے سامنے نہیں جھکا، ڈٹ کر مقابلہ کیا اور فتح نصیب ہوئی۔ ایران نے شیطان بزرگ کے منہ پر ایسا جوتا مارا کہ آج تک کسی نے اتنی جرات نہیں کی۔ اور اس جنگ سے فرار ہو کر دیگر ممالک کے ذریعے امن کی بھیک مار رہا ہے۔ ایران قونصلر جنرل نے وفد کا شکریہ ادا کرتے ہوئے کہا کہ آپ کی تشریف آوری کا بہت شکریہ اور پاکستان کی غیور عوام نے بھی بلاتفریق ایران کی حمایت کی ہے ہم انکے شکر گزار ہیں، آخر میں شہداء کے لئے فاتحہ خوانی اور دعا مغفرت کی گئی۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی