ایکس پر اشتہارات میں ہیش ٹیگز پر مکمل پابندی عائد
اشاعت کی تاریخ: 26th, June 2025 GMT
ایکس نے اشتہارات میں ہیش ٹیگز کے استعمال پر مکمل پابندی عائد کردی ہے۔ یہ فیصلہ ایلون مسک کی جانب سے ہیش ٹیگز کو ’ایستھیٹک نائٹ میر‘ یعنی بصری بدصورتی قرار دیے جانے کے بعد سامنے آیا۔
یہ بھی پڑھیں: ایکس کے مقابلے میں بلیواسکائی پاکستان میں کیوں مقبول ہورہا ہے؟
ایکس کی نئی پالیسی کے مطابق 27 جون 2025 سے کوئی بھی اسپانسرڈ یا پروموٹڈ مواد ہیش ٹیگز پر مشتمل نہیں ہوگا۔
ایلون مسک نے ایک پوسٹ میں اس فیصلے کی تصدیق کرتے ہوئے کہا کہ ہیش ٹیگز اشتہارات کو بدنما بناتے ہیں اور اب وقت آ گیا ہے کہ اشتہارات کو اس غیرضروری عنصر سے صاف کیا جائے۔
Starting tomorrow, the esthetic nightmare that is hashtags will be banned from ads on ????
— Elon Musk (@elonmusk) June 26, 2025
عام صارفین کے لیے یہ پابندی نہیں ہے۔ وہ اپنی روزمرہ کی پوسٹس میں ہیش ٹیگز استعمال کرتے رہیں گے، تاہم ایکس کے نئے اے آئی سسٹم ’گروک‘ کے مطابق ہیش ٹیگز کے بغیر بھی پوسٹس کو تلاش کیا جاسکتا ہے اور متعلقہ مواد تک رسائی ممکن ہے۔
اس فیصلے پر صارفین نے ملے جلے ردعمل کا اظہار کیا ہے، تاہم اکثریت نے اس تبدیلی کو سراہا ہے۔ ایک صارف نے تبصرہ کیا کہ ’ہیش ٹیگز اشتہارات میں ایسے لگتے تھے جیسے Comic Sans فونٹ، آخرکار نجات ملی۔‘
یہ بھی پڑھیں: ایلون مسک کی 23 سال پرانی دلچسپ ویڈیو وائرل
ایلون مسک پہلے بھی ہیش ٹیگز کو ’بدصورت‘ اور ’غیر ضروری‘ قرار دے چکے ہیں۔ اس حالیہ اقدام سے واضح ہوتا ہے کہ ایلون مسک ایکس کو ایک زیادہ صاف، سادہ اور اے آئی پر مبنی پلیٹ فارم بنانا چاہتے ہیں، جہاں تلاش اور دریافت کا عمل ٹیکنالوجی کے ذریعے زیادہ موثر ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اشتہارات ایکس ایلون مسک ہیش ٹیگ.ذریعہ: WE News
کلیدی لفظ: اشتہارات ایکس ایلون مسک ہیش ٹیگ ایلون مسک ہیش ٹیگز
پڑھیں:
ڈنمارک : بچوں کے سوشل میڈیا استعمال پر پابندی کا اعلان
data-id="863a0a8" data-element_type="widget" data-widget_type="theme-post-content.default">
کوپن ہیگن (انٹرنیشنل ڈیسک) ڈنمارک کی حکومت نے 15 سال سے کم عمر بچوں کے سوشل میڈیا کے استعمال پر پابندی عائد کرنے کا اعلان کردیا۔ اس اقدام کا مقصد کم عمر بچوں کو غیر مناسب مواد سے محفوظ رکھنا ہے۔ سرکاری اعلامیے کے مطابق اس اقدام کا مقصد کم عمر بچوں کوآن لائن خطرات، نفسیاتی دباؤ اور غیر مناسب مواد سے محفوظ رکھنا ہے۔بچوں کو صرف چند مخصوص اور نگرانی شدہ پلیٹ فارمز تک رسائی کی اجازت ہوگی۔ پارلیمان کی اکثریت نے منصوبے کی حمایت کا اعلان کیا ہے۔ حکام کا کہنا ہے کہ والدین اور تعلیمی ادارے بھی بچوں کے ڈیجیٹل استعمال کی نگرانی میں حکومت کے ساتھ تعاون کریں گے۔ والدین کو یہ اجازت دی جائے گی کہ وہ 13 سال سے زیادہ عمر کے بچوں کو مخصوص پلیٹ فارمز تک رسائی کی خصوصی اجازت دے سکیں۔ یاد رہے کہ گزشتہ ماہ وزیرِ اعظم میٹے فریڈرکسن نے پارلیمان کے افتتاحی خطاب میں بچوں کی ذہنی صحت سے متعلق بڑھتی تشویش کے پیشِ نظر سوشل میڈیا پر پابندیاں عائد کرنے کی تجویز دی تھی۔ ڈیجیٹلائزیشن وزیر کیرولین اسٹاج اولسن نے کہاکہ نام نہاد سوشل میڈیا ہمارے بچوں کا وقت، ان کا بچپن اور ان کی ذہنی آسودگی چھین رہا ہے، اور اب ہم اس کا خاتمہ کر رہے ہیں۔ ڈنمارک میں بچوں کے استعمال میں سب سے زیادہ آنے والے سوشل میڈیا پلیٹ فارمز میں اسنیپ چیٹ، یوٹیوب، انسٹاگرام اور ٹک ٹاک شامل ہیں۔ ڈنمارک کی ایک اتھارٹی کی فروری کی ایک رپورٹ کے مطابق نوجوان روزانہ اوسطاً 2 گھنٹے 40 منٹ سوشل میڈیا پر گزارتے ہیں۔ڈنمارک اس سلسلے میں آسٹریلیا کے نقشِ قدم پر چل رہا ہے، جس نے گزشتہ سال 16 سال سے کم عمر بچوں کے لیے سوشل میڈیا پر پابندی عائد کی تھی۔
10 کھرب سورجوں جتنی روشنی، اب تک کا سب سے طاقتور بلیک ہول دھماکا دریافت