بارش کے بعد کراچی میں اندھیرا، کے-الیکٹرک کے ترجمان کا ردعمل سامنے آ گیا
اشاعت کی تاریخ: 27th, June 2025 GMT
کراچی:
شہر قائد کے مختلف حصوں میں ہونے والی مون سون کی پہلی بارش کے بعد متعدد علاقے اندھیرے میں ڈوب گئے، تاہم کے-الیکٹرک کا کہنا ہے کہ ان کا بجلی کا تقسیمی نظام مجموعی طور پر مستحکم اور فعال ہے۔
ترجمان کے-الیکٹرک کے مطابق، کراچی میں 2100 میں سے 1550 سے زائد فیڈرز اس وقت بھی بلاتعطل بجلی فراہم کر رہے ہیں، جبکہ حفاظتی پروٹوکول کے تحت نشیبی اور حساس علاقوں میں احتیاطاً بجلی کی فراہمی عارضی طور پر معطل کی گئی ہے۔
بارش کے تھمتے ہی کے-الیکٹرک کی ٹیموں نے متاثرہ علاقوں میں بجلی کی بحالی کا عمل شروع کر دیا ہے۔
ترجمان کے مطابق کمپنی کا فیلڈ اسٹاف مکمل طور پر متحرک ہے اور زمینی سطح پر بحالی کے کاموں میں مصروف ہے تاکہ بجلی کی فراہمی جلد از جلد معمول پر لائی جا سکے۔
ترجمان کا کہنا تھا کہ اب تک کی معلومات کے مطابق بارش کے بعد 550 فیڈرز متاثر ہوئے ہیں، جن کی بحالی مرحلہ وار جاری ہے۔
شہریوں سے گزارش کی گئی ہے کہ کسی بھی بجلی کی ایمرجنسی کی صورت میں فوری طور پر ہیلپ لائن 118، کے ای واٹس ایپ، کے ای لائیو ایپ یا کے-الیکٹرک کے سوشل میڈیا چینلز کے ذریعے رابطہ کریں تاکہ شکایات کا بروقت ازالہ کیا جا سکے۔
.
ذریعہ
ذریعہ: Express News
کلیدی لفظ: کے الیکٹرک بجلی کی بارش کے
پڑھیں:
کراچی: سرجانی ٹاؤن میں فائرنگ سے باپ، بیٹا جاں بحق، دوسرا بیٹا زخمی
کراچی کے علاقے سرجانی ٹاؤن میں فائرنگ سے باپ اور بیٹا جاں بحق ہوگئے جبکہ دوسرا بیٹا زخمی ہوگیا، واقعہ ذاتی لڑائی جھگڑے کے باعث پیش آیا۔ فائرنگ کے بعد ملزم فرار ہوگیا۔
ایس ایس پی ویسٹ طارق مستوئی کے مطابق سرجانی ٹاؤن کے علاقے روزی گوٹھ میں دو برادریوں کے درمیان جھگڑا ہوا تھا جو ذاتی نوعیت کا تھا۔
اس دوران فائرنگ کا واقعہ پیش آیا جس سے باپ اور اس کا ایک بیٹا دم توڑ گئے جبکہ دوسرا بیٹا زخمی ہے جس کی حالت تشویشناک ہے اور عباسی شہید اسپتال میں زیر علاج ہے۔
ایس ایس پی غربی نے مزید بتایا کہ ابتدائی طور پر حاصل کردہ معلومات کے مطابق فائرنگ عظیم نامی شخص نے کی جو فرار ہوگیا اس کی تلاش میں پولیس مختلف مقامات پر چھاپے مار رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ