کرسٹیانو رونالڈو کا بڑا فیصلہ، دنیا بھر میں مداح خوشی سے جھوم اٹھے
اشاعت کی تاریخ: 27th, June 2025 GMT
عالمی فٹبال کے سپر اسٹار کریسٹیانو رونالڈو نے سعودی کلب النصر کے ساتھ اپنا معاہدہ 2027 تک باضابطہ طور پر توسیع دے دی ہے۔ النصر کلب نے جمعرات کے روز اپنے سوشل میڈیا پلیٹ فارمز پر اس خبر کی تصدیق کی، جس کے بعد دنیا بھر میں رونالڈو کے مداح خوشی سے جھوم اٹھے۔
النصر کا اعلانسعودی عرب کے ممتاز کلب النصر نے اپنے ایکس (سابقہ ٹوئٹر) اکاؤنٹ پر ایک ویڈیو شیئر کی جس کے ساتھ لکھا ہوا تھا: کہانی چلتی رہے گی، جبکہ ویڈیو کے آخر میں رونالڈو سمندر کے کنارے چلتے ہوئے کہتے ہیں:
’النصر ہمیشہ کے لیے!‘
The Story continues.
pic.twitter.com/XV8WoOREeB
— AlNassr FC (@AlNassrFC_EN) June 26, 2025
اس کے فوراً بعد کلب نے تحریری اعلان جاری کیا:
کرسٹیانو رونالڈو 2027 تک @AlNassrFC کے ساتھ رہیں گے۔
ایکس پیغامدوسری طرف رونالڈو نے اپنے آفیشل ایکس اکاؤنٹ پر بھی معاہدے کی تصدیق کرتے ہوئے لکھا :
’ایک نیا باب شروع ہو رہا ہے۔ وہی جذبہ، وہی خواب۔ آئیے مل کر تاریخ رقم کریں!‘
A new chapter begins. Same passion, same dream. Let’s make history together. ???????? pic.twitter.com/JRwwjEcSZR
— Cristiano Ronaldo (@Cristiano) June 26, 2025
رونالڈو کی کارکردگی40 سالہ رونالڈو نے پچھلے سیزن میں شاندار کارکردگی کا مظاہرہ کرتے ہوئے 25 گولز کے ساتھ پرو لیگ کے ٹاپ اسکورر کا اعزاز حاصل کیا، تاہم ان کی ٹیم النصر ٹرافی جیتنے میں ناکام رہی اور لیگ میں تیسری پوزیشن پر آئی۔
سعودی فٹبال میں انقلابرونالڈو نے جنوری 2023 میں النصر کلب میں شمولیت اختیار کی، جس کے بعد سعودی عرب میں بڑے یورپی کھلاڑیوں کی آمد کا آغاز ہوا۔
پبلک انویسٹمنٹ فنڈ (PIF) کے ایک نمائندے کے مطابق:
’رونالڈو کی موجودگی نے سعودی لیگ کو نئی بلندیوں پر پہنچایا ہے۔ ان کی موجودگی نے دیگر عالمی ستاروں اور نوجوان ٹیلنٹ کے لیے راستے کھولے ہیں۔‘
سعودی عرب کی مستقبل پر نظریاد رہے کہ سعودی عرب 2034 کے فیفا ورلڈ کپ کی میزبانی کرے گا، اور ایسے میں رونالڈو جیسے بڑے ناموں کی موجودگی مملکت کے عالمی فٹبال منظرنامے میں نمایاں ہونے کی حکمت عملی کا حصہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
النصر کلب سعودی عرب فیفا ورلڈ کپ 2034 کرسٹیانو رونالڈو
ذریعہ
ذریعہ: WE News
کلیدی لفظ: النصر کلب فیفا ورلڈ کپ 2034 کرسٹیانو رونالڈو رونالڈو نے کے ساتھ
پڑھیں:
99 ووٹ لے کر بنگلہ دیش نے دنیا کو حیران کردیا، اقوام متحدہ جنرل اسمبلی کی صدارت جیت لی
بنگلا دیش کے وزیر خارجہ خالد الرحمان اقوام متحدہ کی جنرل اسمبلی کے 81 ویں اجلاس (2026-2027) کے لیے صدر منتخب ہوگئے ہیں۔ انہوں نے ایک سخت اور قریبی مقابلے میں قبرص کے امیدوار آندریاس ایس کاکورس کو شکست دی۔
193 رکنی اقوام متحدہ کی جنرل اسمبلی میں ہونے والی رائے شماری میں خالد الرحمان نے 99 ووٹ حاصل کیے جبکہ ان کے حریف آندریاس کاکورس کو 91 ووٹ ملے۔ انتخاب میں کوئی رکن ملک غیر حاضر یا غیر جانبدار نہیں رہا۔ کامیابی کے لیے 96 ووٹ درکار تھے۔
اقوام متحدہ کے قواعد کے مطابق جنرل اسمبلی کے صدر کا انتخاب ہر سال تمام رکن ممالک کی خفیہ رائے شماری کے ذریعے کیا جاتا ہے اور ہر ملک کو ایک ووٹ کا حق حاصل ہوتا ہے۔
اگرچہ یہ انتخاب باضابطہ طور پر مسابقتی ہوتا ہے، تاہم عمومی طور پر مختلف علاقائی گروپوں کے درمیان باری باری صدارت کا اصول اپنایا جاتا ہے۔
81 ویں اجلاس کے لیے ایشیا پیسیفک گروپ کو امیدوار نامزد کرنے کا حق حاصل تھا، جس کے نتیجے میں بنگلہ دیش اور قبرص کے حمایت یافتہ امیدواروں کے درمیان مقابلہ ہوا۔
خالد الرحمان ستمبر 2026 میں جنرل اسمبلی کے 81 ویں اجلاس کے آغاز پر اپنے عہدے کا باضابطہ چارج سنبھالیں گے اور ایک سال تک اس منصب پر فائز رہیں گے۔ اس دوران وہ جنرل اسمبلی کے اجلاسوں کی صدارت، عالمی مسائل پر مباحثے کی نگرانی اور رکن ممالک کے درمیان مذاکرات کو آگے بڑھانے کی ذمہ داری ادا کریں گے۔
تجزیہ کاروں کے مطابق یہ کامیابی عالمی سفارت کاری میں بنگلا دیش کے بڑھتے ہوئے کردار کی عکاسی کرتی ہے۔ اقوام متحدہ کی جنرل اسمبلی کی صدارت کو ایک اہم سفارتی منصب سمجھا جاتا ہے جو عالمی امن، ترقی، ماحولیاتی تبدیلی اور اقوام متحدہ کی اصلاحات جیسے اہم معاملات پر اثر انداز ہونے کا موقع فراہم کرتا ہے۔
دوسری جانب پاکستان کے نائب وزیراعظم اور وزیر خارجہ اسحاق ڈار نے خالد الرحمان کو کامیابی پر مبارکباد دی۔ انہوں نے سوشل میڈیا پر اپنے پیغام میں کہا کہ خالد الرحمان کا وسیع سفارتی تجربہ اور کثیرالجہتی تعاون کے لیے ان کی وابستگی جنرل اسمبلی کی مؤثر قیادت میں اہم کردار ادا کرے گی۔
Heartiest felicitations to my dear brother, H.E. Dr. Khalilur Rahman, Foreign Minister of Bangladesh on his election as President of the 81st Session of the UN General Assembly.
Having had closely engaged with him, I am confident that his vast diplomatic experience and steadfast…
اسحاق ڈار نے امید ظاہر کی کہ اقوام متحدہ میں دونوں ممالک کے درمیان تعاون مزید مضبوط ہوگا اور عالمی امن، پائیدار ترقی اور بین الاقوامی مکالمے کے فروغ کے لیے مشترکہ کوششیں جاری رہیں گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ