پنجاب: سی سی ڈی کیساتھ مبینہ مقابلوں میں 5 ملزمان ہلاک
اشاعت کی تاریخ: 27th, June 2025 GMT
---فائل فوٹو
پنجاب کے مختلف شہروں میں کرائم کنٹرول ڈیپارٹمنٹ (سی سی ڈی) کے ساتھ مبینہ مقابلوں کے دوران 5 ملزمان مارے گئے۔
پولیس کے مطابق سی سی ڈی نے بائی پاس قصور پر ڈاکوؤں کی موجودگی کی خفیہ اطلاع پر چھاپہ مارا، ڈاکوؤں نے سی سی ڈی ٹیم کو دیکھ کر اندھا دھند فائرنگ شروع کردی، جوابی کارروائی کے بعد فائرنگ رکی تو علاقے میں سرچ آپریشن کیا گیا۔
پولیس کو 2 ڈاکوؤں کی لاشیں ملیں جن کی شناخت نقاش بٹ اور عثمان عرف اسامہ کے نام سے ہوئی۔
پولیس کے مطابق ہلاک ہونے والے دونوں ڈاکو 50 سے زائد سنگین وارداتوں میں ریکارڈ یافتہ تھے، مارے گئے ڈاکوؤں کے دیگر ساتھی فرار ہو گئے جن کی گرفتاری کے لیے ٹیمیں تشکیل دے دی ہیں۔
دوسری جانب سی سی ڈی فیصل آباد کے ساتھ گوجرہ میں مبینہ مقابلے میں شاہ گینگ کے 2 اشتہاری مارے گئے۔
ترجمان سی سی ڈی کے مطابق اشتہاریوں کی موجودگی کی اطلاع پر گوجرہ کے نواحی علاقے میں چھاپہ مارا گیا تھا۔
ترجمان کے مطابق شاہ گینگ کے مارے گئے دونوں اشتہاری محمد وقاص اور انعام الحق قتل، ڈکیتی، راہزنی اور بھتے سمیت درجنوں مقدمات میں پولیس کو مطلوب تھے۔
شاہ گینگ کے 4 ارکان گزشتہ روز بھی پولیس مقابلے میں مارے گئے تھے۔
اسی طرح لاہور کے علاقے شاہدرہ ٹاؤن میں بھی سی سی ڈی کے ساتھ مبینہ مقابلے میں 1 ڈاکو مارا گیا۔
پولیس کے مطابق شاہدرہ ٹاؤن میں تین مشکوک افراد کو ناکے پر روکا تو انہوں نے فائرنگ کر دی، جوابی کارروائی کی گئی تو دو ڈاکو فرار ہو گئے جبکہ ان کا ایک ساتھی زخمی حالت میں پکڑا گیا۔
پکڑے گئے ڈاکو کو اسپتال لے جایا جا رہا تھا لیکن وہ راستے میں ہی دم توڑ گیا۔
ذریعہ
ذریعہ: Jang News
پڑھیں:
فیلڈ مارشل، میں اور قوم سعودیہ کیساتھ ہیں، وزیراعظم کا ولی عہد سے رابطہ، آئل ٹینکرز پر حملے کی مذمت
اسلام آباد(ڈیلی پاکستان آن لائن )وزیراعظم شہباز شریف نے سعودی آئل ٹینکرز پر حوثی ملیشیا کے حملوں کی شدید مذمت کرتے ہوئے کہا ہےکہ میں، فیلڈ مارشل اور پاکستانی قوم اس نازک وقت میں سعودی قیادت، برادر عوام کے ساتھ مضبوطی، عزم کے ساتھ کھڑے ہیں۔
وزیراعظم شہباز شریف اور سعودی ولی عہد محمد بن سلمان کے درمیان ٹیلی فونک رابطہ ہوا جس میں وزیراعظم نے بحیرہ احمر میں سعودی آئل ٹینکرز پر حوثی ملیشیا کے بزدلانہ حملوں کی شدید ترین الفاظ میں مذمت کی۔
وزیراعظم نے محمد بن سلمان سے گفتگو میں کہا کہ ایسے اقدامات قطعی ناقابلِ قبول ہیں، یہ بین الاقوامی قانون کی صریح خلاف ورزی ہیں، ایسے اقدامات جہاز رانی اور تجارتی نقل و حمل کی آزادی کے لیے خطرہ ہیں اور ایسے اقدامات علاقائی امن، سلامتی اور استحکام کو نقصان پہنچاتے ہیں۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
وزیراعظم نے برادر ملک سعودی عرب کے ساتھ پاکستان کی مکمل یکجہتی کا اعادہ کرتے ہوئے کہا کہ میں، فیلڈ مارشل اور پاکستانی قوم اس نازک وقت میں سعودی قیادت، برادر عوام کے ساتھ مضبوطی، عزم کے ساتھ کھڑے ہیں۔
وزیر اعظم شہباز شریف نے مملکت سعودی عرب کی سلامتی، خودمختاری، علاقائی سالمیت اور خوشحالی کے لیے پاکستان کی غیر متزلزل حمایت کا اعادہ کیا۔
شہباز شریف کا کہنا تھا کہ پاکستان امن وسلامتی اور استحکام کے لیے مملکت و عالمی برادری کےساتھ تعاون جاری رکھے گا، پاکستان بحیرہ احمر، آبنائےہرمز اور سمندری تجارت کی بلاتعطل روانی کے لیے قریبی تعاون جاری رکھے گا۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
وزیراعظم نےخادمِ حرمین شریفین شاہ سلمان کے لیے نیک خواہشات اور خیرسگالی کے جذبات کا اظہار کیا جب کہ اس موقع پر سعودی ولی عہد نے پاکستان کی مستقل حمایت اور دونوں ممالک کے درمیان قریبی برادرانہ تعلقات کو سراہا۔
مزید :
بھارت سے جنگ اور افغانستان میں کارروائی خارج ازامکان نہیں، وزیردفاع