قواعد کی خلاف ورزی پر پنجاب اسمبلی کے 26 ارکان معطل
اشاعت کی تاریخ: 28th, June 2025 GMT
لاہور(اوصاف نیوز)اسپیکر پنجاب اسمبلی ملک محمد احمد خان نے 26 ارکان اسمبلی کو قواعد کی خلاف ورزی کے الزام پر معطل کر دیا۔
26 ارکان کو 15 اجلاسوں کے لیے اسمبلی کی کارروائی سے معطل کیا گیا ہے، ان اراکین پر قواعد کی سنگین خلاف ورزی، ایوان میں ہنگامہ آرائی،دھکم پیل، دستاویزات پھاڑنے، نعرے بازی کا الزام ہے۔
اسپیکر پنجاب اسمبلی ملک احمد خان نے کہا کہ ایوان کی حرمت اور نظم و ضبط کو ہر قیمت پر برقرار رکھا جائے گا، احتجاج کا حق تسلیم شدہ ہے لیکن اس کی حدود آئین، قانون اور قواعد کے تابع ہیں۔
اسپیکر پنجاب اسمبلی نے عالمی پارلیمانی روایات کا حوالہ دے کر ہنگامہ آرائی کو غیرپارلیمانی قرار دیا، رولنگ کے باوجود اپوزیشن ارکان کا ہنگامہ قواعد کی کھلی خلاف ورزی ہے۔
قواعد 223 اور 210 کی خلاف ورزی کرنے والے ارکان کیخلاف کارروائی کی گئی،معطل ہونے والے اراکین میں ملک فہد مسعود، محمد تنویر اسلم، سید رفعت محمود، یاسر محمود قریشی، کلیم اللہ خان، محمد انصر اقبال، علی آصف اور ذوالفقار علی شامل ہیں۔
ان کے علاوہ احمد مجتبیٰ چوہدری، شاہد جاوید، محمد اسماعیل، خیال احمد، شہباز احمد، طیب رشید، امتیاز محمود، علی امتیاز، سردار راشد طفیل، رائے محمد مرتضیٰ اقبال، خالد زبیر نثار، چودھری محمد اعجاز شفیع، ایمان کنول، محمد نعیم، سجاد احمد، رانا اورنگ زیب، شہباز امیراور اسامہ اصغر علی گجربھی معطل ہونے والے اراکین میں شامل ہیں۔
ایک کروڑ 60 لاکھ نقد ،40 تولہ سونا چوری کا ڈراپ سین، مالکن ہی ماسٹر مائنڈ نکلی
.ذریعہ: Daily Ausaf
کلیدی لفظ: پنجاب اسمبلی خلاف ورزی قواعد کی
پڑھیں:
ایشیا کپ: حارث رؤف پر آئی سی سی ضابطہ اخلاق کی خلاف ورزی پر جرمانہ، صاحبزادہ فرحان کو وارننگ
پاکستان کے فاسٹ بولر حارث رؤف پر بھارت کے خلاف ایشیا کپ سپر4 مرحلے کے میچ میں ضابطہ اخلاق کی خلاف ورزی پر میچ فیس کا 30 فیصد جرمانہ عائد کر دیا گیا۔ آئی سی سی میچ ریفری رچی رچرڈسن نے فیصلہ سناتے ہوئے کہا کہ پاکستانی بلے باز صاحبزادہ فرحان کو محض وارننگ دے کر چھوڑ دیا گیا ہے۔
21 ستمبر کو دبئی میں کھیلے گئے پاکستان اور بھارت کے درمیان تناؤ سے بھرپور میچ کے دوران حارث رؤف بھارتی تماشائیوں کی جملے بازی پر ردعمل دیتے ہوئے بار بار ’0-6‘ کے اشارے اور فضائی جہاز گرانے کی حرکات کرتے دکھائی دیے، جو مئی میں پاک بھارت فوجی تصادم کی جانب اشارہ سمجھا گیا۔ دوسری جانب، صاحبزادہ فرحان نے اپنی نصف سینچری مکمل کرنے کے بعد بندوق چلانے کی نقل کرکے جشن منایا۔
مزید پڑھیں: ایشیا کپ: سیاسی بیان دینے پر بھارتی کپتان سوریا کمار یادو قصور قرار، آئی سی سی نے سزا بھی سنادی
بھارتی کپتان سوریا کمار یادیو پر بھی پاکستان کے خلاف 14 ستمبر کے گروپ میچ کے بعد فوجی تصادم سے متعلق تبصرے کرنے پر اسی نوعیت کا 30 فیصد جرمانہ کیا گیا تھا، تاہم بھارت نے اس فیصلے کے خلاف اپیل دائر کی تھی۔
اس معاملے میں پاکستان کرکٹ بورڈ (پی سی بی) نے سوریا کمار کے خلاف جبکہ بھارتی بورڈ (بی سی سی آئی) نے حارث اور فرحان کے خلاف شکایات جمع کرائی تھیں۔ تینوں کھلاڑیوں نے الزامات کو تسلیم کرنے سے انکار کیا، جس پر میچ ریفری کے سامنے سماعت ہوئی۔
مزید پڑھیں: ایشیا کپ: پاک بھارت میچ کے دوران حارث رؤف اور ابھیشیک شرما کے درمیان تلخ کلامی
گروپ میچ سے قبل دونوں ملکوں کی ٹیموں کے درمیان کشیدگی اس وقت مزید بڑھ گئی جب بھارت نے ٹاس اور میچ کے بعد پاکستانی کھلاڑیوں سے ہاتھ ملانے سے انکار کر دیا۔ سپر4 میچ میں بھی پاکستانی بولرز اور بھارتی اوپنرز کے درمیان لفظی جھڑپیں ہوئیں۔
بھارت کے ابھشیک شرما نے بعد ازاں الزام لگایا کہ پاکستانی ٹیم بلاوجہ ہم پر چڑھ دوڑی۔ پاکستان اور بھارت کے درمیان ایشیا کپ کا فائنل اتوار کو دبئی میں کھیلا جائے گا، جو اس ٹورنامنٹ میں دونوں ٹیموں کے درمیان تیسرا مقابلہ ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایشیا کپ پاک بھارت میچ حارث رؤف سوریا کمار یادیو صاحبزادہ فرحان
مدرسے سے بیلجیئم تک کا حیرت انگیز تعلیمی سفر