فائنانس بل 26-2025 : ٹیکس فراڈ میں مدد دینے والے اکاؤنٹ ہولڈر کو ’معاونِ جرم‘ سمجھا جائے گا
اشاعت کی تاریخ: 28th, June 2025 GMT
ترمیم شدہ فائنانس بل 2025-26 میں ’معاونِ جرم‘ کی دوبارہ تعریف متعین کرتے ہوئے کہا گیا ہے کہ وہ شخص جس کے بینک اکاؤنٹ کو ٹیکس فراڈ کے لیے استعمال کیا گیا ہو، اسے معاونِ جرم تصور کیا جائے گا اور اس کے خلاف قانونی کارروائی کی جائے گی، جس میں سزا یا قید بھی شامل ہو سکتی ہے۔
میڈیا رپورٹس کے مطابق جو شخص کاروباری بینک اکاؤنٹ چلا کر ٹیکس فراڈ میں مدد فراہم کرے گا، اسے بھی ’معاونِ جرم‘ سمجھا جائے گا۔
یہ بھی پڑھیں:اسلام آباد ہائیکورٹ نے ٹیکس فراڈ کیس میں ملزم کو 100 روپے کے عوض ضمانت کیوں دی؟
بل کے مطابق، وہ شخص ’معاونِ جرم‘ تصور کیا جائے گا، جو دانستہ طور پر ٹیکس فراڈ میں معاونت کرے یا ساز باز میں شریک ہو، جیسا کہ سیکشن 2 کی شق (37) میں بیان کیا گیا ہے، یا سیلز ٹیکس ایکٹ کے تحت ایسے کسی جرم میں شریک ہو جس پر قانونی کارروائی لازم ہو۔
’یہ تعریف ان افراد کو بھی شامل کرتی ہے جو جعلی انوائسز تیار کرتے ہیں یا تیار کرواتے ہیں خواہ رجسٹرڈ شخص کی اجازت سے یا بغیر اجازت کے تاکہ جھوٹے ان پٹ ٹیکس ایڈجسٹمنٹ کا دعویٰ کیا جا سکے۔‘
مزید پڑھیں: ایف بی آر کو ٹیکس فراڈ پر کمپنی سی ای اوز اور ڈائریکٹرز کی گرفتاری کا اختیار مل گیا
رپورٹ کے مطابق ترمیم شدہ فائنانس بل 2025-26 کے مطابق، وہ شخص بھی ’معاونِ جرم‘ کے زمرے میں آئے گا جو اپنا بینک اکاؤنٹ کسی ٹیکس فراڈ یا قابلِ گرفتاری جرم کے لیے استعمال کرنے دے، یا کسی دوسرے رجسٹرڈ شخص کے نام پر غیر مجاز یا غیر قانونی طور پر کاروباری بینک اکاؤنٹ رکھے یا چلائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بینک اکاؤنٹ ترمیم شدہ ٹیکس ٹیکس ایڈجسٹمنٹ ٹیکس فراڈ فائنانس بل معاون جرم ہولڈر.ذریعہ: WE News
کلیدی لفظ: بینک اکاؤنٹ ٹیکس ٹیکس ایڈجسٹمنٹ ٹیکس فراڈ فائنانس بل معاون جرم ہولڈر بینک اکاؤنٹ فائنانس بل ٹیکس فراڈ کے مطابق جائے گا
پڑھیں:
واٹس ایپ نے اسٹیٹس شیئرنگ کے لیے نئے فیچرز متعارف کروا دیے
واٹس ایپ نے اسٹیٹس شیئرنگ کے لیے نئے فیچرز متعارف کروا دیے ہیں، اختیارات متعارف کرا دیے ہیں، نئی اپ ڈیٹ میں اسٹیٹس لے آؤٹ کو تبدیل کیا گیا ہے اور ویو کاؤنٹ کو بائیں جانب منتقل کر دیا گیا ہے، جو انسٹاگرام اسٹوریز سے مشابہت رکھتا ہے۔
یہ بھی پڑھیں: واٹس ایپ اسٹیٹس پر طویل وائس نوٹ لگانا اب ممکن
میٹا کی ملکیتی اس میسجنگ ایپ نے اسٹیٹس اسکرین کے دائیں طرف دو بٹن بھی شامل کیے ہیں جن کی مدد سے صارفین اپنے اسٹیٹس براہِ راست فیس بک یا انسٹاگرام پر شیئر کر سکیں گے۔ یہ فیچر ٹیکسٹ بیسڈ اسٹیٹس کے لیے بھی دستیاب ہے۔
واٹس ایپ کے مطابق نئے شیئرنگ بٹن استعمال کرنے کے لیے صارفین کو اپنے اکاؤنٹ کو میٹا کے اکاؤنٹ سینٹر سے لنک کرنا ہوگا، تاہم یہ اقدام مکمل طور پر اختیاری ہے اور صارف جب چاہے اپنا اکاؤنٹ لنک یا ان لنک کرسکتا ہے۔
یہ بھی پڑھیں: واٹس ایپ نے اسٹیٹس شیئر کا نیا فیچر متعارف کرا دیا
کمپنی نے وضاحت کی ہے کہ چاہے اکاؤنٹ لنک کیا جائے یا نہیں، واٹس ایپ کے تمام پیغامات اور کالز اینڈ ٹو اینڈ انکرپٹڈ رہیں گے اور صارفین کی پرائیویسی و سیکیورٹی متاثر نہیں ہوگی۔
فی الحال یہ فیچر اینڈرائیڈ کے تازہ ترین بیٹا ورژن استعمال کرنے والے صارفین کے لیے دستیاب ہے جبکہ آئندہ اپ ڈیٹس میں مزید صارفین کو بھی فراہم کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسٹیٹس لنک میٹا واٹس ایپ
خواجہ سلمان رفیق کی زیر صدارت کینسر کے مریضوں کیلئے کوابلیشن ٹیکنالوجی کے استعمال کے حوالے سے اہم اجلاس