بیوی سے طلاق پر دلبرداشتہ شخص نے چلتی ٹرین کو آگ لگادی
اشاعت کی تاریخ: 28th, June 2025 GMT
جنوبی کوریا کے دارالحکومت سیول میں ایک 67 سالہ شخص وون نے بیوی سے طلاق کے بعد شدید مایوسی میں چلتی ٹرین کو آگ لگا دی جس سے متعدد مسافروں کی جان خطرے میں پڑ گئی جب کہ واقعے کی ویڈیو سوشل میڈیا پر وائرل ہو گئی ہے۔
غیر ملکی میڈیا رپورٹس کے مطابق یہ واقعہ 31 مئی 2025 کی صبح پیش آیا، جب ٹرین لائن 5 پر Yeouinaru اور Mapo اسٹیشنوں کے درمیان زیر سمندر سرنگ سے گزر رہی تھی۔
ملزم وون نے ٹرین کے اندر پیٹرول چھڑک کر اپنے کپڑوں کو آگ لگائی جس سے ٹرین میں شدید آگ بھڑک اٹھی۔
اس واقعے میں 22 مسافروں کو سانس لینے میں دشواری کے باعث ہسپتال منتقل کیا گیا جبکہ 129 دیگر کو موقع پر ابتدائی طبی امداد دی گئی۔
ملزم کو بھی زخمی حالت میں اسپتال لے جایا گیا۔
سیول سدرن ڈسٹرکٹ پراسیکیوٹرز کے مطابق وون پر قتل کی کوشش، آتشزدگی اور ریلوے سیفٹی ایکٹ کی خلاف ورزی سمیت متعدد الزامات عائد کیے گئے ہیں۔
حکام کا کہنا ہے کہ آگ سے تقریباً 330 ملین وون کا نقصان ہوا۔
تفتیش سے معلوم ہوا کہ ملزم نے طلاق کے فیصلے سے دلبرداشتہ ہو کر یہ خطرناک قدم اٹھایا۔
حکام کے مطابق وہ واقعے کے حالات کا بغور جائزہ لے رہے ہیں تاکہ مستقبل میں اس طرح کے واقعات کو روکا جا سکے۔
ذریعہ: Daily Mumtaz
پڑھیں:
پاکستانی اداکارہ نے برسوں پرانا راز کھول دیا، مداح حیران
پاکستانی شوبز کی نامور اداکارہ انوشے عباسی نے ایک حیران کن انکشاف کرتے ہوئے بتایا ہے کہ ان کی شادی دراصل 2019ء ہی میں ختم ہو چکی تھی۔
انوشے عباسی نے یہ انکشاف اداکارہ اُشنا شاہ کے شو میں گفتگو کے دوران کیا اور اپنی طلاق پر کھل کر بات کی۔
انوشےعباسی اور جویریہ عباسی کی فیملی سے تعلق رکھتی ہیں اور خود بھی کئی مشہور ڈراموں میں اپنی اداکاری کے جوہر دکھا چکی ہیں۔ انہوں نے 2014ء میں اداکار عینان عارف سے شادی کی تھی اور اس وقت ان کی شادی کی تصویریں خوب وائرل ہوئی تھیں۔
تاہم اب انہوں نے بتایا ہے کہ وہ 2019ء میں ہی شوہر سے علیحدہ ہو چکی تھیں لیکن اس وقت اپنی والدہ کی شدید علالت کے باعث یہ خبر عوام سے چھپائی تھی۔
اداکارہ کا کہنا تھا کہ میں نہیں چاہتی تھی کہ لوگ میری والدہ سے ملاقات کے دوران ان کی صحت کے بجائے میری طلاق پر سوالات کریں، اس لیے میں نے اتنے بڑے فیصلے کو میڈیا سے پوشیدہ رکھا۔
انہوں نے کہا کہ والدہ کے علاوہ بھی میں نہیں چاہتی تھی کہ کوئی اس بارے میں بات کرے، اس لیے طلاق کے بارے میں کسی کو خبر نہیں ہونے دی، اس تمام عرصے کے دوران میرے زخم بھر گئے اور یہی وجہ ہے کہ اب میں عوامی سطح پر اس پر بات کر رہی ہوں۔
انوشے کے مطابق 2021ء میں والدہ کے انتقال کے بعد حالات مزید مشکل ہوگئے تھے، لیکن پوری فیملی نے ایک دوسرے کا ساتھ دیا اور ایک دوسرے کا خیال رکھا۔
Post Views: 2
حکومت کا پاک سعودیہ دفاعی معاہدے پر پارلیمنٹ کو اعتماد میں لینے کا فیصلہ