پاکستان 100 بہترین ملکوں میں شامل
اشاعت کی تاریخ: 28th, June 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد (انٹر نیشنل ویب ڈیسک) گزشتہ روز ہینلے پاسپورٹ انڈیکس نے دنیا کے 100 بہترین ملکوں کی فہرست شائع کی ہے، جس میں خوش آئند بات یہ ہے کہ اس فہرست میں گرین پاسپورٹ رکھنے والا ہمارا ملک بھی شامل ہے۔
میڈیا کی رپورٹ کے مطابق ہینلے پاسپورٹ انڈیکس کی جانب سے سال 2025ءکی رینکنگ جاری کردی گئی ہے، جس میں پاکستانی پاسپورٹ بتدریج ترقی کے بعد ٹاپ 100 پاسپورٹس میں شامل ہوگیا۔
رپورٹ کے مطابق انٹرنیشنل رینکنگ پلیٹ فارم”ہینلے اینڈ پارٹنرز” کا کہنا ہے کہ پاکستانی پاسپورٹ اس وقت 100 ویں نمبر پر براجمان ہے، جو 2021ءمیں 113 ویں نمبر پر تھا۔
مذکورہ پیش رفت پاکستان کے لیے ایک خوش آئند پہلو ہے، جو کہ بین الاقوامی سطح پر پاکستان کی سفارتی سرگرمیوں اور انٹر نیشنل ریلیشن شپ میں بہتری کی جانب گامزن ہے ۔
مذکورہ پیش رفت کے تحت، یو اے ای اور پاکستان کے مابین ایک معاہدہ طے پایا ہے۔ معاہدے کی رو سے سفارتی اور سرکاری پاسپورٹ رکھنے والوں کو ویزے کی ضرورت نہیں ہوگی۔
مذکورہ معاہدے کے بعد ایسے افراد کو سفر سے پہلے ویزے کے لیے درکار رسمی کارروائیوں سے نجات ملے گی، جو سفارتی تعلقات کو مزید مستحکم کرے گا۔ مزکورہ تناظر میں پاکستانی پاسپورٹ پر شہری 32 ممالک میں ویزا فری سفری سہولت بھی حاصل کر سکیں گے۔
اس پیش رفت کے مطابق ڈی جی پاسپورٹس مصطفی جمال قاضی کا کہنا ہے کہ پاکستانی پاسپورٹ میں جدید سیکورٹی فیچرز متعارف کرادیے گئے ہیں۔ جس میں ای پاسپورٹس ہولڈرز کے لیے جلد تمام ائرپورٹس پر ای گیٹس کی سہولت میسر ہوگی۔
انہوں نے کہا کہ پاکستانیوں کے لیے آن لائن پاسپورٹ سروسز کی سہولیات بھی فراہم کی جا رہی ہیں، جس کی فیس ایپ کے ذریعے ادا کی جا سکتی ہے، جلد ہی پاسپورٹ ایپ کے ذریعے شہری گھر بیٹھے پاسپورٹ بنوا سکیں گے، وزارت داخلہ کے تعاون سے پاسپورٹ رینکنگ میں بہتری کا سفر جاری رہے گا۔
ذریعہ: Jasarat News
کلیدی لفظ: پاکستانی پاسپورٹ کے لیے
پڑھیں:
عالمی پاسپورٹ رینکنگ جاری: پاکستانی پاسپورٹ 13 درجے بہتری کے بعد 100 ویں نمبر پر آ گیا
data-id="863a0a8" data-element_type="widget" data-widget_type="theme-post-content.default">
اسلام آباد: پاکستانی شہریوں کے لیے بین الاقوامی سفر کی راہ کچھ آسان ہو گئی ہے، عالمی شہرت یافتہ ادارے ہینلے اینڈ پارٹنرز کی جانب سے جاری کردہ سال 2025 کی پاسپورٹ رینکنگ میں پاکستانی پاسپورٹ کو 13 درجے ترقی کے ساتھ 100ویں پوزیشن پر جگہ مل گئی ہے۔
یاد رہے کہ 2021 میں پاکستان کا پاسپورٹ دنیا کے بدترین پاسپورٹس میں شامل تھا اور 113ویں نمبر پر موجود تھا، تاہم حالیہ درجہ بندی میں نمایاں بہتری پاکستان کے لیے ایک مثبت اشارہ سمجھی جا رہی ہے۔
رینکنگ کے مطابق دنیا کا سب سے طاقتور پاسپورٹ اس سال بھی سنگاپور کا قرار پایا، جس کے حامل شہری 193 ممالک میں بغیر ویزا یا ویزا آن آرائیول کے داخلے کی سہولت سے فائدہ اٹھا سکتے ہیں۔ فہرست میں جاپان اور جنوبی کوریا مشترکہ طور پر دوسرے نمبر پر موجود ہیں، جبکہ ڈنمارک، فن لینڈ، فرانس، جرمنی، آئرلینڈ، اٹلی اور اسپین تیسرے نمبر پر ہیں۔
امریکی پاسپورٹ اس سال چھٹے نمبر پر آیا ہے، جو دنیا کے 186 ممالک میں ویزا فری یا ویزا آن آرائیول کی سہولت فراہم کرتا ہے۔ بھارت کا پاسپورٹ عالمی فہرست میں 82 ویں نمبر پر ہے۔
پاکستانی پاسپورٹ کے حامل افراد کو اس وقت 30 سے زائد ممالک میں بغیر ویزا یا ویزا آن آرائیول کی سہولت حاصل ہے۔ ان ممالک میں بارباڈوس، برونڈی، کمبوڈیا، کیپ ورڈے آئی لینڈز، کوموروس، کک آئی لینڈز، جبوتی، گنی بساو، ہیٹی، کینیا، مڈغاسکر، مالدیپ، مائیکرونیشیا، مونٹسریٹ، موزمبیق، نیپال، نیو، پلاؤ، قطر، روانڈا، ساموا، سینیگال، سیشلز، سیرا لیون، صومالیہ، سری لنکا، سینٹ ونسنٹ اینڈ گریناڈائنز، تیمور لیستے، ٹرینیڈاڈ اینڈ ٹوباگو اور تووالو شامل ہیں۔
عالمی رینکنگ میں بہتری حکومت کی جانب سے ویزا پالیسیوں، خارجہ تعلقات اور سفارتی کوششوں کا نتیجہ قرار دی جا رہی ہے، جس سے مستقبل میں پاکستانیوں کے لیے مزید بین الاقوامی دروازے کھلنے کی امید کی جا رہی ہے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی