ایرانی میزائلوں کی تباہ کن طاقت پر اسرائیلی اخبار ہارٹز کی رپورٹ
اشاعت کی تاریخ: 29th, June 2025 GMT
رامات گان میونسپلٹی کے اعداد و شمار کے مطابق، میزائلوں کی ایک لہر نے اس علاقے میں 107 عمارتوں کو نقصان پہنچایا۔ جبکہ تین حملوں کے بعد نقصان زدہ عمارتوں کی تعداد 257 ہو گئی، جن میں سے کئی اونچی عمارتیں تھیں۔ ان میں سے 10 اونچی عمارتوں کو مکمل طور پر گرانا پڑے گا۔ اسلام ٹائمز۔ عبرانی اخبار ہارٹز نے اپنی ایک رپورٹ میں ایران کے میزائلوں کے تباہ کن اثرات اور ان کی تباہی کی صلاحیت کا جائزہ لیا ہے۔ ہارٹز کے تین نامہ نگاروں نے ایک مشترکہ رپورٹ میں ایران کے میزائلوں کے تباہ کن حجم پر روشنی ڈالی ہے۔ 12 دن کی جنگ کے دوران میزائلوں کے گرنے، لوگوں کی بھاگ دوڑ، افراتفری اور شور، خطرے کے الارموں کی مسلسل آوازیں، دھوئیں اور گرد کے بادل جن کے درمیان لوگ بے چارگی سے ادھر ادھر دوڑتے رہے، اسرائیل میں ایک معمول بن گیا۔ یہ عبرانی اخبار اپنی رپورٹ میں صیہونی حکومت کے سرکاری حلقوں کے دعووں کے برعکس اعتراف کرتا ہے کہ ایرانی میزائلوں کے شدید دھماکوں اور نقصانات کو ہر جگہ محسوس کیا گیا۔ سینکڑوں اپارٹمنٹس کو نقصان پہنچا، جن میں سے کچھ شدید طور پر تباہ ہو گئے جبکہ کچھ کو مختلف قسم کے نقصانات کا سامنا ہے۔
رپورٹ کے مطابق اسرائیلیوں کے درمیان صرف یہ فرق ہے کہ کچھ بدقسمت ہیں جن کے گھر تباہ ہو گئے ہیں جبکہ کچھ اپنے گھروں کو واپس جا چکے ہیں۔ رپورٹ کے ایک اور حصے میں کہا گیا ہے کہ دھماکوں اور جھٹکوں کی لہریں ہر جگہ مختلف ہیں۔ ہارٹز کے دعوے کے مطابق، دو میزائل حملوں نے سب سے زیادہ تباہی مچائی: ایک تل ابیب میں اور دوسرا رامات گان میں، جہاں میزائل براہ راست عمارتوں کی بجائے سڑک پر گرے، جس سے شدید دھماکے ہوئے اور ارد گرد بڑی تباہی ہوئی۔ ہوم فرنٹ کمانڈ کے ایک اعلیٰ افسر نے کہا: "تباہی کا یہ عالم ہے جیسے کائنات کا ایک حصہ نیست و نابود ہو گیا ہو۔ وہی تباہی جو ہم لبنان پر لائے تھے، وہی ہمارے ساتھ ہو رہی ہے۔" ہارٹز کے مطابق، جب جمعرات کی صبح رامات گان تیسری بار میزائل حملے کا نشانہ بنا، تو ران ماس کو یقین ہو گیا کہ میزائل اس کے گھر کے دروازے پر آیا ہے۔ وہ محلے کے پناہ گاہ میں موجود تھا۔
اس نے کہا: "جب میزائل گرے تو زمین ہمارے پیروں تلے ہل گئی۔ ہم نے دفاعی نظام کی کوششیں سنیں لیکن دور دراز مقامات پر بھی کئی دھماکے سنائی دیے، یہاں تک کہ قریب ہی ایک دھماکہ ہوا۔ اسے کسی طور پر نظر انداز نہیں کیا جا سکتا تھا۔ دھماکے کی آواز بہت قریب تھی، شاید 300 میٹر کے فاصلے پر۔ جب ہم پناہ گاہ سے باہر نکلے تو تباہی کا منظر دیکھ کر ہم حیران رہ گئے۔ پناہ گاہ سے باہر نکلتے ہی میں نے تباہی کا منظر دیکھا۔ سب کچھ تباہ ہو چکا تھا۔" انہوں نے کہا "پہلے میں نے باہر سے دیکھا تو لگا کہ میرا اپارٹمنٹ محفوظ ہے اور صرف کھڑکیاں ٹوٹی ہیں۔ لیکن جب اندر گیا تو معلوم ہوا کہ صرف کھڑکیوں کے فریم باقی ہیں۔ دروازے اپنی جگہ سے اکھڑ چکے تھے۔ پرانی عمارتوں میں تو تباہی کا منظر اور بھی بدتر تھا۔" رامات گان میونسپلٹی کے اعداد و شمار کے مطابق، میزائلوں کی ایک لہر نے اس علاقے میں 107 عمارتوں کو نقصان پہنچایا۔ جبکہ تین حملوں کے بعد نقصان زدہ عمارتوں کی تعداد 257 ہو گئی، جن میں سے کئی اونچی عمارتیں تھیں۔ ان میں سے 10 اونچی عمارتوں کو مکمل طور پر گرانا پڑے گا۔
ذریعہ: Islam Times
کلیدی لفظ: میزائلوں کے عمارتوں کو رامات گان کے مطابق تباہی کا
پڑھیں:
خیبرپختونخوا : مون سون بارشوں سے 11 افراد جاں بحق، درجنوں گھر متاثر
فائل فوٹوپرونشل ڈیزاسٹر مینجمنٹ اتھارٹی (پی ڈی ایم اے) نے خیبر پختونخوا میں مون سون بارشوں کے باعث ہونے والے جانی و مالی نقصانات کی ابتدائی رپورٹ جاری کردی۔
رپورٹ کے مطابق سیلاب کے باعث 11 افراد جاں بحق اور 6 زخمی ہوئے، جاں بحق ہونے والوں میں 4 مرد، 3 خواتین اور 4 بچے شامل ہیں جب کہ بارشوں اور فلیش فلڈ سے سوات میں سب سے زیادہ نقصان ہوا۔
پی ڈی ایم اے کے مطابق صوبے کے متاثرہ علاقوں میں مجموعی طور پر 56 گھروں کو نقصان پہنچا جس میں 50 گھروں کو جزوی نقصان ہوا اور 6 گھر مکمل طور پر تباہ ہوگئے۔
ترجمان پی ڈی ایم اے پنجاب کے مطابق 3دنوں میں مختلف شہریوں میں 25 حادثات رپورٹ ہوئے، ان حادثات میں 12 افراد جاں بحق اور 39 زخمی ہو گئے۔
پی ڈی ایم اے نے بتایا ہےکہ گزشتہ 24 گھنٹوں کے دوران دریائے سوات میں خوازہ خیلہ کے مقام پر سیلابی صورتحال کا سامنا رہا۔
پی ڈی ایم اے نے سیلابی خطرات کے پیش نظر ضلعی انتظامیہ نوشہرہ اور چارسدہ کو بھی الرٹ جاری کردیا اور ہدایت کی ہے کہ ضلعہ انتظامیہ ممکنہ ہنگامی صورتحال یا سیلاب سے قبل پیشگی حفاظتی اقدامات کو یقینی بنائیں۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی