ریاض میں ’ویمن ایمپاورمنٹ سیمینار‘ کا کامیاب انعقاد
اشاعت کی تاریخ: 29th, June 2025 GMT
سعودی عرب کے دارالحکومت ریاض میں خواتین کو بااختیار بنانے اور ان کی سماجی و پیشہ ورانہ ترقی کو فروغ دینے کے لیے اسمارٹ ارتکاز کمپنی کے زیر اہتمام ایک مؤثر اور کامیاب ’ویمن ایمپاورمنٹ سیمینار‘ منعقد کیا گیا۔
تقریب کی مہمانِ خصوصی پاکستانی ٹریڈ منسٹر ڈاکٹر شگفتہ زرینسیمینار میں مختلف شعبہ جات سے تعلق رکھنے والی ممتاز خواتین و حضرات، کاروباری شخصیات اور سماجی رہنماؤں نے شرکت کی، جب کہ تقریب کی مہمانِ خصوصی سعودی عرب میں تعینات پاکستانی ٹریڈ منسٹر ڈاکٹر شگفتہ زرین تھیں، جنہوں نے خواتین کی ترقی میں ایسے اقدامات کو نہایت اہم قرار دیا۔
اسمارٹ ارتکاز کمپنی کے ایگزیکٹو ڈائریکٹر، جناب عدنان رفیق احمد نے اپنے خطاب میں کہا کہ ویمن ایمپاورمنٹ ہمارے دور کی سب سے بڑی سماجی اور معاشی ضرورت ہے۔ ہر باصلاحیت اور پرعزم خاتون کو آگے بڑھنے کے مواقع فراہم کرنا ہم سب کی اجتماعی ذمہ داری ہے۔ ہمیں خواتین کی ہمت افزائی کے ساتھ ساتھ انہیں ضروری وسائل، رہنمائی اور ایک مضبوط سپورٹ سسٹم مہیا کرنا چاہیے تاکہ وہ اپنے خوابوں کو حقیقت میں بدل سکیں اور معاشرے میں مثبت تبدیلی کا باعث بنیں۔
سیمینار میں مقررین نے روزگار کے مواقع اور مہارتوں کے فروغ پر بات کی۔ شرکا کو جدید تقاضوں کے مطابق جاب مارکیٹ میں داخلے اور ترقی کے لیے ضروری اسکلز سے روشناس کرایا گیا۔
خواتین کی قائدانہ صلاحیتوں کو ابھارنے کے لیے معلوماتی اور ترغیبی نشستیں منعقد کی گئیں۔ مختلف شعبوں سے تعلق رکھنے والی کامیاب خواتین نے اپنی جدوجہد، تجربات اور کامیابیوں کا تفصیل سے احاطہ کیا۔
سیمینار میں انٹرایکٹو نیٹ ورکنگ سیشن بھی منعقد ہوا جس میں شرکاء کو ایک دوسرے سے جُڑنے، سیکھنے اور آزادانہ اظہارِ خیال کا بھرپور موقع ملا۔ مقررین میں ڈاکٹر شگفتہ زرین، عتیق باجوہ، اقصیٰ بلال، انج.
سیمینار کے اختتامی لمحات میں ایگزیکٹو ڈائریکٹر عدنان رفیق احمد نے ایک جذباتی اور پُراثر لمحے میں اپنی والدہ کو خراجِ تحسین پیش کیا، جنہیں اُن کی زندگی اور کامیابیوں میں رہنمائی و حوصلہ افزائی کا ذریعہ قرار دیا۔ اس موقع پر انہوں نے اپنی والدہ کو ایک اعزازی شیلڈ بھی پیش کی، جس پر شرکاء نے دل کھول کر داد دی۔
سیمینار میں شریک تمام معزز اسپیکرز کو بھی اعزازی شیلڈز سے نوازا گیا تاکہ ان کی قیمتی شرکت، بصیرت افروز گفتگو اور خواتین کی فلاح و ترقی میں کردار کو سراہا جا سکے۔ شرکاء نے اسمارٹ ارتکاز کمپنی کی کوششوں کو سراہتے ہوئے مزید ایسے پروگرامز کے انعقاد کی خواہش کا اظہار بھی کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ریاض سعودی عرب ویمن ایمپاورمنٹ سیمینار
ذریعہ
ذریعہ: WE News
کلیدی لفظ: ریاض خواتین کی کے لیے
پڑھیں:
آپریشن العزم: سیکیورٹی فورسز کی مستونگ میں کامیاب کارروائی، 4 دہشتگرد ہلاک
سیکیورٹی فورسز نے آپریشن العزم کے تحت مستونگ میں کامیاب کارروائی کرتے ہوئے 4 دہشت گرد ہلاک کردیے۔ سیکیورٹی فورسز کی جانب سے انٹیلی جنس بیسڈ آپریشن العزم کے تحت بلوچستان میں دہشت گردی کے خلاف بھرپور اور مؤثر کارروائیاں جاری ہیں۔ مستونگ کے علاقے کھڈ کوچہ میں کامیاب کارروائی کے دوران فتنہ الہندوستان کے 4 دہشت گردوں کو جہنم واصل کردیا گیا۔ ہلاک دہشت گردوں سے بھاری مقدار میں اسلحہ اور گولہ بارود برآمد ۔ سیکیورٹی فورسز نے دہشت گردوں کے زیر استعمال موٹر سائیکلیں بھی ضبط کرلیں۔ سیکیورٹی ذرائع کے مطابق مؤثر کارروائی میں فتنہ الہندوستان کے متعدد دہشت گردوں کے زخمی ہونے کی بھی مصدقہ اطلاعات ہیں، جبکہ دہشت گردوں کی سہولت کاری میں ملوث متعدد مشتبہ افراد کو گرفتار کرلیا گیا۔ آپریشن کے دوران علاقے میں سرچ اور کلیئرنس کارروائیاں جاری ہیں اور سیکیورٹی فورسز کی جانب سے مکمل نگرانی برقرار ہے۔ سیکیورٹی ذرائع کے مطابق حالیہ دنوں میں مستونگ کے علاقے کھڈ کوچہ میں دہشت گردوں کی مذموم کارروائیوں کے بعد سیکیورٹی فورسز نے انٹیلی جنس بیسڈ آپریشنز مزید تیز کردیئے ہیں۔ دہشت گردی کے مکمل خاتمے اور خطے میں امن و امان کے قیام تک سیکیورٹی فورسز کی کارروائیاں مسلسل جاری رہیں گی۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم