بلنگ میں شفافیت، صارفین کو بااختیار بنانے کی نئی راہ ہموار، پاور اسمارٹ ایپ متعارف
اشاعت کی تاریخ: 29th, June 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: وزارتِ پاور ڈویژن نے بجلی کے صارفین کو بلنگ کے عمل میں براہِ راست شریک کرنے اور نظام میں شفافیت کے فروغ کے لیے ایک بڑا اور انقلابی اقدام اٹھاتے ہوئے ’’اپنا میٹر، اپنی ریڈنگ‘‘ کے عنوان سے ایک جدید موبائل ایپلی کیشن پاور اسمارٹ متعارف کرا دی ہے، اس ایپ کے ذریعے صارفین خود اپنے بجلی میٹر کی تصویر مقررہ تاریخ پر اپ لوڈ کریں گے، جس کی بنیاد پر ان کا ماہانہ بجلی بل تیار کیا جائے گا۔
میڈیا رپورٹس کےمطابق ترجمان وزارت توانائی کاکہنا ہےکہ یہ قدم اوور بلنگ، ریڈنگ کی غلطیوں اور تاخیر جیسے مسائل کا مؤثر حل ہے، ایپ کے تحت اگر صارف مقررہ دن پر ریڈنگ اپ لوڈ کر دیتا ہے تو بجلی کمپنی کے میٹر ریڈر کی کسی بعد کی ریڈنگ کو نظر انداز کر دیا جائے گا اور صرف صارف کی فراہم کردہ ریڈنگ ہی بلنگ میں شمار ہوگی۔
حکام کا کہنا ہے کہ یہ صرف ایک ٹیکنالوجی فیچر نہیں بلکہ گورننس میں اصلاحات کی جانب ایک سنگِ میل ہے جو صارفین کو حقیقی معنوں میں بااختیار بنانے کا ذریعہ ہے، اس نظام کے ذریعے صارفین نہ صرف اپنے بل کی درستگی کو یقینی بنا سکیں گے بلکہ ریڈنگ کے عمل کے نگران بھی خود ہوں گے۔
ایپ کا ایک بڑا فائدہ ان صارفین کو حاصل ہوگا جو حکومتی سبسڈی کے مستحق ہیں، مثال کے طور پر، 200 یونٹس تک بجلی استعمال کرنے والے صارفین کا بل تقریباً 2,330 روپے آتا ہے، لیکن اگر ایک یونٹ بھی زائد ہو جائے تو سبسڈی ختم ہونے کے باعث بل اچانک 8,104 روپے تک جا پہنچتا ہے، پاور اسمارٹ ایپ کے ذریعے صارفین بروقت درست ریڈنگ دے کر اس سبسڈی سے مکمل طور پر مستفید ہو سکیں گے۔
وفاقی وزیر توانائی سردار اویس احمد خان لغاری، سیکریٹری توانائی ڈاکٹر فخر عالم اور وزارت کی ٹیم کو اس جدید، شفاف اور عوام دوست حل کی تیاری اور نفاذ پر سراہا جا رہا ہے، یہ ایپ بجلی کے نظام میں شفافیت، بلنگ میں درستگی، صارفین کو اختیار اور شکایات میں نمایاں کمی کا ذریعہ بنے گی۔
توانائی کے شعبے میں اس پیش رفت کو صارفین کے لیے ایک انقلابی قدم اور طویل مدتی پالیسی اصلاحات کا نقطۂ آغاز قرار دیا جا رہا ہے۔
.
ذریعہ
ذریعہ: Jasarat News
کلیدی لفظ: صارفین کو
پڑھیں:
واپڈا صارفین کے لیے خوشخبری، جون میں 20 پیسے فی یونٹ ریلیف برقرار
اسلام آباد،بجلی صارفین(awais laghari) کے لیے اچھی خبر سامنے آئی ہے کیونکہ جون 2026 کے دوران صارفین کو فی یونٹ 20 پیسے کا خالص ریلیف ملے گا جبکہ بجلی کی مجموعی قیمتوں میں کوئی اضافہ نہیں ہوگا۔
حکومتی ذرائع کے مطابق اس ریلیف کے نتیجے میں جون 2026 کے بجلی نرخ جنوری سے مئی 2026 کے مقابلے میں برقرار رہیں گے اور صارفین پر کوئی اضافی مالی بوجھ نہیں پڑے گا۔
پس منظر میں اپریل 2026 کے دوران عالمی توانائی منڈی کو شدید دباؤ کا سامنا رہا۔ ایران اور امریکا کے درمیان کشیدگی کے باعث آر ایل این جی کی قلت پیدا ہوئی جبکہ برینٹ خام تیل کی قیمت 70 ڈالر فی بیرل سے بڑھ کر 120 ڈالر فی بیرل تک پہنچ گئی۔
ماہرین کے مطابق اگر بروقت اقدامات نہ کیے جاتے تو صارفین پر 5 سے 6 روپے فی یونٹ تک اضافی بوجھ پڑ سکتا تھا۔حکومت نے صورتحال سے نمٹنے کے لیے محدود لوڈ مینجمنٹ، مارکیٹوں کی جلد بندش، مقامی گیس کی اضافی فراہمی اور فرنس آئل کے محدود استعمال سمیت متعدد اقدامات کیے۔
، جس کے نتیجے میں فیول ایڈجسٹمنٹ کا اثر صرف 1.73 روپے فی یونٹ تک محدود رہا۔ حکام کا کہنا ہے کہ ان اقدامات سے تقریباً 38 ارب روپے کا ممکنہ اضافی بوجھ صارفین پر منتقل ہونے سے بچ گیا۔
دوسری جانب بہتر انتظامی اصلاحات، لائن لاسز میں کمی، بجلی کی طلب میں اضافے اور مختلف ٹیرف پیکیجز کے مثبت اثرات کے باعث سہ ماہی ایڈجسٹمنٹ میں 1.93 روپے فی یونٹ کمی ہوئی۔
مزید پڑھیں:وفاقی کابینہ، ادویات ٹریک اینڈ ٹریس سسٹم نفاذ کی باقاعدہ منظوری دے دی
جس سے صارفین کو مجموعی طور پر 65 ارب روپے کا فائدہ پہنچا۔حکومت کا مؤقف ہے کہ توانائی کے شعبے میں بروقت فیصلوں اور مؤثر انتظامی حکمت عملی کے باعث عالمی اور علاقائی چیلنجز کے باوجود بجلی صارفین کو بڑے مالی بوجھ سے محفوظ رکھا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ