محرم الحرام اخوت اور بھائی چارے کا درس دیتا ہے، کوئٹہ کے علماء
اشاعت کی تاریخ: 30th, June 2025 GMT
کوئٹہ میں پریس کانفرنس سے خطاب کرتے ہوئے اہلسنت اور اہل تشیع کے علماء نے کہا کہ حضرت امام حسین علیہ السلام اور انکے رفقاء کی عظیم قربانی تاریخ میں ہمیشہ ایک مشعل راہ ثابت ہوگی۔ اسلام ٹائمز۔ اہل سنت و اہل تشیع کے علمائے کرام اور بلوچستان شیعہ کانفرنس کے رہنماؤں نے کہا ہے کہ محرم الحرام اخوت اور بھائی چارے کا درس دیتا ہے۔ ذاکرین و علماء کرام ماہ مقدس میں فرقہ واریت کی بیخ کنی اور امت مسلمہ کو متحد رہنے کا پیغام دیں۔ عالم اسلام نے بیداری اور ٹیکنالوجی سےعالم کفر کا مقابلہ کرنا ہوگا۔ انہوں نے مطالبہ کیا کہ محرم الحرام کے دوران سکیورٹی انتظامات کو مزید بہتر بنانے کیلئے اقدامات اٹھائے جائیں۔ کوئٹہ میں مشترکہ پریس کانفرنس کرتے ہوئے عالم دین ڈاکٹر عطاء الرحمٰن، پیرخالد سلطان القادری، بلوچستان شیعہ کانفرنس کے صدر عاشق حسین ہزارہ، امام جمعہ علامہ سید ہاشم موسوی ، قاری عبدالرحمٰن نورزئی، علامہ شہزاد عطاری، علامہ محمد موسیٰ حسینی، شیخ ولایت حسین جعفری اور دیگر نے کہا کہ حضرت امام حسین علیہ السلام اور ان کے رفقاء کی عظیم قربانی تاریخ میں ہمیشہ ایک مشعل راہ ثابت ہوگی۔
انہوں نے اپنی قربانی سے تاقیامت یہ درس دیا کہ ظلم کا ساتھ دینا ظلم ہے۔ مقررین نے کہا کہ قرآن پاک میں ہے کہ کسی بھی فرد کو یہ اجازت نہیں کہ محرم کے مہینے میں کسی کا خون بہائے، لیکن دس محرم الحرام کو قرآن پاک کے اس حکم کو پامال کیا گیا۔ یزید ملعون نے اسلامی قوانین کی پامالی کی۔ جس پر حضرت امام حسین علیہ السلام نے فیصلہ کیا کہ ظلم کے ساتھ زندہ رہنا ظلم ہے اور دس محرم کو یہی ان کے خطاب کا حصہ تھا۔ انہوں نے کہا کہ محرم الحرام کا مقدس مہینہ شروع ہے۔ اس ماہ میں حضرت امام حسین علیہ السلام اور انکے 72 رفقاء کو شہید کیا گیا۔ اس محرم میں ہمیں دنیا کو پیغام دینا ہے کہ امت مسلمہ متحد ہے۔ مسلمان متحد ہونگے تو طاغوتی طاقتیں ہم سے دور رہیں گی۔
ذریعہ: Islam Times
کلیدی لفظ: حضرت امام حسین علیہ السلام محرم الحرام نے کہا کہ کہ محرم
پڑھیں:
کوئٹہ ایف سی ہیڈ کوارٹر حملہ: 2 حملہ آوروں کی شناخت ہوگئی
کوئٹہ میں منگل کے روز ایف سی ہیڈ کوارٹر پر ہونے والے حملے کی تحقیقات میں اہم پیش رفت سامنے آئی ہے۔
پولیس کے کاؤنٹر ٹیررازم ڈیپارٹمنٹ یعنی سی ٹی ڈی ذرائع کے مطابق حملے میں شامل 2 دہشت گردوں کی شناخت کر لی گئی ہے۔
یہ بھی پڑھیں: کوئٹہ کے علاقے ماڈل ٹاؤن میں دھماکا، 10 افراد جاں بحق، 30 سے زائد زخمی
ذرائع کے مطابق ایک حملہ آور کا تعلق چاغی جبکہ دوسرے کا تعلق میزئی اڈا سے ہے، دونوں کی شناخت نادرا کے ریکارڈ کے ذریعے ممکن ہوئی۔
سی ٹی ڈی حکام کا کہنا ہے کہ دیگر حملہ آوروں کی شناخت کے لیے کے ڈی این اے سیمپل پنجاب فرانزک لیبارٹری بھجوا دیے گئے ہیں، جن کی رپورٹ کا انتظار ہے۔
یاد رہے کہ مشرقی کوئٹہ میں واقع ایف سی ہیڈکوارٹر کے قریب خودکش دھماکے میں ابتدائی طور پر12 افراد جاں بحق اور 33 زخمی ہوئے تھے۔
مزید پڑھیں: کوئٹہ کو خطرناک دہشتگردی سے بچا لیا گیا، سی ٹی ڈی بلوچستان
دھماکے کی آواز مشرقی علاقے ماڈل ٹاؤن اور اطراف میں دور تک سنی گئی جو کہ ایک حساس علاقہ ہے۔
سیکورٹی ذرائع کے مطابق، یہ خودکش حملہ فتنۃ الہندوستان کی کارروائی تھا، حملہ آور ایف سی کی وردی میں ملبوس تھا اور اس کے ہمراہ 5 دیگر دہشت گرد بھی موجود تھے۔
پولیس کے مطابق ابتدائی تحقیقات میں پتا چلا ہے کہ دھماکے میں 25 سے 30 کلو بارودی مواد استعمال کیا گیا، اس کے علاوہ ہلاک حملہ آوروں سے 15 دستی بم اور بھاری اسلحہ بھی برآمد ہوا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایف سی حملہ آور شناخت کوئٹہ ہیڈ کوارٹر
ایشیا کپ فائنل: بھارتی کپتان کا فوٹو شوٹ میں شرکت سے انکار پر سلمان آغا کا محتاط ردعمل