لاہور: خستہ حال مکان کی چھت گر گئی، 5 افراد زخمی
اشاعت کی تاریخ: 30th, June 2025 GMT
—فائل فوٹو
لاہور میں جین مندر کے قریب چوک پرانی انار کلی کے علاقے میں خستہ حال مکان کی چھت گرنے سے ملبے تلے دب کر 5 افراد زخمی ہوگئے۔
ریسکیو ترجمان کے مطابق لکڑی کے بالوں اور ٹائلوں سے بنی خستہ حال چھت بارشوں کی وجہ سے وزن برداشت نہ کرسکی اور منہدم ہوگئی۔
ملبے تلے دب کر کمرے میں موجود 5 افراد زخمی ہوگئے جنہیں ملبے سے نکال کر اسپتال منتقل کردیا گیا ہے۔
.ذریعہ: Jang News
پڑھیں:
کراچی: ہوائی فائرنگ سے جشن آزادی کی خوشیاں غم میں تبدیل، 3 افراد جاں بحق، 82 زخمی
کراچی (نیوز ڈیسک)کراچی میں جشن آزادی کے موقع پر کی جانے والی ہوائی فائرنگ نے خوشیوں کو غم میں بدل دیا۔ مختلف علاقوں میں فائرنگ کے واقعات کے نتیجے میں ایک آٹھ سالہ بچی اور ایک بزرگ سمیت تین افراد جاں بحق جبکہ 24 خواتین سمیت 82 افراد زخمی ہوگئے۔ جاں بحق اور زخمیوں کو فوری طور پر مختلف اسپتالوں منتقل کیا گیا، جبکہ پولیس نے ہوائی فائرنگ میں ملوث 20 ملزمان کو گرفتار کرلیا۔
ریسکیو حکام کے مطابق عزیز آباد میں آٹھ سالہ بچی مرحا گھر کے باہر موجود تھی کہ اندھی گولی لگنے سے موقع پر ہی دم توڑ گئی۔
لیاری آگرہ تاج شاہ عبدالطیف بھٹائی روڈ پر معمر شہری جمعہ خان کو بھی اندھی گولی لگی جس سے وہ جاں بحق ہوگئے۔
کورنگی ساڑھے تین نمبر پر اسٹیفن نامی شخص کو نامعلوم سمت سے چلائی گئی گولی لگی جو جان لیوا ثابت ہوئی۔
ہوائی فائرنگ سے زخمی ہونے والوں میں چھ بچے، ایک بچی اور چوبیس خواتین شامل ہیں۔
فائرنگ کے یہ واقعات لیاری، اورنگی ٹاؤن، ناظم آباد، لیاقت آباد، شریف آباد، سہراب گوٹھ، کورنگی، ملیر اور دیگر علاقوں میں پیش آئے۔
پولیس کا کہنا ہے کہ جشن منانے کے نام پر جان لیوا ہوائی فائرنگ کسی صورت برداشت نہیں کی جائے گی اور گرفتار ملزمان کے خلاف سخت کارروائی عمل میں لائی جا رہی ہے۔
Post Views: 4
گورنر سندھ کامران ٹیسوری اور سینیٹر علامہ راجہ ناصر عباس کے درمیان ملاقات جاری