جیف بیزوس اور لورین سانچز کی شادی کی مہنگی ترین تقریب؛ پُرتعیش عروسی لباس
اشاعت کی تاریخ: 30th, June 2025 GMT
دنیا کے امیر ترین افراد میں شامل جیف بیزوس اور لورین سانچز کی 3 روزہ شادی کی شاندار تقریب اٹلی کے تاریخی شہر وینس میں ہوئی جس میں عالمی شخصیات نے شرکت کی۔
عالمی خبر رساں ادارے کے مطابق اس شادی کو سال کی سب سے پُرشکوہ اور مکمل رازداری کے ساتھ انجام پانے والی شادی قرار دیا جا رہا ہے۔
تاریخی جزیرے سان جیورجیو ماجیور پر منعقد ہونے والی تقریب میں 200 قریبی مہمان شریک تھے۔ اس شادی کو دنیا کی مہنگی ترین تقاریب میں شمار کیا جارہا ہے جس پر تقریباً 55 ملین امریکی ڈالر (تقریباً 15 ارب پاکستانی روپے) خرچ ہوئے۔
شادی کی اختتامی تقریب آرسینالے میں منعقد ہوئی، جو قرون وسطیٰ کا بحری جہاز ساز مرکز رہا ہے اور آج کل وینس بینالے جیسے عالمی فنون لطیفہ کے میلے کی میزبانی کرتا ہے۔
جیف بیزوس اور لورین کو کشتی میں تقریب کی طرف جاتے ہوئے دیکھا گیا، جبکہ رپورٹرز اور فوٹوگرافرز ان کے تعاقب میں تھے۔
لورین سانچز نے تقریب کے دوران ایٹلیئر ورساچی کا گلابی لباس زیب تن کیا، جبکہ جیف بیزوس نے سیاہ قمیص کے ساتھ سوٹ پہن رکھا تھا۔ تقریب سے قبل جوڑے کو مشہور ہیری بار میں داخل ہوتے دیکھا گیا، جہاں کبھی ارنَسٹ ہیمنگوے جیسے ادیب بھی آتے تھے۔
خفیہ تقریب، ستاروں سے سجی شرکتشادی کی اصل تقریب جمعہ کو سان جارجیو مَجوری جزیرے پر منعقد ہوئی، جہاں صرف 200 مہمانوں کو مدعو کیا گیا۔ مہمانوں میں کارداشیئن فیملی، بل گیٹس، اوپرا وِنفرے، کارلی کلاس، جیرڈ کُشنر، ایوانکا ٹرمپ، اور اُشر شامل تھے۔
تقریب گاہ کے اندر کی کسی قسم کی ویڈیو یا تصویر سوشل میڈیا پر شیئر نہیں کی گئی۔
دلہن کا عروسی لباس، سب کی توجہ کا مرکز رہا
فیشن میگزین ووگ کے مطابق لورین نے تقریب کے لیے ڈولچے اینڈ گبانا کا خصوصی تیار کردہ لباس پہنا، جس پر 180 ریشمی بٹن لگے تھے جس کی تیاری میں 900 گھنٹے لگے۔
رات کے کھانے کے لیے انھوں نے ایک اور لباس پہنا جس کا آئیڈیا 1946 کی فلم "گِلڈا" سے لی گیا۔
اسی طرح اختتامی تقریب کے لیے انھوں نے آسکر ڈی لا رینٹا کا کرسٹل زدہ لباس پہنا جس پر 1,75,000 کرسٹل لگے تھے۔
دولہا جیف بیزوس نے بھی ڈولچی اینڈ گبانا کا کلاسک بلیک ٹکسڈو پہنا اور اپنے مخصوص ایوی ایٹر چشمے لگائے، تقریب میں معروف اطالوی گلوکار ماتیو بوچیلی نے ایلوس پریسلے کا مشہور گانا Can’t Help Falling in Love لائیو گایا۔
شادی کی قانونی حیثیتوینس کے میئر کے دفتر نے واضح کیا کہ انہیں شادی کے حوالے سے کوئی سرکاری درخواست موصول نہیں ہوئی، جس سے اندازہ ہوتا ہے کہ یہ تقریبات صرف علامتی نوعیت کی تھیں۔ قانونی شادی شاید پہلے ہی امریکا میں ہوچکی ہو۔
مہمانوں کی چمک دمکتقریبات کے دوران مہمانوں نے معروف ڈیزائنرز کے ملبوسات پہن رکھے تھے جیسے روبرٹو کاوالی، ورساچی، ڈولچے اینڈ گبانا، دیور، آسکر ڈی لا رینٹا وغیرہ۔ اوپرا وِنفرے نے گلابی مرمیڈ اسٹائل کا لباس پہنا، کم کارداشیئن نے چاکلیٹی ٹون والا لباس پہنا، جبکہ کائلی جینر نیلے رنگ کا لیس والا کارسیٹ گاؤن پہن کر آئیں۔
بعض مہمان، جیسے اُشر، رات کے اختتامی فنکشن میں نائٹ ویئر تھیم کے مطابق پاجامہ اور نائٹی اسٹائل کے ملبوسات میں آئے۔
احتجاج اور سیکیورٹیاگرچہ شادی پر لاکھوں ڈالر خرچ کیے گئے اور وینس کے سیاحتی ادارے کے مطابق اس سے شہر کو سال بھر کی آمدنی کا 68 فیصد ایک ہی ہفتے میں حاصل ہوا، لیکن ماحولیاتی کارکنوں نے احتجاج بھی کیا۔
گرین پیس اور ایکسٹنکشن ریبیلین جیسی تنظیموں نے شادی کے خلاف بینرز لگائے اور مظاہرے کیے، جن میں ایک بینر پر لکھا تھا:
"اگر آپ وینس کو شادی کے لیے کرائے پر لے سکتے ہیں، تو آپ مزید ٹیکس بھی دے سکتے ہیں۔"
رومانوی لمحات اور رسمی تبدیلیشادی کے فوری بعد لورین سانچز نے اپنا انسٹاگرام نام بدل کر Lauren Sanchez Bezos رکھ لیا، جبکہ جیف بیزوس کو شادی کی انگوٹھی پہنے بھی دیکھا گیا۔
یہ شادی نہ صرف فیشن اور شہرت کی دنیا میں موضوعِ بحث بنی، بلکہ وینس کے ماحول، معیشت اور سیاست میں بھی نمایاں اثرات چھوڑ گئی۔
.
ذریعہ: Express News
کلیدی لفظ: لورین سانچز جیف بیزوس لباس پہنا کے مطابق شادی کی شادی کے کے لیے
پڑھیں:
آر سی اے کے زیراہتمام عظیم الشان تقریب تقسیم انعامات کا انعقاد کیا گیا
data-id="863a0a8" data-element_type="widget" data-widget_type="theme-post-content.default">
251124-02-1
ریاض (سید مسرت خلیل) سعودی عرب کے سینٹرل پروانس میں شائقین کرکٹ کی سب سے قدیم اور بڑی تنظیم ریاض کرکٹ ایسوسی ایشن (آر سی اے) کے زیراہتمام ایک عظیم الشان تقریب تقسیم انعامات کا انعقاد کیا گیا۔ جس کے مہمان خصوصی سعودی عرب میں میڈیا ریگولیشن اتھارٹی سے رجسٹرڈ معروف سینئراسپورٹس جنرنلسٹ سید مسرت خلیل تھے۔ جو خاص طور پر جدہ سے تشریف لائے تھے۔ تقریب میں پرنس عبدالعزیز بن ناصر ٹرافی، شہید محمد انور میموریل کرکٹ ٹورنامنٹ اور عبدالکریم خان میموریل ٹی ٹوئنٹی ٹورنامنٹ کی فاتح ٹیموں کو اعزاز سے نوازا گیا۔ تقریب میں ایسوسی ایشن سے منسلک 80 سے زائد کلبوں کے کپتانوں، منیجرز اور انعام یافتہ کھلاڑیوں نے شرکت کی۔ آر سی اے کے سینئر نائب صدر ناصر محمود عباسی نے مہمانوں کا خیرمقدم کیا اور ایسوسی ایشن کی پیش رفت پر روشنی ڈالی۔ انھوں نے ٹیموں اور کھلاڑیوں کو آر سی اے کے مسلسل تعاون کا یقین دلایا۔ انھوں نے ایونٹ کے اسپانسرز منی گرام اور موبائلی کا بھی شکریہ ادا کیا۔تقریب کے شرکاء نے محمد انور شہید اورعبدل کریم خان کے لئے فاتحہ خوانی بھی کی۔ سعودی عرب کے مایہ ناز آل راؤنڈر اور ریاض کرکٹ ایسوسی ایشن کے سی ای او محمد ندیم بابر، جنہیں خلیج کے ڈاؤن بریڈمین کے خطاب سے نوازا گیا نے آر سی اے کے سرپرست آعلیٰ شہزادہ ڈاکٹر جنرل عبدالعزیز بن ناصر بن عبدالعزیز آل سعود کا شکریہ ادا کیا کہ انہوں نے ریاض میں کرکٹ ایونٹس منعقد کرنے کا موقع فراہم کیا اور دل کھول کر اپنے ذاتی میدانوں کو مفت استعمال کرنے کی اجازت دی۔ ندیم بابر نے ایگزیکٹو کمیٹی کے ممبران بالخصوص سینئر نائب صدر ناصر عباسی کی دلی تعریف کی۔ انھوں عاطف امین، میڈیا اینڈ لیگ کوآرڈینیٹرفرحان خیری، لیگ کوآرڈینیٹرمسٹر بیسٹن، اوردیگر تمام آر سی اے ایگزیکٹیو کمیٹی کے اراکین کو ان کے تعاون اور خدمات پر خراج تحسین پیش کیا اور ریاض کرکٹ ایسوسی ایشن نے ایونٹ کو کامیاب بنانے پر ٹیموں، سپانسرز اور رضاکاروں کا شکریہ ادا کیا۔ مہمانِ خصوصی سید مسرت خلیل نے اپنے خیالات کا اظہار کرتے ہوئے ایونٹ کو یادگار قرار دیا۔ انہوں نےاتنی بڑی اوریادگار تقریب منعقد کرنے پر ریاض کرکٹ ایسوسی ایشن کے اراکین اورسی ای او ندیم بابر کی محنت کی تعریف۔ انھوں نے ٹرافیز اور شیلڈز کے معیار کی بھی تعریف کی۔ تقریب کا اختتام پُرتکلف عشائیہ پر ہوا۔
ملکی استحکام کیلیے مزید ترامیم کرنا پڑیں تو بھی کرینگے ‘ طلال چودھری