کیا چوہدری نثار عمران خان سے ملاقات کے لیے اڈیالہ جیل جا رہے ہیں؟
اشاعت کی تاریخ: 2nd, July 2025 GMT
سینیئر سیاستدان چوہدری نثار نے پاکستان مسلم لیگ ن کے ساتھ 35 سال کی رفاقت کو 2018 کے عام انتخابات سے قبل ختم کر دیا تھا، جس کے بعد عمران خان انتخابی جلسوں میں متعدد بار چوہدری نثار کو پی ٹی آئی میں شمولیت کی دعوت دے چکے تھے جبکہ چوہدری نثار بھی واضح کر چکے تھے کہ ان کی عمران خان کی پرانی دوستی ہے لیکن اس کے باوجود وہ پی ٹی آئی میں شامل نہیں ہو سکتے۔
وقت کے ساتھ ساتھ مسلم لیگ ن اور چوہدری نثار کے درمیان فاصلے بڑھ گئے تھے اور چوہدری نثار سیاسی منظرنامے سے غائب ہوتے چلے گئے۔
یہ بھی پڑھیے: چوہدری نثار کی کسی سیاسی جماعت میں شمولیت کا امکان نہیں، قریبی ذرائع
مسلم لیگ ن سے علیحدگی کے 7 سال بعد گزشتہ سال ستمبر میں پہلی مرتبہ وزیراعظم شہباز شریف چوہدری نثار کی ہمشیرہ کی وفات پر فاتحہ کے لیے ان کے گھر گئے تھے۔ 2 روز قبل ایک مرتبہ پھر سے وزیر اعظم شہباز شریف کی چوہدری نثار سے ملاقات ہوئی ہے، اور وزیراعظم آفس کی جانب سے جاری اعلامیہ کے مطابق وزیراعظم شہباز شریف نے چوہدری نثار کی خیریت دریافت کی اور ملکی اور عالمی صورت حال پر گفتگو کی، جبکہ یہ ملاقات خوشگوار ماحول میں ہوئی ہے۔
اب سوشل میڈیا پر ایک اور خبر سامنے آ رہی ہے کہ چوہدری نثار اب عمران خان سے ملاقات کے لیے اڈیالہ جیل جا رہے ہیں، وی نیوز نے اس حوالے سے چوہدری نثار کے قریبی ساتھی سے گفتگو کی اور جاننے کی کوشش کی کہ کیا چوہدری نثار عمران خان سے ملاقات کے لیے اڈیالہ جیل جا رہے ہیں؟
یہ بھی پڑھیے: وزیراعظم شہباز شریف کی چوہدری نثار سے اہم ملاقات، سیاسی صورت حال پر تبادلہ خیال
چوہدری نثار کے قریبی ذرائع کا کہنا ہے کہ اس وقت تو عمران خان اور چوہدری نثار کی ملاقات کا کوئی امکان نہیں ہے، چوہدری نثار نے ابھی کسی بھی سیاسی جماعت میں شمولیت کا فیصلہ نہیں کیا ہے، البتہ آئندہ ہفتے وہ اپنے سیاسی مستقبل کے حوالے سے میڈیا سے گفتگو کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بانی پی پی ٹی آئی چوہدری نثار ملااقات وزیر اعظم.ذریعہ: WE News
کلیدی لفظ: بانی پی پی ٹی آئی چوہدری نثار ملااقات چوہدری نثار کی شہباز شریف سے ملاقات کے لیے
پڑھیں:
وزیراعظم شہباز شریف کی نواز شریف سے ملاقات، اہم امور پر تبادلہ خیال
وزیراعظم پاکستان شہباز شریف نے مسلم لیگ (ن) کے صدر اور سابق وزیراعظم میاں نواز شریف سے جاتی امرا میں اہم ملاقات کی، جس میں قومی امور اور حالیہ غیر ملکی دوروں پر تفصیلی گفتگو ہوئی۔
یہ بھی پڑھیں: ایک وزیراعظم کو جہاز سے اتارا گیا، آج شہباز شریف کو سعودی جنگی طیاروں نے سلامی دی، مریم نواز
میڈیا رپورٹس کے مطابق وزیراعظم نے اپنے بڑے بھائی کو حالیہ بین الاقوامی دوروں کے حوالے سے آگاہ کیا اور آزاد کشمیر کی موجودہ صورتحال، ساتھ ہی کامیاب مذاکرات کی تفصیلات پر بھی بریفنگ دی۔
وزیراعظم شہباز شریف نے میاں نواز شریف کو آزاد کشمیر میں سیاسی پیش رفت اور مذاکراتی عمل کی کامیابیوں سے متعلق تفصیل سے آگاہ کیا۔
دوسری جانب وزیراعظم شہباز شریف کل ملائیشیا کے 2 روزہ سرکاری دورے پر روانہ ہوں گے، یہ دورہ ملائیشیائی ہم منصب انور ابراہیم کی دعوت پر کیا جا رہا ہے۔
میڈیا رپورٹس کے مطابق وزیراعظم ملائیشیا کے اعلیٰ حکام سے ملاقاتوں میں دو طرفہ تعلقات، اقتصادی تعاون اور سرمایہ کاری کے امکانات پر بات چیت کریں گے۔
یہ بھی پڑھیں: شہباز شریف سے ملاقات کے بعد چوہدری نثار کی نواز شریف کے خلاف پرانی ویڈیو وائرل
واضح رہے کہ ملائیشیا کے وزیراعظم انور ابراہیم نے میاں نواز شریف کو بھی ملائیشیا کے دورے کی دعوت دی تھی، تاہم نواز شریف نے مصروفیات کے باعث اس دعوت کا شکریہ ادا کرتے ہوئے کسی مناسب وقت پر دورہ کرنے کی یقین دہانی کرائی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آزاد کشمیر صورت حال جاتی امرا شہباز شریف ملاقات نواز شریف وزیراعظم پاکستان وی نیوز
کپل شرما سے بھتہ مانگنے والا گینگسٹر گرفتار