جاوید اختر متنازعہ مذہبی بیان دینے پر ایک بار پھر شدید تنقید کی زد میں
اشاعت کی تاریخ: 3rd, July 2025 GMT
بھارتی مصنف اور نغمہ نگار جاوید اختر ایک بار پھر اپنے متنازع بیان کے باعث سوشل میڈیا پر تنقید کی زد میں آ گئے ہیں۔
ایک تقریب کے دوران دیے گئے ان کے بیان کی ویڈیو سوشل میڈیا پر تیزی سے وائرل ہو رہی ہے جس میں وہ جنت اور جہنم سے متعلق طنزیہ تبصرہ کرتے نظر آرہے ہیں۔
ویڈیو میں جاوید اختر کہتے ہیں کہ "جنت میں میرے پسندیدہ پھل، جیسے کیلا اور امرود نہیں ہیں، شاید یہ پھل جہنم میں ہوں، اسی لیے میں جنت جانے کی کوشش نہیں کرتا"۔
بھارتی مصنف کے اس متنازع بیان پر تقریب میں موجود افراد ہنستے نظر آئے، تاہم سوشل میڈیا پر صارفین نے اس بیان پر شدید ردعمل دیا ہے۔ کئی صارفین کا کہنا ہے کہ جاوید اختر نے محض چند لوگوں کو ہنسانے کے لیے اپنی آخرت خراب کرلی ہے۔
واضح رہے کہ یہ بیان انہوں نے دو سال قبل ایک تقریب کے دوران دیا تھا جو اب ایک مرتبہ پھر سوشل میڈیا پر وائرل ہو رہا ہے تاہم یہ پہلی مرتبہ نہیں جب ان کا کوئی متنازع بیان سوشل میڈیا پر وائرل ہوا ہو۔
یاد رہے کہ اس سے قبل بھی جاوید اختر پاکستان اور مذہب سے متعلق مختلف متنازع بیانات دے چکے ہیں جن پر انہیں شدید تنقید کا سامنا کرنا پڑا تھا۔ ایک پرانے پروگرام میں وہ کہہ چکے ہیں کہ اگر انہیں پاکستان اور جہنم میں سے کسی ایک کا انتخاب کرنا ہو تو وہ جہنم کو ترجیح دیں گے۔
.
ذریعہ: Express News
کلیدی لفظ: سوشل میڈیا پر جاوید اختر
پڑھیں:
کیا ہانیہ عامر کی شادی ہو رہی ہے؟ سوشل میڈیا پر نئی بحث چھڑ گئی
سوشل میڈیا پر پاکستانی خوبرو اداکارہ ہانیہ عامر کی شادی کی باتیں ہو رہی ہیں کیونکہ صارفین ایک ویڈیو دیکھ کر چونک اٹھے اور انہیں لگا کہ اداکارہ شادی کرنے جا رہی ہیں۔
لیکن ویڈیو دیکھنے کے بعد صارفین کو اندازا ہوا کہ یہ ہانیہ عامر نہیں بلکہ ان کی ایک اور ہمشکل ہیں جن کی تصاویر اور ویڈیوز سوشل میڈیا پر وائرل ہو رہی ہیں۔
وائرل ویڈیو میں ہانیہ عامر کی ہمشکل بشریٰ میمن شارٹ ہیئر اسٹائل میں ہانیہ عامر کی طرح دکھائی دے رہی تھیں۔ انہوں نے ہاتھوں میں گجرے پہن رکھے تھے اور گلدستے موصول کرتے ہوئے وہ مسکراتی نظر آئیں۔
سوشل میڈیا صارفین ان ویڈیوز اور تصاویر پر حیرت کا اظہار کر رہے ہیں اور ان کا کہنا ہے کہ خاتون اداکارہ ہانیہ عامر سے کافی مماثلت رکھتی ہیں۔ ان کی لُک اور انداز ہو بہو ہانیہ جیسا ہے۔
View this post on Instagram
A post shared by Bushra_Memon (@bushra_memon77)
کئی صارفین نے کہا کہ پہلی نظر میں انہیں لگا کہ یہ ہانیہ عامر ہیں، ایک صارف نے ویڈیو پر تبصرہ کرتے ہوئے کہا کہ مجھے لگا ہانیہ عامر کی منگنی ہو گئی ہے، جبکہ ایک صارف نے تنقید کرتے ہوئے کہا کہ آپ ہر وقت ہانیہ کو کاپی کیوں کرتی ہیں کیا آپ کی اپنی کوئی شخصیت نہیں ہے۔
واضح رہے کہ ایسا پہلی بار نہیں ہوا کہ ہانیہ عامر کی ہمشکل سامنے آئی ہو بلکہ اس سے قبل دسمبر 2021 میں بھی ہانیہ عامر کی ایک ہمشکل خاتون سامنے آئی تھیں جن کا تعلق سوئیڈن سے تھا۔ اور 2021 میں ہی رابعہ نامی ایک دُلہن کی کچھ تصویریں وائرل ہوئی تھیں جن میں وہ ہو بہو اداکارہ ہانیہ عامر لگ رہی تھیں۔
پھر 2023 میں ترکیہ سے تعلق رکھنے والی خاتون لینا اوزترک گلچو جو ایک سوشل میڈیا انفلوئنسر ہیں ان کی ویڈیوز بھی کافی وائرل ہوئی تھیں کہ یہ ہانیہ عامر سے مشابہت رکھتی ہیں۔
اس کے بعد جولائی 2024 میں اداکارہ ہانیہ عامر کے چہرے سے مماثلت رکھنے والا ایک اور شخص سامنے آیا جس کا سوشل میڈیا پر خوب چرچا ہوا۔ اس لڑکے کو اس کی گوری رنگت اور چہرے کے ڈمپل کی وجہ سے ہانیہ عامر کا ہمشکل قرار دیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ہانیہ عامر ہانیہ عامر منگنی ہانیہ عامر ہمشکل
بی جے پی ریاستی درجہ بحال کرنے کے حوالے سے ٹال مٹول سے کام لے رہی ہے، رہنما نیشنل کانفرنس