اسمبلیاں مار دھاڑ اور ہنگامہ آرائی کے لئے نہیں بنیں ،سعد رفیق
اشاعت کی تاریخ: 4th, July 2025 GMT
لاہور(نیوز ڈیسک) پنجاب اسمبلی میں اپوزیشن اراکین کی رکنیت معطلی کے معاملے پر رہنما مسلم لیگ (ن) خواجہ سعد رفیق بول پڑے۔ ان کا کہنا تھا کہ اسمبلیاں جیسی بھی ہوں، اختلاف یا اتفاق رائے کے لیے بنتی ہیں نہ کہ مار دھاڑ یا ہنگامہ آرائی کے لیے۔
سعد رفیق نے کہا کہ پنجاب اسمبلی میں پیدا ہونے والا حالیہ مسئلہ اسمبلی کے اندر ہی حل ہونا چاہیے اور اس کے لیے تمام جماعتوں کو اپنا کردار ادا کرنا ہوگا۔ انہوں نے کہا کہ رکنیت کی معطلی اسپیکر کا آئینی اختیار ہے، مگر اراکین کی مستقل رکنیت ختم کروانے کی کوئی کوشش نہ کی جائے۔
خواجہ سعد رفیق نے کہا کہ اگر اراکین اسمبلی کو اس طریقے سے باہر نکالنے کی روایت پڑی تو آنے والی اسمبلیاں بھی اسی راستے سے گزریں گی۔ پھر کل کو مسلم لیگ (ن) سمیت تمام جماعتیں اسی بہشتی دروازے سے نکالی جائیں گی۔
خواجہ سعد رفیق نے کہا کہ جب یوسف رضا گیلانی کو وزارتِ عظمیٰ سے نکالا گیا تو وہ بھی اس اقدام کے خلاف تھے۔ میں نے تب بھی کہا تھا کہ وزرائے اعظم کو عدالتی پچھلے دروازے سے نکالنے کی روایت جمہوریت کے لیے خطرناک ہے۔
سعد رفیق نے کہا کہ مفلوک الحال اور لاغر جمہوریت پر رحم کیا جائے، اپنی پگڑی کسی اور کے ہاتھ نہ دی جائے۔ ان کا کہنا تھا کہ سیاسی اختلافات کو پارلیمانی دائرے میں حل کیا جانا چاہیے اور جمہوری نظام کو مزید کمزور نہیں کرنا چاہیے۔
Post Views: 2.ذریعہ: Daily Mumtaz
کلیدی لفظ: سعد رفیق نے کہا کہ کے لیے
پڑھیں:
بجٹ کی سیاہی بھی خشک نہیں ہوئی قوم پر پیٹرول بم گرادیا ،رفیق منصوری
data-id="863a0a8" data-element_type="widget" data-widget_type="theme-post-content.default">
ٹنڈوآدم ( نمائندہ جسارت)امیر جماعت اسلامی ضلع سانگھڑ محمد رفیق منصوری ، نائب امرا سید ارشاد ظفر بخاری ، ظہیر الدین جتوئی ، جنرل سیکرٹری ارشد خاصخیلی ، جوائنٹ سیکرٹری راجا وسیم ، علیم اکرام اور عمران غوری نے اپنے ایک مشترکہ بیان میں حکومت کی جانب سے پیٹرولیم مصنوعات کی قیمتوں میں ہوشربا اضافے کی سخت الفاظ میں مذمت کرتے ہوئے کہا ہے کہ حکومت نے اچانک پیٹرول و ڈیزل کی قیمتوں میں اضافہ کرکے عوام کی کمر توڑ دی ہے انہوں نے کہا کہ ابھی بجٹ کی سیاہی بھی خشک نہیں ہوئی تھی کہ قوم پر ایک اور پیٹرول بم گرایا گیا ہے گیس کی قیمتوں میں 50 فیصد اضافے کے بعد پیٹرولیم مصنوعات کی قیمتوں میں اضافہ بیشرمی اور بے حسی کی انتہا ہے پیٹرولیم اور گیس کی قیمتوں میں اضافے سے ملک میں مہنگائی کا ایک نیا طوفان آئے گا کاروباری سرگرمیاں ماند اور معیشت شدید مشکلات کا شکار ہو جائے گی ۔انہوں نے کہا کہ حکمران اپنی شاہ خرچیوں کو پورا کرنے اور آئی ایم ایف کا ایجنڈہ پورا کرنے کیلئے عوام کا خون نچوڑ رہے ہیں ۔انہوں نے حکومت سے مطالبہ کیا کہ وہ اپنے شاہی اخراجات میں کمی کرے اور وزرا ، ممبران اسمبلی اسپیکر کی تنخواہوں اور مراعات میں حالیہ اضافے کو ختم کرے، گیس و پیٹرولیم مصنوعات کی قیمتوں میں اضافہ واپس لے تاکہ مہنگائی کی چکی میں پسی ہوئی عوام سکھ کا سانس لے سکے۔
بلوچستان کی رس بھری چیری دنیا بھر میں مشہور، برآمد کرنے کے لیے جدید اقدامات