جعفرایکسپریس کوسکیورٹی خدشات پرجیکب آباد میں روک لیا گیا
اشاعت کی تاریخ: 5th, July 2025 GMT
data-id="863a0a8" data-element_type="widget" data-widget_type="theme-post-content.default">
جیکب آباد:پشاور سے کوئٹہ آنے والی جعفر ایکسپریس کو سکیورٹی خدشات پر سندھ کے ضلع جیکب آباد میں روک لیا گیا۔ ریلوے حکام کے مطابق جمعہ کی صبح میر پور ماتھیلو کے مال گاڑی کے ڈبے کے پٹری سے اتر جانے سے گاڑیوں کی آمد ورفت متاثر ہوئی ، جس کی وجہ سے پشاور سے کوئٹہ آنے والی جعفر ایکسپریس 14گھنٹے کی تاخیر سے جیکب آباد پہنچی۔
ریلوے حکام کا کہنا ہے کہ سکیورٹی حکام نے سیکورٹی خدشات کی بنا پر جعفر ایکسپریس کو جیکب آباد میں روک لیا۔ ریلوے حکام کے مطابق جعفرایکسپریس کو ہفتہ کی صبح کوئٹہ کےلیے روانہ کیا جائے گا ، تاہم کوئٹہ سے پشاور جانے والی جعفرایکسپریس آج صبح مقررہ وقت پر روانہ ہوگی۔
یاد رہے11 مارچ 2025ءکو جعفر ایکسپریس جو کہ کوئٹہ سے پشاور جا رہی تھی، بلوچستان کے ضلع سبی کے قریب درہ بولان میں دہشت گردوں نے حملہ کیا تھا۔
یہ حملہ کالعدم بلوچستان لبریشن آرمی (بی ایل اے) نے کیا تھا۔ اس حملے میں ٹرین کو ہائی جیک کرنے کی کوشش کی گئی اور مسافروں کو یرغمال بنایا گیا تھا تاہم، سیکیورٹی فورسز نے بروقت کارروائی کرتے ہوئے 339 مسافروں کو بازیاب کرایا اور 33 دہشت گردوں کو ہلاک کیا تھا۔ اس حملے میں 21 مسافر اور 4 سیکورٹی اہلکار شہید ہوئے۔ دہشت گردوں کے حملوں کا نشانہ بننے والی جعفر ایکسپریس کوسخت سیکورٹی میں 17 روز کے بعد کوئٹہ سے پشاور کے لیے روانہ کیا گیا تھا۔
.ذریعہ: Jasarat News
کلیدی لفظ: جعفر ایکسپریس ایکسپریس کو جیکب آباد والی جعفر سے پشاور
پڑھیں:
اسلام آباد: پروٹوکول میں برطانیہ جانے کی کوشش کرنے والی برٹش خاتون سے منشیات برآمد
نیو اسلام آباد انٹرنیشنل ائیرپورٹ پر برطانوی شہریت کی حامل خاتون کے سامان سے منشیات برآمد کرلی گئی۔
رپورٹ کے مطابق سرگودھا سے تعلق رکھنے والی مہوش نامی خاتون ایئرپورٹ پہنچی، خاتون نجی ایئر لائن کی پرواز کے زریعے برطانیہ جانا چاہتی تھی۔
زرائع نے کہا کہ خاتون کو ایئرپورٹ پر ایک سرکاری محکمے کا سب انسپکٹر پروٹوکول دے رہا تھا، اے ایس ایف کے پہلے بیگج اسکینگ مشین کاؤنٹر سے سامان کلئیر کردیا گیا۔
بورڈنگ کے بعد خاتون ہینڈ کیری کے ساتھ دوسرے اسکینگ پوائنٹ پر پہنچی تو سامان میں رکھے پشاوری جوتوں سے ایک کلو گرام کے قریب ہیروئن برآمد ہوئی، منشیات جوتوں کے تلوں میں چھپائی گی تھی۔
منشیات برآمد ہونے پر ایئرپورٹ پر کھبلی مچ گیا، خاتون کو تحویل میں لیا گیا تو ابتداہی بیان میں بتایا کہ اس کو جوتے کسی نے برطانیہ میں کسی کو دینے کے لیے دیے تھے۔
خاتون کو پروٹوکول دینے والے سرکاری محکمے کے اہلکار سے اس حوالے سے تحقیقات کی گئی تو وہ بھی کسی کے کہنے پر پروٹوکول کے لیے موجود پایا گیا۔
ایئرپورٹ ڈیپارچر لاؤنج کے اے ایس ایف کے پہلے کاؤنٹر کی اسکینگ سے منشیات کے ساتھ سامان کسے کلیئر ہوا، اس کی بھی تحقیقات شروع کردی گئیں۔
زرائع نے کہا کہ خاتون مسافر کو برآمد ہونے والی منشیات سمیت اے این ایف کے حوالے کردیا گیا۔
کراچی: چائے کے ہوٹل پر معمولی تلخ کلامی نوجوان کی جان لے گئی، 6 دوست گرفتار