مریم نواز ڈی ایچ کیو ہسپتال پاکپتن پہنچ گئیں، شکایات کے انبار، سی ای او ہیلتھ، ایم ایس کی گرفتاری کا حکم
اشاعت کی تاریخ: 5th, July 2025 GMT
لاہور(نوائے وقت رپورٹ) وزیراعلیٰ مریم نواز شریف خود ڈی ایچ کیو ہسپتال پاکپتن پہنچ گئیں اور ہسپتال کے مختلف وارڈ زکا معائنہ کیا۔ مریضوں اور اہل خانہ نے ہسپتال میں میڈیسن نہ ملنے ،بد نظمی، علاج میں غفلت پر شکایات کے انبار لگا دیے۔ مریضوں نے بار بار میڈیسن باہر سے منگوانے کی شکایت کیں۔ہسپتال کے سٹور میں میڈیسن موجود ہونے کے باوجود فارمیسی سے گٹھ جوڑ کرکے دوائیاں باہر سے منگوائی جارہی تھیں۔ وزیراعلیٰ مریم نواز شریف نے ایم ایس اور دیگر ذمہ داروں کی حقائق کی پردہ پوشی کی کوشش کرنے پر سخت ایکشن لیا۔ وزیراعلیٰ مریم نواز شریف نے سی ای او ہیلتھ پاکپتن ڈاکٹر سہیل اصغر اور ایم ایس ڈاکٹر عدنان غفار کیخلاف مجرمانہ غفلت پر قانون کے مطابق مقدمہ درج کرکے گرفتار کرنے کی ہدایت کی ، ساہیوال سے نئے ایم ایس کو ڈی ایچ کیو ہسپتال پاکپتن تعینات کردیا گیا۔ وزیراعلیٰ نے مریضوں اور اہل خانہ سے 50 اور 100 روپے پارکنگ فیس لینے کی شکایت پر پارکنگ کمپنی کے مالک اور انچارج کی گرفتاری کی بھی ہدایت کی۔ پرائیویٹ لیب سے ملی بھگت کرنے پر تین لیب ٹیکنیشن نوکری سے فارغ کرنے اور ملی بھگت پر تین پرائیویٹ لیب سیل کرنے کا حکم دیا۔ وزیراعلیٰ مریم نواز نے ڈی سی کو محرم الحرام کے بعد چارج چھوڑنے کی ہدایت کی اورہسپتال کے ایکوپمنٹ آڈٹ کا حکم بھی دیا۔ وزیراعلیٰ نے دفاتر میں اے سی چلنے، وارڈز اور مریضوں کے بند ہونے پر برہمی کا اظہار کیا۔ سٹور میں ادویات موجود ہونے کے باوجود مریضوں کو میڈیسن نہ ملنے پر سخت سرزنش کی۔ مریم نواز نے سرکاری ہسپتالوں میں کوڈ ریڈ اور کوڈ بلیو سسٹم نافذ کرنے کا حکم دیا اور ہسپتالوں میں دوران ڈیوٹی ڈاکٹروں، پیرا میڈیکل سٹاف کے موبائل استعمال پر پابندی کے لئے اقدامات ، ہسپتالوں میں رابطے کے لئے پیجر سسٹم نافذ کرنے کی بھی ہدایت کی،وزیراعلیٰ مریم نواز شریف نے کہا کہ ذمہ داروں کو احساس دلانے کے لئے سخت فیصلے ضروری ہیں۔ تمام انکوائریز کے فیصلے ایک ہفتے کے اندر کیے جائیں۔ وزیراعلیٰ نے ڈی ایچ کیو ہسپتال کے مختلف وارڈزکا دورہ مختلف وارڈز،سٹور اور لیب کا معائنہ کیا۔ مریم نواز نے وارڈز میں زیر علاج مریضوں کے پاس جاکر فرداًفرداً مزاج پرسی کی اور ہسپتال کی انتظار گاہ میں بیٹھے مریضوں اور اہل خانہ سے بات چیت کرکے ادویات کی فراہمی اور علاج کے بارے میں دریافت کیا۔ وزیراعلیٰ نے کہا کہ سٹور میں دوائیاں موجود ہیں اور پرچی پر لکھ کر میڈیسن باہر سے منگوائی جاتی ہیں۔ 100ارب روپے میڈیسن کے لئے دے رہے ہیں، عوام کو دوائی کیوں نہیں مل رہی؟۔ وزیراعلیٰ نے ڈی ایچ کیو ہسپتال میں مفت ادویات کے لئے اعلان نہ ہونے پر برہمی کا اظہار کیا۔ ٰ مریم نواز نے کہا کہ کوشش کریں توحالات کا پتہ چل سکتا ہے، ہسپتال کے ایک راؤنڈ میں صورتحال سامنے آگئی۔ ڈی ایچ کیو میں 90 فیصد مریض باہر سے ادویات منگوانے کی شکایت کررہے ہیں۔ درکار مشینری اور آلات پیک پڑے ہوئے ہیں لیکن استعمال میں نہیں لائے جاتے۔ ہسپتالوں اور اداروں میں کام نہ کرنے والے قوم کے اصل ملزم ہیں۔ ڈاکٹروں اور نرسوں کی کمی نہیں، خدمت کے احساس کا فقدان ہے۔ کیا لوگ ہسپتالوں میں مرنے کے لئے آتے ہیں؟ مجرمانہ غفلت پر اللہ تعالیٰ کو بھی جواب دینا ہوگا، مجھ سے بچ سکتے ہیں اللہ کی پکڑ سے کیسے بچیں گے۔دوسروں کے بچوں کو اپنی نظر سے دیکھنا سیکھیں۔ قتل کرنے کے لئے ہتھیار ضروری نہیں ہوتے، مجرمانہ غفلت بھی ہلاکت کا باعث بن سکتی ہے۔وزیراعلیٰ زیرِ صدارت اجلاس کو پیش کردہ انکوائری رپورٹ کے مطابق ڈسٹرکٹ ہیڈ کوارٹر کے ایم ایس اپنی انتظامی ذمہ داری ادا کرنے میں ناکام رہے۔ ہسپتال کے کنسلٹنٹ اور ڈاکٹرز مریضوں کی دیکھ بھال کے لئے مناسب وقت نہیں دے رہے تھے۔ ہسپتال میں درکار آلات سٹور میں موجود ہیں، استعمال میں نہیں لائے گئے۔ مریضوں کے علاج میں تاخیر کی وجہ کنسلٹنٹ، ڈاکٹروں اور عملے کی بے حسی ہے۔ انکوائری رپورٹ کے مطابق ماہر ڈاکٹررات کے وقت راؤنڈ نہیں لگاتے۔ پیڈز انکوبیٹر موجود ہیں مگر فنکشنل نہیں۔ ڈی ایچ کیو ہسپتال پاکپتن ہیلتھ کیئر کمیشن کے قواعدو ضوابط پوری طرح فالو نہیں کیے جارہے تھے۔ ڈی ایچ کیو ہسپتال میں مریضوں کے لئے ایمرجنسی پروٹوکول پر عملدر آمد نہیں دیکھا گیا۔ ڈی ایچ کیو ہسپتال کریٹیکل کا سٹاف ٹرینڈ نہیںہے مریم نواز کے حکم پر ڈسٹرکٹ ہیڈ کوارٹر ہسپتال (ڈی ایچ کیو) پاکپتن کے میڈیکل سپرنٹنڈنٹ (ایم ایس) اور چیف ایگزیکٹو افسر سی ای او کو گرفتار کر لیا گیا۔ذرائع کے مطابق ایم ایس ڈی ایچ کیو ہسپتال اور سی ای او ہیلتھ کو گرفتار کرنے کا حکم دیا جس پر پولیس نے دونوں کو گرفتار کر کے لے گئی۔مریم نواز نے قومی ٹیم کو ایشین یوتھ گرلز نیٹ بال چیمپئن شپ 2025 جیتنے پر خراج تحسین پیش کیا ہے۔وزیراعلیٰ نے کہا کہ ایشین یوتھ گرلز نیٹ بال ٹورنامنٹ میں ناقابل شکست رہنے والی پوری ٹیم کو دل کی گہرائیوں سے مبارکباد دی ہے۔ چیمپئن شپ جیتنا پاکستان بالخصوص خواتین کے کھیلوں کی ترقی کے لئے سنگ میل ہے۔ پاکستان کی بیٹیاں ہر میدان میں سبز ہلالی پرچم کو سربلند کر رہی۔مریم نواز نے قومی ٹیم کو ایشین یوتھ گرلز نیٹ بال چیمپئن شپ 2025 جیتنے پر خراج تحسین پیش کیا ہے۔وزیراعلیٰ نے کہا کہ ایشین یوتھ گرلز نیٹ بال ٹورنامنٹ میں ناقابل شکست رہنے والی پوری ٹیم کو دل کی گہرائیوں سے مبارکباد دی ہے۔ چیمپئن شپ جیتنا پاکستان بالخصوص خواتین کے کھیلوں کی ترقی کے لئے سنگ میل ہے۔ پاکستان کی بیٹیاں ہر میدان میں سبز ہلالی پرچم کو سربلند کر رہی۔
.ذریعہ: Nawaiwaqt
کلیدی لفظ: ڈی ایچ کیو ہسپتال پاکپتن ایشین یوتھ گرلز نیٹ بال مریم نواز شریف ہسپتالوں میں مریم نواز نے ہسپتال میں چیمپئن شپ گرفتار کر مریضوں کے ہسپتال کے نے کہا کہ کے مطابق سٹور میں ہدایت کی کے لئے ا سی ای او باہر سے ایم ایس ٹیم کو کا حکم
پڑھیں:
مریم نواز مری سے واپسی پر فیلڈ اسپتال دیکھ کر رک گئیں، سہولیات کا جائزہ
وزیراعلیٰ پنجاب مریم نواز شریف نے مری سے واپسی کے دوران ایکسپریس وے پر مغل آباد کے قریب قائم فیلڈ اسپتال کا اچانک دورہ کیا۔
وزیراعلیٰ کے قافلے نے فیلڈ اسپتال دیکھ کر وہیں رکنے کا فیصلہ کیا، جہاں انہوں نے اسپتال میں دستیاب طبی سہولیات کا تفصیلی جائزہ لیا۔
وزیراعلیٰ مریم نواز نے فیلڈ اسپتال میں تعینات ڈاکٹرز اور طبی عملے سے گفتگو کی اور اسپتال کی ورکنگ کے بارے میں تفصیلات حاصل کیں۔ اس موقع پر انہوں نے وہاں موجود مریضوں اور ان کے اہل خانہ سے بھی بات چیت کی اور طبی سہولتوں کے حوالے سے ان کے تاثرات سنے۔
مریم نواز مری سے واپس آرہی تھی،اچانک راستے میں فیلڈ ہسپتال دیکھا جہاں خواتین کی بڑی تعداد مفت علاج کی سہولت حاصل کررہی تھیں،خواتین نے فیلڈ ہسپتال پر مریم نواز کا شکریہ ادا کیا۔مریم نواز کا اظہار تشکر۔ pic.twitter.com/hEH3b1aQmK
— Saif Awan (@saifullahawan40) July 2, 2025
مریضوں اور شہریوں نے وزیراعلیٰ کو بتایا کہ فیلڈ اسپتال جیسے اقدام سے خاص طور پر ضعیف افراد اور دور دراز علاقوں کے مکینوں کو علاج کی سہولت ان کی دہلیز پر مل رہی ہے۔ ایک مریض نے کہاکہ کبھی سوچا بھی نہیں تھا کہ دشوار گزار راستوں سے گزرے بغیر علاج کی سہولتیں گھر کے قریب ملیں گی۔
وزیراعلیٰ مریم نواز نے طبی ٹیسٹ اور ادویات کی مفت فراہمی سے متعلق بھی دریافت کیا اور شہریوں کی جانب سے مثبت رائے پر اظہارِ اطمینان کیا۔ انہوں نے کہاکہ عوام کی سہولت کے لیے اب فیلڈ اسپتال خود چل کر ان کی دہلیز تک پہنچ چکا ہے۔
انہوں نے بتایا کہ اللہ تعالیٰ کے فضل سے اب تک فیلڈ اسپتال اور ’کلینک آن ویل‘ منصوبے سے سوا کروڑ سے زیادہ مریض مستفید ہوچکے ہیں۔ ان کا کہنا تھا کہ انسانیت کی خدمت ہی مسلم لیگ (ن) کا ہمیشہ سے منشور رہا ہے اور ان سہولتوں کے دائرہ کار کو مزید وسعت دی جائے گی۔
وزیراعلیٰ نے کہا کہ صحت کی سہولت عوام کا بنیادی حق ہے اور حکومت اپنی عوامی ذمہ داریاں بھرپور طریقے سے پوری کرے گی۔
مریم نواز شریف کی اچانک آمد کی خبر ملتے ہی سینکڑوں شہری سڑک کے اطراف میں جمع ہوگئے اور ان کا پُرجوش استقبال کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews رک گئیں سہولیات کا جائزہ فیلڈ اسپتال مریم نواز وزیراعلٰی پنجاب وی نیوز
دھاندلی زدہ سابق حکومت چلنے دی نہ اس حکومت کو چلنے دیں گے، مولانا فضل الرحمان