اہلبیت ؓکی عظیم قربانی کو رہتی دنیا تک فراموش نہیں کیا جا سکتا، گورنر پنجاب
اشاعت کی تاریخ: 7th, July 2025 GMT
سردار سلیم حیدر نے کہا کہ حضرت امام حسین ؓکی قربانی چراغ ہدایت ہے۔ کربلا کے بعد دو ہی فرقے بچے ہیں ایک حسینی اور دوسرا یزیدی۔ ہمیں فخر ہونا چاہیے کہ ہم سب حسینی ہیں۔ حضرت امام حسین ؓنے حق کیلئے جان دی ہمیں اپنے ملک کو فرقہ واریت کی آگ سے نکالنا ہوگا، تمام علماء کرام کو چاہئے کہ وہ امن و امان کی فضا کو قائم رکھنے کیلئے اپنا بھر پور کردار ادا کریں۔ اسلام ٹائمز۔ گورنر پنجاب سردار سلیم حیدر خان نے کہا کہ اہلبیت ؓکی عظیم قربانی کو رہتی دنیا تک فراموش نہیں کیا جا سکتا۔ حضرت امام حسین ؓکا پیغام کسی ایک مسلک یا گروہ کیلئے نہیں بلکہ پوری انسانیت کیلئے ہے۔ یہ بات انہوں نے محرم الحرام کے سلسلے میں اپنے آبائی گھر ڈھرنال اٹک میں ماتمی جلوس کی قیادت کے موقع پر کہی۔ گورنر پنجاب کی رہائش گاہ پر 9 محرم الحرام کی مجلس میں لوگوں کی کثیر تعداد نے شرکت کی۔ گورنر پنجاب نے جلوس کے سکیورٹی اور انتظامی امور کا جائزہ بھی لیا۔ گورنر پنجاب سردار سلیم حیدر خان نے کہاکہ کربلا میں انسانیت،صبر، قربانی اور عدل کی مثال قائم کی گئی۔ حضرت امام حسین ؓکی قربانی چراغ ہدایت ہے۔ کربلا کے بعد دو ہی فرقے بچے ہیں ایک حسینی اور دوسرا یزیدی۔ ہمیں فخر ہونا چاہیے کہ ہم سب حسینی ہیں۔
انہوں نے کہا کہ حضرت امام حسین ؓنے حق کیلئے جان دی ہمیں اپنے ملک کو فرقہ واریت کی آگ سے نکالنا ہوگا، تمام علماء کرام کو چاہئے کہ وہ امن و امان کی فضا کو قائم رکھنے کیلئے اپنا بھر پور کردار ادا کریں۔ مزید براں، گورنر پنجاب سردار سلیم حیدر خان نے یومِ عاشور کے موقع پر اپنے پیغام میں کہا کہ یومِ عاشور ہمیں قربانی، صبر، عدل اور اجتماعی فلاح کا پیغام دیتا ہے۔ حضرت امام حسینؑ اور ان کی رفقا نے اسلام کی بقا کیلئے لازوال قربانیاں دی۔ انہوں کے کہا کہ شہدائے کربلا نے باطل کے سامنے نہ جھکنے اور ظلم و جبر کیخلاف ڈٹ جانے کا درس دیا۔ انہوں نے کہا کہ ہم سب کا فرض ہے کہ فرقہ واریت سے گریز کریں اور اتحاد، امن اور بھائی چارے کو فروغ دیں۔
ذریعہ
ذریعہ: Islam Times
کلیدی لفظ: سردار سلیم حیدر گورنر پنجاب
پڑھیں:
رکن پنجاب اسمبلی ثاقب چدھڑ کے اثاثوں کی تفصیلات کیلئے الیکشن کمیشن میں درخواست دائر
لاہور(ڈیلی پاکستان آن لائن)لاہور میں رکن پنجاب اسمبلی ثاقب چدھڑ کے اثاثوں کی تفصیلات حاصل کرنے کے لیے الیکشن کمیشن میں درخواست دائر کر دی گئی۔
نجی ٹی وی سما نیوز کے مطابق درخواست آصف محمود ایڈووکیٹ کی جانب سےجمع کرائی گئی،جس میں ثاقب چدھڑ کےکاغذاتِ نامزدگی اور اثاثوں کی تصدیق شدہ نقول فراہم کرنے کی استدعا کی گئی ہے۔
درخواست گزار کےمطابق ثاقب چدھڑ کےخلاف سپیکرپنجاب اسمبلی کےپاس نااہلی کی درخواست بھی دائر کی جا چکی ہے،اس لیے ان کی رکنیت برقرار رہنےیا نہ رہنے کےمعاملے کی جانچ پڑتال کے لیےانتخابی ریکارڈ کا معائنہ ناگزیر ہے۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
درخواست میں مؤقف اختیارکیا گیا ہےکہ رکن پنجاب اسمبلی پرایک خاتون کومہنگی گاڑیاں،قیمتی تحائف اورجائیداد تحفےمیں دینے کے الزامات سامنے آئے ہیں،جن کی روشنی میں ان کی مالی حیثیت اور آمدن کے ذرائع کا قانونی جائزہ لینا عوامی اہمیت کا معاملہ ہے۔
درخواست گزار نےمؤقف اپنایاکہ منتخب نمائندے قانون کے تحت اپنے اثاثے ظاہر کرنے کے پابند ہیں، لہٰذا ثاقب چدھڑ، انکی اہلیہ اور زیرِ کفالت افراد کے تمام پرانے اور نئے اثاثوں کا ریکارڈ فراہم کیا جائے۔
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ