مظفرآباد: جہلم ویلی میں اسکول وین کھائی میں گر گئی، 26 بچے زخمی
اشاعت کی تاریخ: 8th, July 2025 GMT
مظفرآباد کی وادی جہلم میں آج ایک افسوسناک حادثہ پیش آیا، جہاں نجی اسکول کی وین بے قابو ہو کر گہری کھائی میں جا گری، جس کے نتیجے میں 26 بچے زخمی ہو گئے، 2 بچوں کی حالت تشویشناک ہے۔
یہ بھی پڑھیں: آزاد کشمیر، جیپ کھائی میں گرنےسے 2 افراد جاں بحق
ایس ایس پی جہلم ویلی مرزا زاہد کے مطابق جہلم کے علاقے چکار کے قریب نجی اسکول کی وین اچانک بے قابو ہوئی اور خطرناک موڑ پر کھائی میں جا گری۔
چکار درہ تمرال
سابق وزیراعظم راجہ فاروق حیدر خان کے حلقہ انتخاب جہلم ویلی کی آبائی تحصیل چکار میں اسکول وین حادثہ ،26 طلبہ زخمی!
سابق وزیراعظم کی انتظامیہ کو فوری امدادی کارروائیاں کرنے کی ہدایت
تمام بچوں کی حالت خطرے سے باہر ھے ترجمان محکمہ صحت جہلم ویلی pic.
— Rashid Chakaari (@Chakaari40) July 8, 2025
حادثے میں وین ڈرائیور سمیت 26 بچے زخمی ہوئے ہیں،زخمیوں کو فوری طور پر قریبی اسپتال منتقل کر دیا گیا۔ پولیس کا کہنا ہے کہ زخمیوں میں سے ڈرائیور اور 2 بچوں کی حالت تشویشناک بتائی جارہی ہے۔ زخمی بچوں کی عمریں 6 سے 12 سال کے درمیان ہیں۔
یہ بھی پڑھیں: مظفرآباد، لینڈسلائیڈنگ کی زد میں آنے والے مسافروں نے اپنی جانیں کس طرح بچائیں؟
حکام کے مطابق واقعے کی تحقیقات جاری ہیں اور وین کی فنی حالت کا جائزہ بھی لیا جارہا ہے تاکہ حادثے کی اصل وجوہات کا تعین کیا جا سکے۔ اس المناک حادثے نے علاقے میں کہرام مچا دیا اور والدین کی بڑی تعداد اسپتال پہنچ گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آزاد کشمیر اسپتال اسکول وین پولیس تحصیل چکار حادثہ مظفرآباد وادی جہلمذریعہ: WE News
کلیدی لفظ: اسپتال اسکول وین پولیس تحصیل چکار وادی جہلم کھائی میں جہلم ویلی بچوں کی
پڑھیں:
ڈسٹرکٹ سینٹرل میں سروائیکل کینسر سے بچاؤ کی خصوصی مہم
کراچی:ڈسٹرکٹ ہیلتھ افسر ڈاکٹر سعد جمال کی زیرِ نگرانی سروائیکل کینسر سے بچاؤ کی خصوصی مہم کا افتتاح نجی اسکول کی گلبرگ برانچ میں منعقدہ تقریب سے کیا گیا۔
افتتاح چیئرمین سینیٹ کمیٹی برائے فوڈ سیکیورٹی اینڈ ریسرچ سینیٹر سید مسرور احسن نے کیا۔
اپنے خطاب میں انہوں نے کہا کہ قوم کی 9 سے 14 سال کی بچیوں کو سروائیکل کینسر سے بچاؤ کی ویکسین لازمی لگوائیں تاکہ آنے والی نسلیں اس موذی مرض سے محفوظ رہ سکیں۔
شرکاء تقریب میں ڈپٹی کمشنر ڈسٹرکٹ سینٹرل طہٰ سلیم، ڈسٹرکٹ سینٹرل ویمن ونگ اینڈ فوکل پرسن بی آئی ایس پی ثوبیہ عامر، روٹری انٹرنیشنل سے ملیحہ خان، ڈاکٹر اکرم سلطان، افتخار عالم، ڈپٹی ڈسٹرکٹ ہیلتھ آفیسر سینٹرل ڈاکٹر عروہ انعام اور دیگر موجود تھے۔
ڈسٹرکٹ ہیلتھ افسر ڈاکٹر سعد جمال نے مہمانِ خصوصی سینیٹر سید مسرور احسن و دیگر مہمانان کو یادگاری شیلڈ پیش کی، جبکہ اسکول کی بچیوں کو خصوصی تحائف بھی دیے گئے۔
محکمہ صحت سندھ اور ڈسٹرکٹ ہیلتھ آفیسر ڈسٹرکٹ سینٹرل نے والدین سے اپیل کی ہے کہ وہ یہ ویکسین بچیوں کو ضرور لگوائیں، ویکسینیشن مہم 15 تا 27 ستمبر 2025 ڈسٹرکٹ سینٹرل کے تمام سرکاری و نجی اسکولوں کے ساتھ ساتھ منتخب ویکسینیشن سینٹرز میں جاری رہے گی، والدین قریبی اسکول یا مقررہ سینٹرز پر جا کر اپنی بچیوں کو مفت ویکسین لگوا سکتے ہیں۔
دنیا بھر میں اسکولوں پر حملوں میں 44 فیصد اضافہ تشویشناک ہے، وزیراعلیٰ سندھ