جعلی مارکو روبیو کا اسکینڈل: امریکی و غیر ملکی حکام کو مصنوعی ذہانت کے ذریعے دھوکا دینے کی کوشش
اشاعت کی تاریخ: 8th, July 2025 GMT
data-id="863a0a8" data-element_type="widget" data-widget_type="theme-post-content.default">
واشنگٹن: امریکی اخبار واشنگٹن پوسٹ نے انکشاف کیا ہے کہ ایک جعلساز نے امریکی وزیر خارجہ مارکو روبیو کا روپ دھار کر اعلیٰ امریکی و غیر ملکی حکام سے رابطے کیے، یہ رابطے مصنوعی ذہانت کی مدد سے تیار کردہ آڈیو اور تحریری پیغامات کے ذریعے کیے گئے، جن میں مارکو روبیو کی آواز اور تحریری انداز کی ہو بہو نقل کی گئی۔
عالمی میڈیا رپورٹس کےمطابق امریکی اخبار نے امریکی اسٹیٹ ڈیپارٹمنٹ کے ایک سرکاری کیبل اور ایک سینیئر اہلکار کے حوالے سے بتایا کہ اس جعلساز نے کم از کم تین غیر ملکی وزرائے خارجہ، ایک امریکی گورنر اور ایک رکنِ کانگریس سے رابطہ کیا، ان تمام شخصیات کو پیغامات “مارکو روبیو” کے نام سے سگنل ایپ اور ٹیکسٹ میسیجز کے ذریعے بھیجے گئے۔
اسٹیٹ ڈیپارٹمنٹ نے اس معاملے پر ردعمل دیتے ہوئے کہا ہے کہ وہ اس واقعے کی مکمل تحقیقات کرے گا اور مستقبل میں ایسے حملوں سے بچاؤ کے لیے سائبر سیکیورٹی کو مزید مضبوط بنایا جائے گا، حکام نے ان افراد کے نام ظاہر نہیں کیے جنہیں ان پیغامات کا نشانہ بنایا گیا اور یہ بھی واضح نہیں ہو سکا کہ آیا کسی اہلکار نے ان پیغامات کا جواب دیا یا نہیں۔
مارکو روبیو کے دفتر کی جانب سے جاری کردہ سرکاری کیبل میں امریکی سفارتکاروں کو ہدایت کی گئی ہے کہ کسی بھی مشکوک رابطے یا جعلسازی کی کوشش کی فوری اطلاع متعلقہ حکام کو دی جائے۔
خیال رہےکہ یہ سلسلہ جون کے وسط میں شروع ہوا، جب جعلساز نے [email protected]” کے نام سے سگنل پر ایک اکاؤنٹ بنایا اور اس کے ذریعے مختلف سیاستدانوں اور سفارتکاروں کو مخاطب کیا، 3 جولائی کو اسٹیٹ ڈیپارٹمنٹ کو ارسال کردہ ایک کیبل میں کہا گیا کہ تاحال یہ معلوم نہیں ہو سکا کہ ان کوششوں کے پیچھے کون ہے؟ خیال ظاہر کیا جا رہا ہے کہ اس کا مقصد بااثر حکام کو دھوکہ دے کر معلومات یا حساس اکاؤنٹس تک رسائی حاصل کرنا تھا۔
واضح رہے کہ امریکا میں کسی وفاقی افسر یا سرکاری ملازم کا روپ دھار کر کسی بھی قسم کا فائدہ حاصل کرنا ایک قابلِ سزا جرم ہے۔
یاد رہےکہ یہ واقعہ امریکا میں حالیہ برسوں میں مصنوعی ذہانت کے ذریعے اعلیٰ عہدے داروں کا روپ دھارنے کی بڑھتی ہوئی کوششوں کا ایک اور مظہر ہے، رواں سال مئی میں بھی وائٹ ہاؤس کی چیف آف اسٹاف سوزی وائلز کے فون کو ہیک کر کے درجنوں سینیٹرز، گورنرز اور کاروباری افراد کو جعلی پیغامات بھیجے گئے تھے۔
.ذریعہ: Jasarat News
کلیدی لفظ: مارکو روبیو کے ذریعے
پڑھیں:
انسانی اسمگلرز کا نیا طریقہ واردات: جعلی فٹبال ٹیم سیالکوٹ سے جاپان پہنچ گئی
data-id="863a0a8" data-element_type="widget" data-widget_type="theme-post-content.default">
گوجرانوالہ:۔ گوجرانوالہ میں زمینی راستوں پر سختی کے بعد انسانی اسمگلرز نے نیا طریقہ واردات اپنا لیا۔ ایف آئی اے کے مطابق انسانی اسمگلرز 22 افراد پر مشتمل جعلی فٹ بال ٹیم سیالکوٹ ایئرپورٹ سے جاپان پہنچ گئی۔
ایف آئی اے حکام کے مطابق دستاویز جعلی ثابت ہونے پر جاپان نے تمام افراد کو ڈی پورٹ کردیا، جبکہ اسکینڈل میں ملوث ملزم ملک وقاص گرفتار کرلیا گیا۔ حکام کے مطابق گرفتار ملزم نے گولڈن فٹ بال ٹرائل کے نام سے فٹ بال کلب کی رجسٹریشن کروائی اور 22 افراد سے فی کس 40 لاکھ روپے وصول کیے۔
ایف آئی اے حکام کے مطابق تمام افراد کو فٹ بال ٹیم کے کھلاڑیوں کی طرح تربیت دی گئی، پاکستان فٹ بال فیڈریشن کے ساتھ رجسٹریشن کی جعلی دستاویز بنائی گئیں۔ حکام کے مطابق جعلی دستاویزات کے مطابق ملزمان کے جاپان کے ایک کلب سے فٹ بال میچ شیڈول تھے
ملزم نے وزارت خارجہ کے جعلی کاغذات بھی تیار کیے تھے۔ ملزم نے دوران تفتیش انکشاف کیا کہ جنوری 2024ءمیں بھی فٹ بال ٹیم کے روپ میں 17 افراد کو جاپان بھجوایا تھا۔
نیپال میں ’جنریشن زی‘ سڑکوں پر کیوں نکلی؟