اسرائیلی وزیراعظم کی ڈونلڈ ٹرمپ سے 2 روز میں دوسری ملاقات
اشاعت کی تاریخ: 9th, July 2025 GMT
data-id="863a0a8" data-element_type="widget" data-widget_type="theme-post-content.default">
واشنگٹن: اسرائیلی وزیر اعظم بنجمن نیتن یاہو نے دو روز کے دوران امریکی صدر ڈونلڈ ٹرمپ سے وائٹ ہاؤس میں دوسری بار ملاقات کی، تاہم یہ طویل نشست بھی کسی ٹھوس نتیجے کے بغیر ختم ہوگئی۔
ذرائع کے مطابق نوّے منٹ جاری رہنے والی اس ملاقات میں امریکی نائب صدر جے ڈی وینس بھی شریک تھے، مگر بات چیت کے اختتام پر کوئی مشترکہ اعلامیہ جاری نہ کیا جا سکا۔
خبر رساں اداروں نے بتایا کہ وزیر اعظم نیتن یاہو وائٹ ہاؤس سے میڈیا سے گفتگو کیے بغیر ہی روانہ ہوگئے، جس کے بعد قیاس آرائیاں زور پکڑ گئیں کہ اسرائیل اور حماس کے درمیان ممکنہ جنگ بندی کے حوالے سے کوئی خاطر خواہ پیش رفت نہیں ہو سکی۔
اس اہم ملاقات سے قبل صدر ٹرمپ نے میڈیا نمائندوں سے بات کرتے ہوئے کہا کہ امریکہ اور چین کے تعلقات میں بہتری آئی ہے اور تجارتی معاہدوں کے حوالے سے چین نے غیر معمولی حد تک منصفانہ رویہ اختیار کیا ہے۔
یہ ملاقات ایسے وقت ہوئی ہے جب مشرق وسطیٰ کی صورتحال بدستور کشیدہ ہے اور عالمی برادری اسرائیل اور حماس کے درمیان فوری جنگ بندی کے لیے دباؤ ڈال رہی ہے۔
.ذریعہ: Jasarat News
پڑھیں:
حماس نے غزہ امن معاہدے کے تحت مزید 3 قیدیوں کی لاشیں اسرائیل کے حوالے کر دیں
حماس اس سے قبل 17 قیدیوں کی لاشیں اسرائیل کے حوالے کرچکی ہیں اور اب تک مجموعی طور پر 20 لاشیں اسرائیلی حکام کے سپرد کی جا چکی ہیں۔ اسرائیلی حکام کا کہنا ہے کہ حماس کے پاس اب بھی 8 قیدیوں کی لاشیں موجود ہیں۔ اسلام ٹائمز۔ فلسطین کی مزاحمتی تنظیم حماس نے غزہ امن معاہدے پر عمل درآمد کا سلسلہ جاری رکھتے ہوئے مزید 3 قیدیوں کی لاشیں اسرائیل کے حوالے کر دیں۔ اسرائیلی فوج نے ریڈ کراس سے قیدیوں کی لاشیں موصول ہونے کی تصدیق کر دی۔ اسرائیلی میڈیا کے مطابق لاشوں کو شناخت کے عمل کے لیے تل ابیب کے ابوکبیر فرانزک انسٹی ٹیوٹ منتقل کر دیا گیا۔ حماس اس سے قبل 17 قیدیوں کی لاشیں اسرائیل کے حوالے کرچکی ہیں اور اب تک مجموعی طور پر 20 لاشیں اسرائیلی حکام کے سپرد کی جا چکی ہیں۔ اسرائیلی حکام کا کہنا ہے کہ حماس کے پاس اب بھی 8 قیدیوں کی لاشیں موجود ہیں۔
ترکیہ برطانیہ سے 20 یورو فائٹر طیارے خریدے گا، معاہدے طے