حمیرا اصغر کو کن مشکلات اور فیملی چیلنجز کا سامنا رہا؟ اداکارہ کی یادگار گفتگو
اشاعت کی تاریخ: 9th, July 2025 GMT
کراچی کے علاقے ڈیفنس میں اپنے فلیٹ سے مردہ اور ناقابل شناخت حالت میں ملنے والی اداکارہ کا ایک پرانا انٹرویو سامنے آیا جس میں انہوں نے انٹرٹینمٹ انڈسٹری میں آنے اور اس دوران فیملی چلینجز سے نبردآزما ہونے سے متعلق گفتگو کی ہے۔
اداکارہ حمیرا اصغر علی ایکسپریس انٹرٹینمنٹ کے پروگرام کا حصہ بنیں جس میں انہوں نے اینکر و میزبان حسن کے ساتھ گفتگو کرتے ہوئے اپنی زندگی کے مختلف پہلوؤں پر بات کی تھی۔
اداکارہ نے بتایا کہ سب سے زیادہ سپورٹ والدہ کی طرف سے ملی، بچپن میں جب ٹیچرز نے والدین کو بلاکر میری آرٹ کی صلاحیتوں کا بتایا تو امی نے سپورٹ کرنے کا فیصلہ کیا اور پھر میں نے فائن آرٹس پڑھنے کے بعد پنجاب یونیورسٹی سے ماسٹرز کیا۔
انہوں نے بتایا کہ میں ہمیشہ چلینجز سے لڑتی رہی اور یہ میرے خون میں شامل ہے، سب سے پہلے فائن آرٹس کی پڑھائی کے وقت مخالفت برداشت کی، پھر ماڈلنگ اور اداکاری کے فیصلے کے وقت بھی دباؤ برداشت کیا اور اس میں گھر والوں بالخصوص والد اور بھائی کا پریشر تھا۔
حمیرا کے مطابق اُن کی والدہ نے اسکول کے بعد سے ہمیشہ سپورٹ کیا حتی کہ جب انہوں نے ماڈلنگ میں جانے کی خواہش کا اظہار کیا تو پہلے وزن کم کرنے کی شرط رکھی جس کے بعد اداکارہ نے 30 کلو وزن کم کیا۔
اداکارہ کے مطابق ایک نجی ٹی وی کے شو میں شرکت کے بعد انہوں نے تین دن کا وقفہ کیا اور سب سے والدہ سے رابطہ کیا جس کے بعد نماز پڑھ کر اللہ کا شکر ادا کیا اور پھر تین روز کی چھٹی لے کر لاہور جاکر والدہ کے ساتھ بہت اچھا وقت گزارا۔
واضح رہے کہ اداکارہ کی ایک روز قبل کراچی کے علاقے ڈیفنس سے تقریباً 30 روز پرانی سڑی ہوئی لاش برآمد ہوئی جبکہ والد اور بھائی نے لاش لینے سے انکار کرتے ہوئے جواب دیا کہ ہم بیٹی سے پہلے ہی لاتعلق ہوچکے تھے جبکہ اُسے عاق بھی کردیا تھا۔
.
ذریعہ
ذریعہ: Express News
کلیدی لفظ: انہوں نے کیا اور کے بعد
پڑھیں:
اداکارہ میرب علی کو اچانک سرجری کیوں کروانا پڑی؟ اصل وجہ سامنے آگئی
پاکستانی شوبز انڈسٹری کی معروف اداکارہ، ماڈل اور ڈیجیٹل کریئیٹر میرب علی حال ہی میں انگلی کی سرجری کے بعد اسپتال میں زیرِ علاج رہیں۔
میرب علی نے سماجی رابطوں کی ویب سائٹ پر اپنے مداحوں کو آگاہ کرتے ہوئے بتایا کہ ان کی ایک انگلی میں طویل عرصے سے حرکت کے دوران مسئلہ درپیش تھا جس میں انگلی کا ’لاک‘ ہو جانا اور محدود حرکت شامل تھی۔
یہ بھی پڑھیں: عاصم اظہر اور ہانیہ عامر کی وائرل ویڈیو کے بعد میرب علی کا انسٹاگرام پر طنزیہ پیغام
اداکارہ کے مطابق ابتدائی طور پر ان کا معائنہ ریمیٹولوجسٹ اور نیورولوجسٹ نے کیا جنہوں نے انہیں فٹ قرار دیا تاہم بعد ازاں آرتھوپیڈک سرجن نے مسئلے کے حل کے لیے سرجری تجویز کی۔
View this post on Instagram
A post shared by Merub Ali (@meruub)
میرب علی نے بتایا کہ انہوں نے اس آپریشن کو معمولی طبی عمل سمجھا تھا تاہم سرجری ان کی توقع سے زیادہ پیچیدہ اور وقت طلب ثابت ہوئی۔ یہ آپریشن کراچی کے آغا خان یونیورسٹی اسپتال میں کیا گیا۔
انہوں نے اپنے مداحوں کے لیے ویڈیو پیغام بھی جاری کیا جس میں انہوں نے اپنی صحت سے متعلق صورتحال سے آگاہ کیا۔ اداکارہ کی سرجری کی خبر سامنے آنے کے بعد شوبز شخصیات اور مداحوں کی جانب سے ان کی جلد صحت یابی کے لیے نیک خواہشات اور دعاؤں کا اظہار کیا جا رہا ہے۔
یہ بھی پڑھیں: عاصم اظہر اور میرب علی نے راہیں جدا کرلیں، گلوکار نے اپنے پیغام میں کیا کہا؟
مایا خان، درِفشاں سلیم، ثناء فہد، رابعہ کلثوم سمیت متعدد فنکاروں نے بھی ان کی جلد صحت یابی کے لیے دعائیں کیں۔ سوشل میڈیا صارفین نے میرب علی کو آرام کرنے اور موبائل فون کے زیادہ استعمال سے گریز کرنے کا مشورہ دیا ہے تاکہ تکلیف میں اضافہ نہ ہو۔
میرب علی ڈرامہ سیریلز صِنفِ آہن، پریستان، وبال اور فرار کے ذریعے شہرت حاصل کر چکی ہیں۔ اداکاری کے ساتھ ساتھ وہ قانون کی ڈگری بھی رکھتی ہیں اور ماڈلنگ کے شعبے میں بھی اپنی شناخت بنا چکی ہیں۔ گزشتہ سال ان کی اور گلوکار عاصم اظہر کی منگنی ختم ہونے کی خبر بھی سامنے آئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عاصم اظہر میرب علی میرب علی سرجری
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ