شمالی کوریا کی یوکرین جنگ میں روس کو بھرپور حمایت اعلان لاوروف کی کم جونگ اُن سے ملاقات
اشاعت کی تاریخ: 13th, July 2025 GMT
شمالی کوریا نے یوکرین کے خلاف روس کے فوجی حملے کی بھرپور حمایت کا اعادہ کرتے ہوئے روسی فوجیوں کو توپ خانے کے گولے، میزائل اور افرادی قوت فراہم کرنے کی تصدیق کی ہے۔
یہ بھی پڑھیں:شمالی کوریا یوکرین کیخلاف روس کی مدد کے لیے 20 ہزار فوجی بھیج رہا ہے، یوکرینی انٹیلجنس رپورٹ
اس بات کا اعلان ہفتے کے روز روسی وزیرِ خارجہ سرگئی لاوروف کی شمالی کوریا کے رہنما کم جونگ اُن سے ملاقات کے موقع پر کیا گیا، جس میں دونوں ممالک نے اپنے دفاعی و سیاسی اتحاد کو مزید وسعت دینے کے عزم کا اظہار کیا۔
لاوروف نے کم جونگ اُن کو صدر ولادیمیر پوتن کا پیغام پہنچایا کہ وہ ’جلد براہِ راست روابط کے تسلسل کی امید رکھتے ہیں‘۔
روسی خبررساں ادارے TASS کے مطابق، لاوروف نے اپنے شمالی کوریائی ہم منصب چوئے سون ہوئی سے ملاقات میں بتایا کہ شمالی کوریا کے حکام نے ’یوکرین میں روسی کارروائیوں کے تمام اہداف کی مکمل حمایت‘ کا اعادہ کیا ہے۔
انہوں نے شمالی کوریائی فوجیوں کو “بہادر” قرار دیتے ہوئے ان کا شکریہ بھی ادا کیا۔
روس اور شمالی کوریا کے درمیان تعلقات میں یہ ملاقات تازہ ترین پیشرفت ہے، جو یوکرین جنگ کے پس منظر میں دفاعی و سیاسی اعتبار سے مسلسل قریب آتے جا رہے ہیں۔
یہ بھی پڑھیں:شمالی کوریا کے ہزاروں فوجی روس کیوں بھیجے گئے؟
رپورٹ کے مطابق شمالی کوریا نے روس کے کرُسک علاقے میں یوکرینی افواج کے خلاف کارروائی کے لیے ہزاروں فوجی بھیجے ہیں اور روسی فوج کو اسلحہ بھی فراہم کیا ہے۔
روسی وزارتِ خارجہ کا کہنا ہے کہ فریقین نے ان غیرعلاقائی طاقتوں کی بالا دستی کے عزائم کے خلاف مشترکہ مزاحمت پر زور دیا ہے، جو شمال مشرقی ایشیا اور بحر الکاہل میں کشیدگی میں اضافے کا سبب بن رہے ہیں۔
یہ ملاقات شمالی کوریا کے مشرقی ساحلی شہر وونسان میں ہوئی، جہاں رواں ماہ کے آغاز میں ایک بڑا سیاحتی مقام کھولا گیا۔ لاوروف نے وونسان کو بہترین سیاحتی مقام قرار دیتے ہوئے کہا کہ یہ صرف مقامی شہریوں ہی نہیں بلکہ روسی سیاحوں میں بھی مقبول ہوگا۔
روسی حکام نے دورے سے قبل اعلان کیا تھا کہ ماسکو اور پیانگ یانگ کے درمیان ہفتے میں 2 پروازیں چلائی جائیں گی۔
واضح رہے کہ گزشتہ برس ولادیمیر پیوٹن کے دورۂ شمالی کوریا کے دوران دونوں ممالک کے درمیان عسکری معاہدہ طے پایا تھا، جس میں باہمی دفاعی شق بھی شامل ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پیانگ یانگ پیوٹن روس سرگئی لاوروف شمالی کوریا ماسکو یوکرین جنگ.
ذریعہ
ذریعہ: WE News
کلیدی لفظ: پیانگ یانگ پیوٹن سرگئی لاوروف شمالی کوریا ماسکو یوکرین جنگ شمالی کوریا کے
پڑھیں:
اڈیالہ جیل، بانی پی ٹی آئی اور بشریٰ بی بی کی 40 منٹ طویل ملاقات
راولپنڈی: اڈیالہ جیل میں بانی پاکستان تحریک انصاف (پی ٹی آئی) اور ان کی اہلیہ بشریٰ بی بی(bushra bibi) کے درمیان ہفتہ وار ملاقات کرائی گئی، جو تقریباً 40 منٹ تک جاری رہی۔
جیل ذرائع کے مطابق ملاقات جیل کے کانفرنس روم میں ہوئی جہاں دونوں نے ایک دوسرے کی خیریت دریافت کی اور مختلف امور پر تبادلہ خیال کیا۔ ملاقات جیل حکام کی نگرانی میں مقررہ ضابطوں کے مطابق کرائی گئی۔
دوسری جانب ملاقات کے دن کے باوجود بانی پی ٹی آئی سے کسی وکیل یا خاندان کے دیگر افراد کی ملاقات نہ ہو سکی۔ جیل ذرائع کے مطابق معمول کی ملاقاتوں کے حوالے سے سیکیورٹی اور انتظامی اقدامات برقرار رہے۔
ادھر وزیراعلیٰ خیبر پختونخوا سہیل آفریدی کی جانب سے نامزد نمائندے اور صوبائی حکومت کے بعض عہدیدار بھی اظہارِ یکجہتی کے لیے اڈیالہ جیل پہنچے، تاہم انہیں بھی بانی پی ٹی آئی سے ملاقات کی اجازت نہ مل سکی۔
مزید پڑھیں:فورسز کی بلوچستان کے مختلف علاقوں میں کارروائیاں، 17 دہشتگرد ہلاک، آئی ایس پی آر
اسی دوران بانی پی ٹی آئی کی بہنیں علیمہ خان، نورین نیازی اور عظمیٰ خان بھی اڈیالہ جیل پہنچیں، تاہم پولیس نے انہیں فیکٹری ناکے سے آگے جانے کی اجازت نہیں دی۔ ذرائع کے مطابق سیکیورٹی وجوہات کی بنا پر انہیں جیل تک رسائی نہیں دی گئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ